Read Baibul, Mizo Genesis 7 Bible Online

Genesis 7 - Baibul, Mizo bible

Genesis 7

¹Tin, LALPA'n Nova hnenah chuan, "Nang leh i chhungte zawng zawng chu lawngah lut rawh u; nang zawng tun lai thangthar zingah hian ka mithmuhin mi fel tak i nih hi ka hria che a ni,

²Sa thiang tinreng zinga mi, a pa leh a kawppui nu nen theuh tuak sarih zelin, sa thiang lo zinga mi, a pa leh a kawppui a nu nen theuh tuak khat zelin, chungleng sava zinga mi pawh, a nu leh a pa theuh tuak sarih zelin, lei chung zawng zawngah chi thlah tura tihnun turin i hnenah i hruai tur a ni.

³Sa thiang tinreng zinga mi, a pa leh a kawppui nu nen theuh tuak sarih zelin, sa thiang lo zinga mi, a pa leh a kawppui a nu nen theuh tuak khat zelin, chungleng sava zinga mi pawh, a nu leh a pa theuh tuak sarih zelin, lei chung zawng zawngah chi thlah tura tihnun turin i hnenah i hruai tur a ni.

⁴Ni sarih a la bak a, chu mi hnuah chuan lei chhung zawng ruah ka surtir ang a; ka thilnung siam tinreng hi lei chung ata ka tiboral ang," a ti a.

⁵Tichuan Nova chuan LALPA'n a hnena thu a pek zawng zawng ang zel chuan a ti ta a.

⁶Tin, leia tui a let lai chuan Nova chu kum 600 mi a ni a.

⁷Tin, tui a let dawn avangin Nova chu lawngah chuan a lut a, a fapate leh a nupui leh a fapate nupuite pawh a hnenah an lut ve a.

⁸Pathianin Nova thu a pek ang khan sa thiang zinga mi pawh, sa thiang lo zinga mi pawh, sava zinga mi pawh, leia bawkvaka kal tinreng zinga mi pawh, a nu leh a pa theuh, a tuak zelin Nova hnenah lawngah chuan an lut ta a.

⁹Pathianin Nova thu a pek ang khan sa thiang zinga mi pawh, sa thiang lo zinga mi pawh, sava zinga mi pawh, leia bawkvaka kal tinreng zinga mi pawh, a nu leh a pa theuh, a tuak zelin Nova hnenah lawngah chuan an lut ta a.

¹⁰Tin, ni sarih hnuah chuan leiah hian tui chu a lo let ta a.

¹¹Nova chu kum 600 a nih kum, a thla hnihna ni sawm leh ni sarih niah, chu mi ni ngei chuan tui thuk zau tak hna zawng zawngte chu a lo sah ta vek a, van tukverhte pawh a lo inhawng ta bawk a.

¹²Tin, ni sawmli leh zan sawmli chhung zawng leiah hian ruahpui vanawn a sur ta a.

¹³Chu mi ni ngei chuan Nova te, Nova fapa Sema te, Hama te, Jephetha te, Nova nupui te chu lawngah chuan an lut ta a, a fapate nupui pathumte pawh an hnenah an lut ve a;

¹⁴anniho chu an lut a, sa tinreng anmahni chi awm dan ang theuhin, ran zawng zawng anmahni chi awm dan ang theuhin, rannung leia bawkvaka kal tinreng anmahni chi awm dan ang theuhin, sava tinreng anmahni chi awm dan ang theuhin, sava tinreng, thla nei tinreng chu an lut bawk a.

¹⁵Tichuan tisa zawng zawng nunna thaw pai reng rengte chu a tuak zelin Nova hnenah chuan lawngah an lut ta a.

¹⁶Tin, a lutte chu Pathianin a hnena thu a pek angin tisa zawng zawng zinga mi a nu leh a pa zelin an lut a: tin, LALPA'n ani chu a khar khum ta a.

¹⁷Tin, tui chu leiah hian ni sawmli chhung zawng a let a; tui chu a lo awm ta pung a, lawng chu a chim lang a, lei chung lamah a sep kang ta a.

¹⁸Tin, tui chu a lo awm ta pung pung a, lei chungah hian a lo pung ta chiam a, lawng chu tui chungah chuan a lang zel a.

¹⁹Tin, lei chungah hian tui chu nasa takin a lo pung a; van hnuaia tlang sang zawng zawngte a pil zo ta vek a.

²⁰Tawng sawm leh tawng nga zeta sangin a lo awm ta pung a; tlangte chu a pil ta daih a.

²¹Tichuan tisa lei chunga che thei zawng zawng, sava te, ran te, sa te, rannung lei chunga bawkvaka kal tinreng te, mihring tinreng te nen an thi zo ta vek a:

²²an hnara nunna thlarau thaw awmna zawng zawng, khawmuala awm apiangte chu an thi zo ta vek a.

²³Tichuan lei chunga thil nung tinreng awmte chu mihring te, ran te, rannung te, chungleng savate nen tihboralin an awm a; lei ata tihboralin an awm ta: Nova leh lawnga a hnena awmte chauh chu zuahin an awm ta a.Tin, tui chu ni za leh ni sawmnga chhung zawng chuan leiah hian a awm ta pung mai a.

²⁴Tin, tui chu ni za leh ni sawmnga chhung zawng chuan leiah hian a awm ta pung mai a.