Read Baibul, Mizo 2 Samuela 11 Bible Online

2 Samuela 11 - Baibul, Mizo bible

2 Samuela 11

¹Tin, hetih a ni a, kum a lo vei a, lalte indo tura an chauh thin lai hun chuan, Davida'n Joaba chu a tir a, amite leh Israel mi zawng zawngte nen; tin, Amona thlahte chu an tiboral a, Raba khua an hual a, Davida erawh chuJerusalem-ah a awm a.

²Tin, heti hi a ni a, tlai nemah chuan a khum ata Davida chu a tho a, lal in chungah a han kal a: tin, in chung atang chuan hmeichhe pakhat inbual lai hi a han hmu a; chu hmeichhia chu hmel tha tak a ni.

³Tin, Davida chuan mi a tir a, chu hmeichhe chanchin chu a zawh fiahtir a. Tin, "eliama fanu, Bath-sebi, Hit mi Uria nupui a ni lo'm ni?" an ti a.

⁴Tin, Davida chuan mi a tir a, an hruai ta a; tin, a hnen chu a va thleng a, a lo mutpui ta a, (a fel loh lai tak ani a), tin, a lamah a haw leh ta a.

⁵Tichuan hmeichhia chu a lo rai ta a; tin, "nau a pai ta," tiin Davida chu a hrilhtir a.

⁶Tin, Davida chuan Joaba hnenah, "Hit mi Uria hu ka hnena han kaltir rawh," tiin a chah a. Tin, Joaba chuan Uria chu Davida hnena a kaltir a.

⁷Tin, Urian ahnen a han thlen chuan Joaba leh mite chu engne an an a, indonaahte engne an tih a zawt a.

⁸Tin, davia chuan Uria hnenah, "I in lamah haw la, i kete zuk sil rawh," a ti a. Chutichuan Uria chu lal in ata chu a chhuak a,tin, lal chu ei turtein a umzui a.

⁹Nimahsela Uria hu a pu chhiahhlawhhote zingah lal in kawngkhar bulah chuan a mu ta mai a, a in lamah chuan a haw ta lo a.

¹⁰Tin, Davida chu, "Uria chu a in lamah a haw lo," tiin an han hrilh veleh Davida'n Uria hnenah, "Khawilo ni hawng i ni lo'm ni? Engati nge i in lamah i hawn loh?" a ti a.

¹¹Tin, Uria chuan Davida hnena, "Pathian bawm te, Israelte leh Judate hu bukah an awm a; tin, ka pu Joaba leh ka pu mite ram lakah an inkulh a; kei ka inah ka hawngin ka eiin ka in ang a, ka nupi hnenah ka mu bik ang maw? I nunna leh i thlarau nuna chhalin ka sawi ka sawi e, chu chu ka ti lo tawp ang," a ti a.

¹²Tin, Davida chuan Uria hnenah, "Vawiinah pawh hetah awm la, naktukah pawh i kal dawn nia," a ti a. Chutichuan Uria chu Jerusalem-ah chuan chu mi ni leh a tukah pawh chuan a awm ta a.

¹³Tin, Davida chuan a ko a, a hmaah chuan a eiin a in a; a tirui ta der mai a; tin, tlai lamah chuan a in lamah haw loin a pu chhiahhlawhte zingah mu tur chuan a chhuak ta a.

¹⁴Tin, heti hi a ni a, a tuk zingah chuan Davida chuan Joaba chu lehka a thawn a, Uria chu akentir a.

¹⁵Tin, lehkhaah chuan, "Uria chu ral zualna lai berah hmatawntir u la, an thaha a thih hlauhna'n thlahthlam rawh u," tiin a ziak a.

¹⁶Tin, heti hi a ni a, Joaban khua ch a hual vel lai chuan mi huai huai awmna nia a hriatah chuan Uria chu a tantir a.

¹⁷Tin, khuaa mite chu an chhuak a, Joaba chu an bei a, mi thenkhat, Davida mite zinga mi ngei chu an thi a; tin, Hit mi Uria pawh a thi a.

¹⁸Chutichuan Joaa chuan mi a tir a, indo chungchang thu lam zawng zawng chu Davida a hrilh a;

¹⁹tin, a mi tirh chu," Lal hnena indo chanchin zawng zawng a sawi zawh a,

²⁰a thin a ur thut mai mai a, 'Engati nge bei tura chutianga khaw bul lawka in kal mai:? Kulh atangin an kap mai ang che u tih in hre lo'm ni?:

²¹Jerubesetha fapa Abimeleka kha tuin nge that kha? Bu rawtsawmna lun gchungnung sawk hmeichhiain kulh atanign a chunga a zuk thlak a. Thebez-ah khan a thi a ni lo'm ni? Engati nge chutianga kulh bul lawka in kal ni?" a tih chuan, 'I chhiahhlawh Hit mi Uria paw kha a thi a sin,' ti ang che," tiin a hrilh a.

²²Chutichuan ami tir chu akal ta a, a va thleng a, Joaban a tirh chhan zawng zawng hu Davida a hrilh a.

²³Tin, a mi tirh chuan Davida hnenah, "Mite chuan min rawn nawr a, phulah min rawn bei a, tin, keininan khaw luhna kawng khar thleng rawkin kan nawr ta a.

²⁴tin, kaptute chuan kulh atangin i chhiahhlawhte chu an kap a, tichuan lal chhiahhlawh thenkhatte an thi a, tin, i chhiahhlawh Hit mi Uria pawh kha a thi a sin," a ti a.

²⁵Chutichuan Davida chuan a mi tirh hnenah chuan, "Joaba hnena chan heti hian va sawi rawh, "he'ng hian i rilru tilawm lo chuang suh se, khandaih chuan atuamah a thlei si lo, nasa lehzualin khua chu bei u la tiche rawh u,' tiin fuih rawh," a ti a.

²⁶Tin, Uria nupi chuan a pasal Uria a thi tih a lo hriat chuan a pasal chu a sun a.Tin, a sun hun bi a pelh hnu chuan Davida chuan a in lamah a hruaitir a, a nupuiah a nei ta a, fapa a hrinsak a. Nimahsela, Davida thiltih chuan LALPA a tilungni lo a.

²⁷Tin, a sun hun bi a pelh hnu chuan Davida chuan a in lamah a hruaitir a, a nupuiah a nei ta a, fapa a hrinsak a. Nimahsela, Davida thiltih chuan LALPA a tilungni lo a.