Read Baibul, Mizo 2 Samuela 15 Bible Online

2 Samuela 15 - Baibul, Mizo bible

2 Samuela 15

¹Tin, heti hi a ni a, chung thilhnuah chuan Absaloma chuan tawlailirah chuan Absaloma chuan tawlailir leh sakawrte leh mi sawmnga ahmaa tlan turin a buatsaih a.

²Tin, Absaloma u zing takah a tho a, kulh kawng khar kawngah chuan a lo ding thin a; tin, lal hnena thupawi rawn sawi tur apiangte chu Absaloma chuan a lo ko a, "Khawii khua nge i nih?" a lo ti zel thin a. Tin, "I chhiahhlawh hi Israel hnamte zinga hnam pakhat ka ni," an ti zel thin a.

³Tin, Absaloma chuan, "I e, i thu chu a thain a dik a; nimahsela ngaihtuahtu tur lalin tumah a ruat lo," a lo ti thin a.

⁴Tin, Absaloma vek chuan, "Mi tin, thupawi sawi tur nei emaw, dil tur nei emaw apiang chu ka hnenah an lo kalna turin, kei hi he mi ram roreltuah mi siam se la ka va ti em ve aw! Chutichuan fel takin ka relsak thin tur," te a lo ti bawk thin a.

⁵Hetiang pawh hian a ti a, tupawh amah chibai buk tura han hai apiangte chu a lo ban a, a chelh a, a lo fawp thin a.

⁶Chutichuan Israel mi lalhnena thusawi tura lo kal apiangte chu Absaloma chuan chutiang chuan a lo ti zel thin a. Chutichuan Absaloma chuan Israel mite thinlung chu a hipsak a.

⁷Tin, heti hi a ni a, kum li a lo vei chuan Absaloma chuan lal hnenah, "Hebron khuaa LALPA hnena ka thutiam hlen turin min kaltir rawh khai.

⁸I chhiahlawh hian suria rama Gesur-a ka awm lai khan, "LALPA'n Jerusalem-a min ruai leh phawt chuan LALPA rawng ka bawl ang,' tiin thu ka lo tiam tawa ni," a ti a.

⁹Tin, lal huan a hnenah, "thlamuang takin kal rawh khai," a ti a. Chutichuan a tho a, Hebron-ah chuan a kal ta a.

¹⁰Nimahsela Absaloma chuan, "Tawrawrawt ri in riat veleh, 'Absaloma chu Hebron-ah lal a ni,' ti ang che u," tiin Israel hnam zawng zawngte hnenah mi a tir ru ta hlau a.

¹¹Tin, Absaloma hnenah chuan a mi sawm, mi zahnih Jerusalem atangin an kal ve a, rilru tha tak puin an kal a, engmah an hre ve lo.

¹²Tin, Absaloma chuan inthawinate chu a hlan laiin, gilon mi Ahithophela, Davida rorelpui chu, a khua Gilo ata a chah a. An thu phiar chu a nasa hle mai a; Absaloma lamah chuan mipuite chu an pung tulh tul mai si a.

¹³Tin, Davida hnenah chuan, "Israel mite rilru chu Absaloma lamah a thle hle mai," tiin mi a lo kal a.

¹⁴Tin, Davida chuan Jerusalem-a a mi zawng zawngte hnenah chuan, "Tho u la i tlan chhuak ang u, tumah Absaloma lakah hian kan chhuak thei awm si lo va: chhuak thuai rawh u khai, chutilozawng min rawn umphak thuai mai ang a, kan chungah hian thil tha lo tak a rawn thlen ang a, khandaihin khua hi a rawn bei dah ang e," a ti a.

¹⁵Tin, lal mite chuan lal hnenah, "Ngai teh, i chiahhlawhte hi kan pu, kan lalin a ruat apiang ti turin kan inpeih reng e," an ti a.

¹⁶Tin, lal chu a chhuak a, achhungte zawng zawngin an zui a. Tin, lal chuan in nghak turin hmeichhe sawm, hmeihote chu a dah a.

¹⁷Tin, lal chu a chuak a,mipui zawng zawngte chuan an zui a; tin, Beth-merhak-ah an chawl rih a.

¹⁸Tin, a mi zawng zawngte chuan an kal pel a; tin, Kerit mi zawng zawng te, Pelet mi zawng zawng te, mi zaruk Gath atanga mah rawn zuitute chuan lal chu an bel zel a.

¹⁹Chutichuan lal chuan Git mi Itaia hnenah chuan, "Eng tizia nge nanghi i lo kal ve? Kir leh la, lal hnenah awm rawh: nang chu mikhual ram danga mi i ni bawk si a, nangma hmun lamah kir leh rawh khai.

²⁰Nimin lawka lo kal i ni a, vawiinah hian kan hnena a chhuk a chhova min zui turin ka tih ve tur che i ni em ni? Ka lal theih theihnaah ka lal dawn a ni a, nang hchu kir leh la, i unaute zawng zawng hi hruai kir rawh; khawngaihna leh thutak i hnenah awm rawh se," a ti a.

²¹Tin, Itaia chuan lal chu a chhang a," LALPA nunna leh lal, ka pu nunna chhalin ka sawi e, lal, ka pu hi i awmna tawh phawtahchuan, thih leh thih ani ang a, dam leh dam ani ang a, i chhiahlawh hi a awm ve zel ang," a ti a.

²²Tin, Davida chuan Itaia hnenah chuan, "Kal u la, kal zel rawh u le," a ti a. Tichuan Git mi Itaia chu amite zawng zawng leh an fanau zawng zawngte nen chuan an kal a.

²³Tin, ring takin a ram tahin an tap a, mipuite chu an kal vek a; thlaler kawng lam panin lal pawh chuan Kidron lui chu a kan a, tin, mipui zawng zawngte chuan an kan bawk a.

²⁴Tin, Zadoka te chu Pathian thuthlun bawm zawnin Levi-ho zawng zawngte nen a hnenah an kal ve a; Pathian bawm chu an nghat a, mipuiin khua chu an chauhsan kim vek thlengin Abiathara chu a hanchho a.

²⁵Tin, lal chuan Zadoka hnenah, "Pathian bawm chu khawpui chhungah zawn haw leh rawh u: LALPA mittlunga ka awm chuan mi hruai haw leh ang a, Pathian bawm leh a awmna chu min hmuhtir leh ang a;

²⁶amaheawhchu,'nangmahah lawmna reng ka nei lo,' a tih chuan ngai teh, heti mai hi ka ni a, thaa ti ang angin ka chungah hian ti mai rawh se," a ti a.

²⁷lal chuanpuithiamZadoka hnenah chuan, "Hmu theitu i ni lo'm ni? I fapate pahnih, i fapa Ahimaaza leh Abiathara fapa Jonathana nen thlamuang takinkhawpuiah haw leh rawh u.

²⁸Ngai teh, kei chu chanchin min rawn hriattir hma loh chu thlalera lui kaiahte hian ka lo awm ang e," a ti a.

²⁹Chutichuan Zadoka leh Abiathara chuan Pathian bawm chu Jerusalemah an kalpui leh a; tin, chutah chuan an awm ta a.

³⁰Chutichuan Davida chu Olive tlang chohnaah chuan a lawn cho a, chhoh pah chuan a tap zel a; a lu a khum a, ke ruain a kal a: tin, a hnena mi awm zawng zawngte chuan lu an khum theuh a, tap chung zelin an chho a.

³¹Tin, tuin emaw Davida chu, "Ahithophela chu Absaloma lamah tangin phiartute zingah a tel ve," tiina hrilh a. Tin, Davida chuan, "Aw LALPA, Ahithophela remruat chu atnaah chantir turin ka ngen a che," a ti a.

³²Tin, heti hi a ni a, Davida chu Pathian biakna tlang chhip a han lawn chhua chuan, ngai teh, Ark mi Husaia chu a kawr pawhthler ha a, a lua lei kai luamin ama hmuak turin a lo kal a.

³³Tin, Davida chuan ahnenah, "Ka hnena i kal ve chuan ka tan phur rit i ni mai ang a:

³⁴amaherawhchu khawpui lamah chuan i kir a, Absaloma hnena, 'Aw lalpa, i chhiahhlawhah ka awm ang e, tun hma lama i pa chiahlawhah ka awm ang khan tunah hian i chhiahlawhah ka awm tawh thung ang e,' i va tih eraw chua Ahothophela remruat mi dalsaktu i ni zawk ang.

³⁵Chutah chuan i hnena puithiam Zadoka leh Abiathara pawh an awm ve ani lo'm ni? Chutichuanheti hi a ni ang a, lal ina thu chhuak i hriat apiang chu puitiam Zadoka leh Abiathara i hrilh thin ang a.

³⁶Ngai teh, an fapate pahnih Zadoka fapa Ahimaaza leh Abiathara fapa Jonathana pawh an hnenah an awm kha; tin, i thil hriat apiangte chu mi hriatir turin anmahni chu i rawn tir thin dawn nia," a ti a.Chutichuan, Davida thian Husaia chu khawpuiah chuan a lut a; tin, Absaloma chu Jerusalem-ah a lut ta a.

³⁷Chutichuan, Davida thian Husaia chu khawpuiah chuan a lut a; tin, Absaloma chu Jerusalem-ah a lut ta a.