Read Baibul, Mizo 2 Samuela 17 Bible Online

2 Samuela 17 - Baibul, Mizo bible

2 Samuela 17

¹Tin, chung lo pawh chu Absaloma hnenah Ahithophela chuan, "Mi singkhat leh sanghnih ka thlang chuak ang a, tin, zaninah ian Davida umin ka thawk ang e:

²a chau lai leh a chak loh lai tak ka va nangching ang a, ka va tihlau ang e: tichuan a hnena mi awm zawng zawng chu an tlan bo ang a, tichuan lal chauh chu ka va that mai ang e:

³tin, mipuite chu i hnenah ka rawn hruai kir vek ang: i mi zawna chu mi zawng zawng lo kir tluk a ni, chutichuanmi zawng awng inremin an awm ang," a ti a.

⁴Tichuan chu mi thu chuan Absaloma leh Israel upaho zawng zawngte chu a tilawm ta hle a.

⁵Chutichuan Absaloma chuan, "Ark mi Husaia chu ko ve phawt u la, a sawi ve dan i lo ngaithla teh ang u," a ti a.

⁶Tin, Husaian Absaloma hnen a lo thlen chuan Absaloma chuan, "Ahithophela chuan hetiang hian a sawi a, a sawi ang hian kan ti daw em ni ang? Ti dawn lo i la nangin han sawi ve teh khai," tiin a lo bia a.

⁷Tin, Husaia chuan Absaloma hnenah, "Tun tuma Ahitophela remruat hi a tha lo a ni," a ti a.

⁸Tin, Husaia chuan, "I pa leh a mite chu i ria a, sipai huai ta, mi kawlhsen tak, phula savawm, a no laksak ang mai an ni a: tin, i pa chu indo mi a ni a, mipui zingah a riak kher lo ang.

⁹Ngai teh, tunah pawh khawii lai khuarkhurumah emaw, kawii hmunah emaw a biru reng a ni ang: tin, heti hi a ni ang a, an inbeih tirhah mi thenkhat an tluk nual chuan a hria apiangin, 'Absaloma zuitute chu an that chiam mai,' an ti mai ang a.

¹⁰Tichuan mi huaisen tak, sakeibaknei rilru ang pu mi meu pawh a lo zam hle mai ang a; Israel mi zawng zawng lah chuan i pa chu sipai huai tak anih leh a hnena mi awmte chu mi huaisen tak tak an ih an hre vek si a.

¹¹Keia remruat ve dan chu, Israel mite zawng zawng chu Dan atangin Beer-seba thleng rawkin tuifinriata tiau zat zetin i hnenah ko khawm vek i la, tin, indonaah chuan nangmah meuh kal ve la.

¹²Chutichuan khawii hmunah pawh kan tawn fuhna apiangah leia dai tla ang maiin kan bawh ang a; tin, amah leh a hnena mi awm zawng zawngte chu pakhat mah kan zuah lo ang.

¹³Chu loah pawh,khuaah a luh chuan Israel mi zawng zawng, hruizen kengin chu mi khuaah chuan kan va kal ang a, lung te tak te pawh awm hauh lo khawpinluiah kan hnuk thla vek ang," a ti leh nghal bawk a.

¹⁴Tichuan Absaloma leh Israel mi zawng zawngte chuan, "Ark mi Husaia remruat chu Ahithophela remruat ai chuan a tha zawk," an ti ta a. LALPA chuan Absaloma chungah chuan thil tha lo a thlentir theihna'n LALPA chuan Ahithophela remruat tha tak chu letthla turin a lo ruat tawh reng a ni.

¹⁵Chutichuan Husaia chuan puithiam Zadoka leh Abiathara hnenah, "Chutiang khatiang chuan Ahithopela chuan Absaloma leh Israel upate rem a ruatsak a; tin, keiin chutiang khatiang chuan rem ka ruat a.

¹⁶Chuvangin, 'Zanin chu thlalera lui kaiahte riak tawh loin kan ngei ngei rawh; chutilo chuan lal leh a hnena awm zawng zawngte chu an tiboral vek dah ang e,' tiin Davida hrilhtir thuai raw u khai," a ti a.

¹⁷Jonathana leh Ahimaaza chu En-rogel-ah an awm a; bawihnu pakhat hian anni chu a va hrilh thin a; tin, anni chuan lal Davida chu an va rilh leh chhawng thin a: khawpuia an lut chu tuma hmu loh tur a ni a.

¹⁸Nimahsela naupangina lo hmu a, Absaloma a hrilh a; tichuan an pahnihin an tlan bo ta thuai a, Bahurim-a mi pakhat a tuala tuichhunchhuah nei inah an va kal a, tuichhunchhuahah chuan an lut ta a.

¹⁹Tin, hmeichhiain tuichhunchhuah chhinnain a chhin a, a chungah chuan bu a pho a, tuma hriat theih a ni lo.

²⁰Tin, Absaloma chhiahhlawhte hu ina hmeiche hnena chuan an va kal a; "Ahimaaza leh Jonathana te kha khawiah nge?" an ti a. Tin, hmeichhia chuan an hnenah, "Lui an kan tawh ang," a lo ti a. Tin, an va zawng a, an hmu lo a, Jerusalem-ah an kir leh ta a.

²¹Tin, heti hi a ni a, an kal liam hnu chuan tuichunchhuah ata chu an lo chhuak a, lal Davida chu an va hrilh a; Davida hnenah chuan, "Chhuak u la,lui chu kan thuai rawh u; hetiang hian Ahithophela chuan a phiar che u a ni," an ti a.

²²Chutichuan Davida leh a hnena mi awm zawng zawng chu an chuak a, Jrodan lui an kan a; khua a lo var chuan pakhat mah Jordan lui kan lo an awm lo.

²³Tin, Ahithophelan a remruat ang chu an zawm lo tih ahriatin a sabengtung chu a thuam a, a chuak a, a khaw lama a haw a, a chhungte khawsan dan tur a ruatsak diam a, a inawkhlum ta a; tichuan, a thi a, a pa thlanah an phum ta a.

²⁴Chutichuan Davida chuan Mahanaim a va thleng a. Tin, Absaloma chuan a hnena Israel mi zawng zawngte nen Jordan lui an kan a.

²⁵Tin, Absaloma chuan Joaba aiah Amasa chu sipaite hotuah a dah a. Amasa chu, mi pakhat a hming Ithra, Israel mi Joaba nu Zeruii laizawn Nahasi fanu Abigaili pawltu fapa a ni a.

²⁶Tin, Israel mite leh Absaloma chuan Gilead ramah tanhmun an va khuar a.

²⁷Tin, heti hi a ni a, Davida'n Mahanaim athle chuan Amona thlah Raba khuaa mi Nahasi fapa Sobia te, Lodebar khuaa mi Amiela fapa Makira te, Regelim khuaaGilead mi Barzilaia te chuan," Mipuite chu thlalerah chuan an riltamin an chauin, an tuihal taw em em a ni," an tih avanga khum te, maihun te, hlum bel te, buh te, barli te, chhangphut te, vai te, be te, dailuah te, be kan ro te, khawizu te, bawnghnute khal te, beram leh bawnghnute khal ui e, Davida leh a hnena mi awmte ei turin an rawn keng a.

²⁸Mipuite chu thlalerah chuan an riltamin an chauin, an tuihal taw em em a ni," an tih avanga khum te, maihun te, hlum bel te, buh te, barli te, chhangphut te, vai te, be te, dailuah te, be kan ro te, khawizu te, bawnghnute khal te, beram leh bawnghnute khal ui e, Davida leh a hnena mi awmte ei turin an rawn keng a.