Read Baibul, Mizo 2 Samuela 19 Bible Online

2 Samuela 19 - Baibul, Mizo bible

2 Samuela 19

¹Chutichuan Joaba chu an hrilh a, "Ngai teh, lal chuan Absaloma chu a tah a, a sun e a," an ti a.

²Tichuan chu mi nia an hnehna chu mi zawng zawng tan sunna a lo ni ta zawk a: "Lal chu a fapa avang chuan a lungngai em em mai," an tih chu chu mi ni chuan mipite chuan an lo hre ta si a.

³Tin, mipuite chu indonaa mi an tlan bo an za avanga a ruka an kal bo angin chu mi ni chuan a rukin khawpuiah an lut a.

⁴Tin, lal chuan a hmai ahup a, "Aw ka fapa Absalom, aw Absalom, ka fapa, ka fapa!" tiin lal chu a tap hawm hawm a.

⁵Tin, Joaba chu inah lal hnenah chuan a lut a, "I nunna te, i fapate leh i fanute nunna leh i nupuite leh i hmeite nunna chanhimtute chu vawiinah hian zak takin i siam tak hi;

⁶nangmah hawtute ch i hmangaih a,nangma hmangiahtute i huat tlat maiah hian. Hotute leh sipaite chu i tan engmah ni lo angin vawiinah hian i tilang ta a: Absaloma chu dam se la, keini zawng zawng hi vawiinah hian thi ta vek zawk ni ila, chu chu i lawmzawng tak ni awmin vawiinah ka hria a ni.

⁷Chuvangin tho la, chhuak mai rawh, i mite tilungawizawng takin thu sawi rawh: i chauh loh chuan LALPA chalin chia ka cham a ni, mi pakhat mah zaninah hian i hnenah awm an awm lo ang: tin, chu chu i tan i tleirawl ata tun thlenga i chunga thil tha lo lo tleng zawng zawng ai mahin a tha lo zawk ang," a ti a.

⁸Chutichuan lal chu a tho a, kulh kawngkaah chuan a thu a, "Ngai teh u, lalc hu kulh kawngkaah chuan a thu e," tiin mipui zawng zawng chu an hrilh a: tin, mipui zawng zawng chu lal hmaah chuan an va kal ta a. Israel-ho erawh chu mahni puan in theuhvah an tlan haw ta a.

⁹Lal chuan kan hmelmate kut ata min chan chhuak a, Philistia mite kut ata min chhandam ta a; tin, tuna hian he ram atang hian Absaloma chua tlan chauhsan a.

¹⁰Tin, Absaloma kan lal atana hriak kan tiha chu indonaa a thi ta si a. engati nge ll chu kamkat maha koh kir zai in rel loh?" tiin Israel mite zawng zawng chu an inhnial ta mur mur mai a.

¹¹Chutichuan lal Davida chuan puithiam Zadoka leh Abiathara hnenah chuan, "Juda upate hnenah chuan, "Engati nge lal chu a in lamah hruai kir thuah a zawiawi berah i tan? Israel miten lal hruai kir thu an sawi chu lal hnen a thleng tawh si a.

¹²Ka unaute inni a, ka thisen zawmpui in ni si a, Engati nge ni a zawiawi bera in tan chu ni ngai le? Tiin sawi rawh u.

¹³Tin, Amasa hnenah, 'Ka thisen zawmpui i ni lo'm ni? Joaba aiah ka hmaa sipaite hotua ka siam loa ka siam loh che chuan, Pathianina tih tihin min ti mai se la, chu aia nasa pawhin,' a ti e, va ti rawh u," tiin mi a tir a.

¹⁴Chutichuan Juda mite zawng zawng rilru chu mi pakhat rilru ang maiina tithle ta dual a; tichuan lal hnenah, "I mite zawng zawng nen khan lo haw leh rawh u," ti turin mi an tir a.

¹⁵Chutichuan lal chu a haw leh a, Jordan a va thleng a. tin, Judate chu lal lo hmuak a, lal chu Jordan-a lo hruai kai turin Gilgal-ah an kal a.

¹⁶Tin, Bahurim khuaa mi Benjamin mi Gera fapa Simeia chu hmanhmawh takin lal Davida hmuak turin Juda-hote rualin a chuk ve a.

¹⁷Tin, a hnenah Benjamin mi sang nen, Saula chhungte chhiahlawh Ziba, a fapa sawm leh panga leh a chiahlawh sawmhnih nen an tel ve a; tin, lal mithmuhah chuan Jordan an kan hmawk hmawk a.

¹⁸Tin, lal chhungte hruai kaina'n leh tha a ti ang apianga a tih atan lawng an kal kaipui a. Tin, Jordan lui a han kai chuan Gera fapa Simeia chu lal hmaa chuan a bawkkhup a.

¹⁹Tin, lal hnenah chuan, "Ka pu chuan khawlohna neiah mi ruat lo hram se la, LALPA ka puin Jerusalem a chauhsan nia i chhiahhlawhin dik lo taka a lo tih takte chu hre reng hek suh se la, lal chuan rilruah pai su se.

²⁰I chhiahlawh hian thil ka tisual tih ka inhria a; chuvangin ngai teh, Josefa chhung zawng zawngte zinga ka pu LALPA chu hmuak tura vawiinah hian a lo chhuk hmasa bera ka ni nghe nghe a sin," a ti a.

²¹Nimahsela Zeruia fapa Abisaia chuan a chang a, "LALPA hriak thiha chu anchhia a lawh avangin Simeia hi tihhlum tur ani dawn lo'm ni?" a ti a.

²²Tin, Davida chuan, "Nangni Zeruia fapate u, nangni hian mi lo hriatsak tur eng nge awm? Vawiina hian mi dotute in ni lawmni? Vawiinah hian Israel zinga mi reng reng tihhlum tur em ni? Vawiinah hian Israel mite chungah lal ka ni hi ka hre lo em ni?" a ti a.

²³Tin lal chuan Simeia hnenah chuan, "I thi tawp lo ang," a ti a. Lal chuan a hnenah chhia a chham a.

²⁴Tin, Saula fapa Mephibosetha chu lal hmuak turin a lo chhuak a; lala kal chhuah ni atanga ralmuanga a lo haw leh ni thleng chuan a kete chu a chei lo a, a khabe hmul a chep rual lo a, a puante pawh a su hek lo.

²⁵Tin, heti hi a ni a, lal hmuak tura Jerusalem-a a kal chu lalin a hnenah, "Mephiboseth, engati nge ka hnenah i kal ve loh?" a ti a.

²⁶Tin, ani chuan a chang a, "Aw lalpa, ka pu, ka chiahlawhin min bum a ni: i chhiahlawh chuan, 'Lal hnena kal tura ka chuanna'n sabengtung ka thuam ang e,' ka ti a; i chiahhlawh hi a ke a bai si a.

²⁷Tin, lalpa ka pu hnenah chuan i chiahhlawh hi ahek a; nimahsela lalpa ka pu chu Pathian vantirhko ang a ni a: chuvangin tha i tih ang angin ti ang che.

²⁸Ka pa chhungte zawng zawng chu lalpa ka pu maa chuan tihhlum vek awm an ni ngei a; mahse i chhiahlawh hi i chaw kilpuite zinga i teltir a. Chuvangin lal hnena hian thil dang phut ngam awm ka la ni cheu vem ni?" a ti a.

²⁹Tin, lal chuan a hnenah, "I chungchang thu hi engah nge i sawi leh thin? 'Nang leh Ziba chuan ram chu insem rawh u,' ka ti e," a ti a.

³⁰Tin, Mephibosetha chuan lal hnenah, "E, amahin nei vek rawh se, lalpa ka pu chu ama inah ralmuangin a lo thleng ta si a," a ti a.

³¹Tin, Gilea mi Barzilaia chu Rogelam atangin a lo chhuk a; lal chu Jordan-a hruai kai turin a hnena Jordan a ai ve a.

³²Barzilaia chu upa tak a ni a, kum sawmriat mi zeta ni a, Mahanaim-a lal awm chung khan ei turte a lo tum a; mi neinung taka ni a.

³³Tin, lal chuan Barzilaia hnena chua, "Ka hnenah kai ve la, ka hnena Jerusalem-ah ka chawm ang che," a ti a.

³⁴Tin, Barzilaia chuan lal hnenah, "Eng chen la dam tur nge ka nih a, Jerusalema lal hnena ka han choh vena tur chu?

³⁵Tunah hian kum sawmriat ka ni a; a chhia leha tha pawh thlei thei em ka nih? I chhiahlawh hian ka thil ei leh inte hi a tui leh tui loh pawh ka hre thei tawh em ni? Mipa leh hmeichheho hla sak ri pawh ka hre thei tawh em ni? Chuvangin i chiahhlawh hi eng atan nge lalpa ka pu tan phurrit ka ni mai ang?

³⁶I chhiahlawhhian lal hnenah Jordan kai ve chauh ka tum a ni; engah nge lal chuan chutianga that man min rulh ve thung kher ang?

³⁷Khawngaih takin, i chiahlawh hi min hawntir leh mai la, ka nu leh ka pa thlan awmna keimahni khua ngeiah ka thi ang e. Amaherawhchu en teh, i chhiahhlawh Chimhama hi; lalpa ka pu hnenah kaisela, a chunga tha i tih ang apiangin ti ang che," a ti a.

³⁸Tin, lal chuan a chang a, "Chimhama chu ka hnenah a kai ve ang a, tha i tih ang zelin a chungah ka ti ang: tin, thil engpawh mi dil apiang chu ka tihsak zel ang che," a ti a.

³⁹Tinmipui zawng zawngte chu Jordan ral an kai a, tin, lal pawh chu a kai ve a: tin, lal chuan Barzilaia chu a fawp a, mal a sawm a; tin, ama hmun lamah a haw leh ta a.

⁴⁰Chutichuan lal chu Gilgal-ah a kai a, Chimhama chu a hnenah chan a kai ve a: tin, Juda mi zawng zawng chuan lal chu an hruai kai a, Israel mi paw a chanve an tel a.

⁴¹Tin, ngai teh, Israel mi zawng zawng chu lal hnenah an lo kal a, lal hnenah chuan, "Engati nge kan unau Juda mite hian an chan bik chia, lal le a chhungte leh Davida mi zawng zawngte paw Jrodan rala an hruai tel vek mai?" an ti a.

⁴²Tin, Juda mi zawng zawngte chuan Israel mite chu an chang a, "Lal chu kan lamhnai a nih avang a ni: engati nge he mi thuah hian in thinrim mai? Lal neih ringa awm em kan nih tehlul? Thil pek eng emaw e pawh min nei em ni?" an ti a.Tin, Israel mite chuan Juda mite chu an chang a, "lalah hian chan zawm kan nei a, Davida-ah chuan nangni aiin chhut theih zawk kan ni a sin; engati nge min ngaihnep mai, lal hruai kir thu hi rawt hmasatu kan ni lawm ni kha?" an ti a.Chutichuan Juda mite thu chu Israel mite thu ai chuan a rum a zawk a.

⁴³Tin, Israel mite chuan Juda mite chu an chang a, "lalah hian chan zawm kan nei a, Davida-ah chuan nangni aiin chhut theih zawk kan ni a sin; engati nge min ngaihnep mai, lal hruai kir thu hi rawt hmasatu kan ni lawm ni kha?" an ti a.Chutichuan Juda mite thu chu Israel mite thu ai chuan a rum a zawk a.