Read Baibul, Mizo 2 Samuela 2 Bible Online

2 Samuela 2 - Baibul, Mizo bible

2 Samuela 2

¹Tin, heti hi ani a, chu mi hnua chuan Davida chuan, "Judai rama khawiah emaw ka han kal ang em?" tiin LALPA a rawn a. Tin, LALPA chuan a hnenah, "Han kal rawh khai," a ti a. Tin, Davida chuan, "Khawiah nge ka han kal ang?" a ti a. Tin, ani chuan, "Hebron-ah," a ti a.

²Chutichuan Davida chu chutah chuan a han kal ta a, anupuite pahnih Jezreel mi Ahinoami leh Karmel mi Nabala nupui Abigaili te nen.

³Tin, Davida chuan a hnena mi zawm zawng zawng chu a hruai chho a, mi tin, an chhungkuate theuh nen, Hebron khuaahte chuan an awm ta a.

⁴Tin, Judai rama mite an va kal a, Juda mite chunga lal atan hriak an thih a. Chutichuan, "Saula phumtute chu Jabes-gilead mite an ni," tiin Davida chu an hrilh a.

⁵Tichuan Jabes-gilead mite hnenah chuan Davida chuan mi a tir a, an hnenah, "In pu, in pu Saula chu in khawngaihzia tilangin in lo phum avangin LALPA chuan malsawm che u rawh se.

⁶Tichuan LALPA chuan in chungah ngilneihna leh thutak lantir se la: he'ng thil in tih avang hian kei pawhin in ngilneih man chu ka rul ang che u.

⁷Chutichuan in kutte chu lo chak se la, huai takin awm rawh u: in pu Saula chu a ti ta si a, tin, Juda chite chuan an chunga lal atan hriak min thih ta bawk a," a ti a.

⁸Tin, Nera fapa Abnera, Saual sipaite hotu chuan, saual fapa Isbosetha chu Mahanai-ah a hruai a;

⁹Gilead chungah te, Asur chungah te, Jezreel chungah te, Ephraim chungah te, Israel zawng zawng chungah te lalah a siam ta a.

¹⁰(Saula fapa Is-bosetha chu Israel chunga ro a rel tan lai chuankum sawmli mi ani a, kum hnih ro a rel a.) Nimahsela Juda mite chuan Davida chu an pawm zawk a.

¹¹Davida'n Hebron-a Juda chite chunga ro a lo relna chu kum sarih le thla ruk ani tawh a.

¹²Tin, Nera fapa Abnera leh Saula fapa Is-bosetha chhiahhlawhte hchu Mahanaim ata an chuak a, Gibeo-ah an kal a.

¹³Tin, Zeruia fapa Joaba leh Davida chhiahhlawhte chu an kal chhuak a, Gibeon dilah chuan an intawk a; tichuan pawl khat chu dil ral lehlamah an thu a. pawl khat chu dil ral lehlamah.

¹⁴Tin, Abnera chuan Joaba hnenah, "Tlangvalte chu lo thawk se la, kan hmaah han inbei teh reng ang hmiang," a ti a. Tin, Joaba chuan, "Lo thawk ang hmiang," a ti a.

¹⁵Chutichuan an thawk a, a zat chin ruat chiahin an kai phei a, Benjamin chi, Saula fapa Is-bosetha lama tang swm leh pahnih, tin, Davida chhiahlawh sawm leh pahnih.

¹⁶An kingpuite chu an lu theuhvah an inman a, mahni bitumate chu khandaihin an nakah an inchhun theuh a; tichuan an tlu za t vek mi a: chuvanin chu mi hmun chu Helkath-hzurim an ti ta a, chu chu Gibeon-a awm a ni.

¹⁷Tichuan chu mi nia an ibei chu a nasa ta hle mai a; tin, Abnera leh Israel mite chu Davida chiahhlawhte lakah chuan an tlawm ta a.

¹⁸Tin, chutah chuan Zeruia fapate pathum, Joaba te, Abisaia te, Asahela te an awm a: Asahela chu zukpui ang maia ngalchak a ni.

¹⁹Chutichuan Asahela chuan Abnera chu a um a; Abnera a um chu ding lam leh vei lama peng hauh loin a um ngat ngat a.

²⁰Chutichuan Abnera chu ahan lehhawi a, "Nang i ni maw, Asahel?" a han ti a, Tin, ani chuan a chhang a, "Keimah ni e," a ti a.

²¹Tin, Abnera chuan a hnenah, "I dung lamah emaw, i vei lamah emaw khan peng la, tlangval pakhat kha man la, a inralthuamna laksak rawh," a ti a. Nimahsela Asahela chuan amah a um chu a pensan duh chuang lo a.

²²Tin, Abnera chuan Asahela hnenah, "Min pensan rawh; engah nge ka chhun thluk ang che? I unaupa Joaba hmel ka hmu ngam dawn em ni?" a ti leh a.

²³Nimahsea a peng duh chuang lo va: chuvangin Abnera chuan a fei chhawr lamin a pumah a chhun a, fei chu a hnung lamaha tlang a, chutah chuan a tlu ta tawp a, chu mi hmunah chuan a thi ta a; tin, heti hi ani a, Asahela a tluka a thihna hmun lo thleng paiang chu chutah chuan an ding chawt zel a.

²⁴Mahse Joaba leh Abisaia chuan Abnera chu an um zel a; tin, Gibeon thlaler kawnga Gia dep Ama tlang an thlen dawn chuan ni a tla a.

²⁵Tin, Benjamina thlahte chu Abnera hnenah an pung khawm a, pawl khatah an insiam a, tlang chhipah an va ding t .

²⁶Chutichuan Abnera chuan Joaba a au a, "Khandaihin a sam reng dawn em ni ang? A tawp lamah chuan a la lungngaihthlak hle danw tih i hre lo em ni? Eng chen nge mipuite chu an unaute um kir tura hrilh loin i awm dawn le?" a ti a.

²⁷Tin, Joaba chuan, "Pathian nunna chhalin ka sawi e, engmah han sawi lo la chu naktuk zing thlengin ka miten an um dawn che u a sin le," a ti a.

²⁸Chutichuan Joaba chuan a tawtawrawt chu a han ham a, mipuite chu an ding ta thup mai a, Israel mite chu an um ta lo a, an bei leh ta lo.

²⁹Tichuan Abnera leh a mite chu Araba kal tlangin chu mi zan chuan an kal zankhua a; tin, Jordan an kan a, Bithron an kal tlang zak a, Mahanaim an thleng a.

³⁰Tin, Joaba chu Anera a um a kir leh ta a; tin, mipui zawng zawngte a han khawm vek chuan Davida hote sawm leh pakua leh Asahela an lokim ta lo a.

³¹Davida hote erawh chuan Benjamin mite leh Abnera mite chu zathum leh sawmruk an tihlum a.Chutichuan Asahela ruang chu an la a, Bethlehem-a a pa thlanah an phum a. Tin, Joaba leh a mite chu zankhuain an kal a, Hebron an thlenin khua a var a.

³²Chutichuan Asahela ruang chu an la a, Bethlehem-a a pa thlanah an phum a. Tin, Joaba leh a mite chu zankhuain an kal a, Hebron an thlenin khua a var a.