Read Baibul, Mizo 2 Samuela 20 Bible Online

2 Samuela 20 - Baibul, Mizo bible

2 Samuela 20

¹Tin, chutah chuan Benjamin mi, Bikria fapa a hming Seba, Beliala mi pakhat a lo awm hlau mai mai a: tawtawrawt a ham a, "Davida-ah hian chanvo kanei lo a, Jesaia fapaah hian roluah tur ka nei hek lo: aw Israel mite u, in puan in lam theuhvah haw rawh u," a ti a.

²Chutichan Israel mi zawng zawngin Davida an zui chu an let chhohsan a, Bikria fapa Seba chu an zui ta a; Juda mite eraw chuan Jordan atangin Jerusalem thlengin an lal chu an vuan ta tlat a.

³Chutichuan Davida chuan Jerusalem a a in chu a thleng a; tin, lal chuan hmeiche sawm a hmeite in nghak atana a dahte chu a hruai a, a khung a, an ei tur a tum a, nimahsela anhnenah a lut lo a. Tichuan an thih ni thlenga khunga awmin hmeithaiin an awm ta a.

⁴Chutichuan lal chuan Amasa hnenah, "Ni thum chhungin Juda mite min koh khawmsak la, tin, nang pawh lo awm ve ang che," a ti a.

⁵Chutichuan Amasa chu Juda mite ko khawm turin a kal ta a; amaherawhchu a hun ruatsak aiin a va thang rei ta a.

⁶Tichuan Davida'n Aisaia hnenah chuan, "Bikria fapa Seba hian Absaloma ai mahin kan pawi a khawih dawn alawm le: i pu mite hruai la, um rawh u khai; chutilochuan khaw kulh neiahte a lut hman ang a, kan hmu phak loah kan chauh mai dah ang e," a ti a.

⁷Tichuan Joaba-ho te, Keret mi te, Pelet mite leh an mi chak zawng zawngte chuan amah an zui chhuak ta a: Jerusalem atang chuan Bikria fapa Seba um tur chuan anchuak ta a.

⁸Gideon-a lungui awmna an va thlen chuan Amasa chuan anmahni chu a lo hmuak a. Tin, Joaba chuan indona thuamhnaw a inbel a, tin, a chungah chuan khandaih a pai chawpin kawnghrenah a pai a, tin, a kal zawngin a dawk chhuak a.

⁹Tin, Joaba chuan Amasa hnenah chuan, "Unaupa, i tha rih alawm maw?" a ti a. Tin, Joaba chuan Amasa fawh tumin a khabe hmul chu a kut ding lamin a chelh a.

¹⁰Nimahsela Amasa chuan Joaban khandaih a ken chu a ngaihsak lo va: chutichuan apumah chuan a vit a, a rilte chu a titla nuai mai a, a vit nawn leh ta lo a; tichuan a thi ta a. Tichuan Joaba leh auaupa Abisaia chuan Bikria fapa Seba chu an um ta a.

¹¹Tin, a kianga Joaahote zinga tlangval pakhat chu a ding a, "Joaba lama tang leh Davida lam lama tang apiang chuan Joaba zui zel rawh se," a ti a.

¹²Tin, Amasa chu lamlian lai takah a thiin a lo bual nuaih mai a. Tin, chu mi chuan mi zawng zawng ding renga a hmuh chuan Amasa ruang hu lamlian ata phul lamah sawnin puanin akhuh a, akianga lo kal apiang an ding zela a hmuh avangin.

¹³Tin, lamlian ata dah sawn a nih hnu chuan Bikria fapa Seba um turin mi zawng zawgin Joaba chu an zui ta a.

¹⁴Seba chuan Abel thleng leh Bethmaaka thlengin Israel-ho ram chu a tlawh vek a, Ber mite pawh a tlawh a; tichuan mite chu an pung khawm a, amah an zui ve ta a.

¹⁵Beth-maaka-ah chuan an rawn hual a; tin, a khaw hrulah lei an tiang pawng a, kulh hrulah chuan an ding a; tin, Joaba hnena mi awm zawng zawngte chuan tichim turin kulh chuan chhu bur bur a.

¹⁶Chutichuan hmeiche fing pakhat khua atang chuan a lo au a, "Khai kai; Joaba hnenah, 'Lo kal hnai rawh, i hnenah thu ka lo sawi teh ang,' a ti, han ti rawh u khai," a ti a.

¹⁷Tin, a hnenah chuan a va kal hnai a; tin, hmeichhia chuan, "Joaba i ni em?" a ti a. "Ni e," a ti a, a chhang a. Chutichuan ahnenah, "I bawihnu thusawi hi ngaithla teh," a ti a. Tin, ani chuan a chhang a, "Ka ngaithla e," a ti a.

¹⁸Chutichuan , "Hmanlai chuan, "Abel khuaah hian an inrawn phawt ang,' an ti thin a; chutiang chuan thu an titawp thin.

¹⁹Kei hi Israel zinga inrem duh leh rinawm pawla mi ka ni a: nang chuan Israel khua, a khaw bulpui hi tihchhiat i tum a nih hi; LALPA ro chu engah nge tihmang i tum?" tiina sawi a.

²⁰Tin, Joaba chan a chang a, "Chutang ani awzawng lo v, tihmang ew, tihchhiat emaw ka tum lo reng reng e.

²¹Chutiang lam thu chu a ni lo e: Ephraim tlang rama mi Bikria fapa ahming Seba chuan lal dodalin, Dvida ngei dodalina kut a lek a; ama chu min pe mai u la, khua chu ka chauhsan mai ang e," a ti a. Tin, hmeichhia chuan Joaba hnenah, "Ngai teh, a lu chu kulhah kan rawn paih liamsak ang che," a ti a.

²²zawngte zingah chuan a kal a. Tin, Bikria fapa Seba lu chu an tan a. Joaba hnen lamah chuan an thehchhuak a. Tin, tawtawrawt a ham a, mahni puan in lam theuhvah khua ata chu an darh ta a. Tin, Joaba chu Jerusalemah lal hnenah chuan a haw leh ta a.

²³Joaba chu Israel sipai zawng zawng hotu a ni a; tin, Jeoada fapa Benaia chu Keret mi leh Pelet mite hotu a ni a:

²⁴tin, Adorama chu hnathawka rawih luihte hotu a ni a; tin, Ahiluda fapa Jehosaphata chu chanchin ziaktu a ni a;

²⁵tin, Seva chu lehkha ziaktu a ni a; tin, Zadoka leh Abiathara chu Puithiam an ni a:tin, Jair mi Ira pawh chu Davida puithiam a ni a.

²⁶tin, Jair mi Ira pawh chu Davida puithiam a ni a.