Read Baibul, Mizo 2 Samuela 4 Bible Online

2 Samuela 4 - Baibul, Mizo bible

2 Samuela 4

¹Tin, Saula fapa Is-osethan Hebron-ah Abnera a thi tih a lo hriat chuan a kutte a lo chak ta lo a, tin, Israel mite zawng zawng chu an zam ta a.

²Tin, Saula fapa Is-hosetha chuan sipai pawl hotu pahnih a nei a; pakhata hming chu Baana a ni a, a danga hming chu Rekaba a ni. Benamina thlah Beetoth mi Rimona fapate an ni a: (Beetoth chu Benjamina rama ngaih ani si a:

³Beeroth khuaa mite chu Gitaim-ah an tlan a, tun thlengin chutah chuan an awm ta a.)

⁴Tin, Saula fapa Jonathana chuan fapa kebai a nei a. Jezreel atanga Saula leh Jonathana chanchin an lo hriat chuan kum nga mi a ni a; tihuan a enkawltu chuan a pawm a, a tlan bopui a: tin, heti hi a ni a, tlan bo tura a hmanhmawhna lamah a titla a, a ke a lo bai ta a. A hming chu Mephibosetha a ni.

⁵Tin, Beeroth mi Rimona fapate Rekaba leh Baana chu an kal a, Is-bosetha ina chuan chhun ni sat vanglai taka a chun chawlh lai takin an kal a.

⁶Buh la tur ni awm takin in chung lamah chuan an lut a; a pumah an vit a: tin, Rekaba leh a unaupa Baana chu an tlan bo ta a.

⁷Tin, ina an va luha a mutna pindana khuma a mu chu an vit a, an that a, a lu an tan a, a lu chu an la a, Araba kal tlangin zankhuaain an kal a.

⁸Tin, Is-bosetha lu chu Hebron-ah Davida hnenah an rawn la a, lal hnenah chuan, "Ngai teh, hei, nangmah thah tum, i hmelma Saula fapa Is-bosetha lu; LALPA chuan ka LALPA phuba chu vawiinah hian Saula leh a thlah lakah a laksak ta a ni," an ti a.

⁹Tin, Davida chuan Beeroth mi Rimona fapa Rekaba leh a unaupa chu a chhang a, an hnenah, "LALPA ka manganna zawng zawng ata mi chhandamtu nunna chhalin ka sawi e,

¹⁰chanchintha rawn thlena inngaiin, 'Ngai teh, Saula chu a thi ta,' tiin mi pakhatin min rawn hrilh a, ani chu ka man a, Ziklag-ah ka that a; chu chu a chanchin tha rawn thlen mana ka lo pek chu a ni.

¹¹Mi fel, ama in chhung luma, a khum laizawl ngeia mi, mi sualin an thah thisen man chu in lakah ka phut lehzualin, leilung ata hi ka va tibo dawn tehlul che u em!" a ti a.Chutichuan Davida chuan a tlangvalte hu thu a pe a, anni chuan an that a, an kut leh an ke an tansak a, Hebron-a dil kamah chuan an khai a. Is-bosetha lu eraw chu an la a, Hebron-a Abnera thlanah an phum ta a.

¹²Chutichuan Davida chuan a tlangvalte hu thu a pe a, anni chuan an that a, an kut leh an ke an tansak a, Hebron-a dil kamah chuan an khai a. Is-bosetha lu eraw chu an la a, Hebron-a Abnera thlanah an phum ta a.