Read Baibul, Mizo 2 Samuela 5 Bible Online

2 Samuela 5 - Baibul, Mizo bible

2 Samuela 5

¹Chutichuan Israel chi zawng zawng chu Hebron-a Davida hnenah an lo kal a, "Ngai teh, i thisen zawmpui kan ni a,

²Tun hmaa Saula kan chunga a lal laia Israelte hruai chuak le hruai luttu i ni thin a: tin, LALPA chuan i hnenah, 'Ka chungah hotuah i awm ang,' a ti a" an ti a.

³Chutichuan Israel upa zawng zawng chu Hebron-ah lal hnenah an kal a; tin, lal Davida chuan Hebron-ah chuan LALPA hmaah an hnenah thu a thlung a: tin, Davida chu Israelte chunga lal atan hriak an thih a.

⁴Davida chu a lal tirh lai chuan kum sawmthum mi a ni a, kum sawmli a lal a.

⁵Hebron-ah chuan Judate chungah kum sarih leh thla ruk a lal a; tin, Jerusalem-ah Israelte leh Judate zawng zawg chungah kum sawmthum leh km thum a lal a.

⁶Tin, lal leh amite chu chu mi rama chengho Jebus mi run turin Jerusalema-han kal a: chungho chuan Davida a lo luh theih loh ringin, Davida hnenah, "Hetah hian i lo lut tawp lo ang, mitdel leh kebaiten an lo dang ang che.{ an ti a.

⁷Nimahela Davida chuan Zion kulh chu a la ta mial a, chu chu Davida khua a ni.

⁸Chu mi ni chuan Davida chuan a hote hnenah, "Jebus-ho khu ka huat ang meuah thah duh hial khawpa haw ve in awm em? 'Mitdel leh keibaiho khua' bei turin lui luanna zuiin luhkhung rawh se," a ti a. chuvang alawm, 'Mitdel leh Keibaite llalpa inah an lut tur ani lo,' tih a nih tak ni.

⁹Tin, Davida chu kulhah chuan a awm a, Davida khua a vuah ta a. Tin, Davida chuan Milo atangin a velin kulh a siam a, a chhung lamah nen,

¹⁰Tichuan Davida chu a lo ropui ta deuh deuh a, LALPA, sipaihote Pathian chu a hnena a awm zel avangin.

¹¹Tin, tura lal Hiraman Davida hnenah mi a tir , sidar thingte a thawn a, themthiamte leh lung chertute a tir bawk , Davida in an saksak a.

¹²Tin, Dvida chuan LALPA'n Israel mite chunga lalah amah chu a tinghet a, a mi Israelte a vangin ram chu a chawimawi ani tih a hre ta a.

¹³Tin, Davida chuan Hebron chauhsan hnuah Jerusm-a mi hmei leh nupui a beih belhchah a: tichuan Davida chuan fapate leh fanute a la nei leh ta cheu a.

¹⁴Tin, Jerusalem-a a neih hmingte chu he'ng hi an ni; Samua e, Sobaba te, Nathana te, Solomona te,

¹⁵Ibara te, Elisua te; Nephega te, Japhia te;

¹⁶Elisama te, Eliada te, Elepheleta te hi.

¹⁷Tin, Philistia miten Davida chu Israel mite lal atan hriak an thih tih an hriatin Philistia mi zawng zawng hu Davida zawng turin an chho ta a; tin, Davida chuan a lo hria a, kulhbinga a chhuk a,

¹⁸Tin, Philistia mite chu Rephaim ruamah an inzar a.

¹⁹Tin, Davida chuan, "Phislista mite bei turin ka han chho ang em? Ka kutah hian anniho chu i pe dawn em?" tiin LALPA a rawn a. Tin, LALPA chuan Davida hnenah, "Han chho rawh; Philistia mite chu i kutah ka pe ngei dawn a ni," a ti a.

²⁰Tichuan Davida chu Baalperazim-ah a kal a, chuta chuan Davida'n anniho chu a bei a, "LALPA'n ka hmelmate chu tuikhuah sah ang maiin ka hmaah min tihdarhsak ta." a ti a. Chuvangin chu mi hmun hmingah chuan Baalperazim a vuah a.

²¹Tin, chutah chuan an milemte an kalsan a, Davida leh a mite hchuan an la a.

²²Tin, Philistia mite chu an cho leh , Rephaim ruamah an inzar leh a.

²³Tin, Davida'n LALPA a han rawn chuan, ani chuan, "Han cho suh; an nung lamah kal hual la, thingtheihmu kung zwnahte han bei rawh.

²⁴Tin, heti hi ani ang a, thingtheihmu lera kal thawm ang ri thup thup i hriat chuan, che rawh! Philistia sipaite bei turin i hmah LALPA a chhuak ta tihna a ni ang," a ti a.Chutichuan LALPA'n thu a pek angin Davida chuan a ti a; Philistia mite chu Geba atangin Gezer thlengin a bei a.

²⁵Chutichuan LALPA'n thu a pek angin Davida chuan a ti a; Philistia mite chu Geba atangin Gezer thlengin a bei a.