Read Baibul, Mizo 1 Lalte 1 Bible Online

1 Lalte 1 - Baibul, Mizo bible

1 Lalte 1

¹Tin, Davida chu a lo upain, a lo tar ta hle a; tichuan puanin an khuh thin a, nimahsela a lum thei chuang hauh lo a.

²Chutichuan a puipaten a hnenah, "Kan pu lal tan hian nula i zawng teh ang u: lal bulah hian awm reng se la, enkawl rawh se; tin, i angchhungah hian lo mu se la, kan pu lal hi a lo lum thei dawn nia," an ti a.

³Chutichuan Israel ram zawng zawngah chuan nula hmeltha an zawng a, Sunam mi Abisagi an va hmu a, lal hnenah chuan an hruai ta a.

⁴Chu nula chu a hmel a tha hle mai a; lal chu a enkawl a, a rawng a bawlsak thin a; nimahsela lal chuan a pawl lo.

⁵Tichuan Hagithi fapa Adonija chuan, "Keimah ka la lal dawn hi maw," tiin a inngai ropui hle mai a: tawlailir leh sakawr chung chuang mie, mi sawmnga a hmaa tlan turte nen a buatsaih a.

⁶A pa lah chuan eng lai mahin, "Engati nge hetiangin i tih," tiin a tilungni lo ngai si lo a; tin, amah hi hmeltha tak a ni bawk a, Absaloma chhang a ni.

⁷Ani chuan Zeruii fapa Joaba leh, puithiam Abiathara chu a rawn a: anni chu Adonija lamah an tang a, an tanpui thin a.

⁸Puithiam Zadoka te, Jehoaiada fapa Beinaia te, zawlnei Nathana te, Simeia te, Reia te leh Davida ho mi huaisente erawh chu Adonija lamah an tang ve lo a.

⁹Tin, Adonija chuan beram te, sebawng pa te, ran chawm thaute Zoholet lungah a talh a, chu chu En-rogel bula awm a ni; tin, lal fapa a unau zawng zawngte leh Judai rama lal puipaho zawng zawngte chu a sawm a.

¹⁰Zawlnei Nathana te, mi huaisenhote leh a unaupa solomona erawh chu a sawm ve lo.

¹¹Chutichuan Nathanan Solomona nu Bat-sebi hnenah, "Hagithi fapa Adonija hi kan pu Davida hriat lohin a lal ta mai tih i hre na nge?

¹²Chutichuan nangma himna tur leh i fapa Solomona himna tur ka lo hrilh teh ang che.

¹³Lal Davida hnenah va lut ta la, a hnenah, 'Aw lalpa, ka pu, i bawihnu hnenah hian i fapa Solomona hi, ka hnua a la lal ngei ngei dawn a, amah hi ka lalthutthlengah hian a lo thu dawn e, ti khan chhia i chham ani lawm ni kha? Engati nge Adonija lala a awm tak mai?' va ti teh.

¹⁴Ngai teh, lal i va biak lai takin, kei pawhin ka rawn zui lut ve mai ang chia, i thu sawi chu ka rawn nemnghehpui dawn che nia," tiin a sawi a.

¹⁵Tin, Bat-sebi chu lal hnenah pindanah chuan a va lut a: lal chu a upa tawh hle mai a, Sunam mi Abisagi chuan lal rawng chu a bawl a. Tin, Bat-sebi chuan lal chu kunin chibai a buk a. Tin, lal chuan, "Engnge i duh le?" a lo ti a.

¹⁶Tin, ani chuan, "Ka pu LALPA i Pathian hming chhalin i bawihnu hnenah hian, 'I fapa Solomona hi ka hnuah a la lal ngei ngei dawn a, amah hi ka lalthutthlengah hian a la thu dawn e,' ti khan chhia i chham tawh a.

¹⁷Ngai teh, hei Adonija a lal ta reng mai: nang ka pu lalpa lah hian i hre ve si lo va:

¹⁸bawngpa te, ran chawm thau te, beramte a talh teuh a, lal fapa zawng zawngte leh, puithiam Abiathara leh, sipai hotu Joaba te a sawm a: i chhiahhlawh solomona erawh chu a sawm ve lo.

¹⁹Tichuan ka pu, lalpa hnuah hian a lalthutthlengah tu nge la thu dawn tih i hrilh changin Israel-ho zawng awng mit hi nang, ka pu, lalpa, i chungah a fu thup a ni.

²⁰Chutilozawng heti hi ani ang a, ka pu, lalpa hi a puteho hnena a muthilh ve hunah chuan, kei leh ka fapa Solomona hi thil tisualtuah min ruat mai dawn a ni," a ti a.

²¹Tin, ngai teh, chutia lal abiak lai tak chuan, zawlnei Nathana chu a lo lut ve a.

²²Enteh, zawlnei Nathana a lo kal e," tiin lal an hrilh a. Tin, lal kiang a va thlen chuan lal hmaah chuana hmaia lei siin a bawkkhup a.

²³Tin, Nathana chuan, "Aw lalpa, ka pu, 'Ka hnuah Adonija hi a lal ang a, ka lalthutthlengah a thu ang,' i ti em ni?

²⁴vawiinah hian a chhuk a, bawngpa te, ran chawm thau te, beramte a talh teuh mai a, lal fapa zawng zawngte, sipai hotu te, puithiam Abiathara te a sawm a; tin, ngai teh, an eiin an inho a, 'Pathianin lal Adonija hi humhim rawh se,' an ti a ni.

²⁵Amaherawhchu kei i chhiahhlawh ngei leh, puithiam Zadoka leh, Jehoiada fapa Benaia leh, i chhiahhlawh Solomona hi zawng min sawm ve lo a ni.

²⁶Hei hi lalpa ka pu thua tih a nih si chuan, lalpa ka pu hian a hnua lalthutthlenga thu tura hi tu ber nge ni tih i chhiahhlawhte hi lo la hrilh lo a ni ang maw?" a ti a.

²⁷Chutichuan lal Davida chuan a chhang a, "Bat-sebi mi han kohsak teh u," a ti a. Tin, lal kiangah chuan a va kal a, lal hmaah a va ding a.

²⁸Tin, lal chuan chhia a chham a, "Manganna zawng zawnga ka nunna humhimtu LALPA nunna chhalin,

²⁹i hnenah LALPA Israelte Pathian hming chhala, 'I fapa Solomona hi ka hnuah chuan a la lala ngei ngei ang, ka aiah ka lalthutthlengah hian a la thu dawn e,' tia chhia ka chham ang ngei kha, vawiin ngeiah pawh hian ka la ti dawn a ni," a ti a.

³⁰Chutichuan Bat-sebi chu a hmaia lei siin a bawkkhup a, lal chu chibai a buk a, "Ka pu, lal Davida hi kumkhuain dam reng rawh se," a ti a.

³¹Tin, lal Davida'n, "Puithiam Zadoka leh, zawlnei Nathana leh Jehoiada fapa Benaia mi va koh teh u," a ti a. Tin, a hmaah chuan a va kal a.

³²Tin, lalc huan a hnenah, "In pu puipate hruai u la, ka fapa Solomona hi keima sabengtung ngei chungah chuantir u la, Gihon hmunah zuk hruai rawh u:

³³tin, puithiam Zadoka leh zawlnei Nathanan Israelte lal atan hriak zuk thih rawh se: tin, tawtawrawt ham u la, 'Pathianin lal Solomona humhim rawh se,' ti rawh u.

³⁴Tichuan amah chu in zui chho ang a, ka lalthutthlengah hian a lo thu dawn nia; amah hi ka aia lal tur a ni si a: tin, amah hi Israel ram leh Judai hotu atan ka ruat a ni e," a ti a.

³⁵Tin, Jehoiada fapa Benaia chuan lal chu a chhang a, "Amen: LALPA, ka pu lalpa Pathian pawhin remti ve rawh se.

³⁶LALPA chu ka pu, lalpa hnena a awm thin angin, Solomona hnenah pawh awm ve zel sela, ka pu lal Davida lalthutthleng aiin a lal thutthleng chu tiropui zawk rawh se," a ti a.

³⁷Chutichuan puithiam Zadoka te, zawlnei Nathana te, Jehoiada fapa Benaia te, Keret mite, Pelet mite chu an zuk kal a, Solomona chu Davida sabengtung chungah an chuantir a, Giho hmunah an hruai a.

³⁸Tin, puithiam Zadoka chuan Puan In ata hriak dahna ki a la a, Solomona chu a thih ta a. Tin, tawtawrawt an ham a; tichuan mi zawng anwgin, "Pathianin lal Solomona humhim rawh se," an ti a.

³⁹Tin, mpuiho zawng awng chuan amah chu an zui chho a, mipuite chuan phenglawngte an tum a, an lawm nasa khawp a, an thawm ri chuan lei a nghawr khi a.

⁴⁰Tin, Adonija leh a sawmho a hnena awm zawng zawngte chuan an ruaitheh zawh chuan an han hria a. Tin, Joaban tawtawrawt ham rik a han hriat chuan, "Khawpui chhunga thawm ri awm ta dur dur chu engtizia nge maw ni chu le?" a ti a.

⁴¹Chutia a tih lai tak chuan ngai teh, puithiam Abiathara fapa Jonathana a va kal a: Adonija chuan, "Lo kal teh khai; nang zawng mi fel i ni a, chanchin tha i rawn thlen chawk ang chu maw?" a lo ti a.

⁴²Tin, Jonathanan a chhang a, Adonija hnenah chuan, "Thlen lo e, kan pu, lal Davida'n Solomana lalah a siam ta a lawm maw le:

⁴³ama rualin puithiam Zadoka te, zawlnei Nathana te, Jehoiada fapa Benaia te, Keret mite, Pelet mite lalin a tir a, lal sabengtung chungah an chuantir ta:

⁴⁴tin, puithiam Zadoka leh zawlnei Nathanan Gihon hmunah lalatan hriak an thih ta a: chuta tang chuan hlim takin an lo chho a, chu chuan khawpui chhung a khawk rum rum a ni. Chu chu a ni in thawm hriat chu.

⁴⁵Tin, Solomona chu ram lalthutthlengah chuan a thu ta bawk a.

⁴⁶Tin, lal puipate chu, 'I Pathianin a hming aiin Solomona hming chu titha zawk sela, i lalthutthleng aiin a lalthutthleng chu toropui zawk rawh se,' tia kan pu lal Davida lawmpui turin an kal chiam bawk a; tin, lal chu khum siin a kun a.

⁴⁷Tin, lal pawh chuan heti hian a ti, 'LALPA, Israelte Pathian, vawiin ngeia ka lalthutthlenga thu tur rawn ruattu chu fakin awm rawh se, ka mit ngeiin a hmuh tak hi," a ti a.

⁴⁸Tin, Adonija mi sawmte zawng zawng chuan an hlau ta a, an tho a, mahni kawng kawngah an kal ta vek a.

⁴⁹Tin, Adonija chuan Solomona chu a hlau ta a; a tho a, maicham ki a va vuan ta a.

⁵⁰Tin, "Ngai teh, Adonijan lal Solomona a hlau a; 'Lal Solomona hian a chhiahhlawh hi khandaiha tihlum lo turin ka hnenah chhia chham phawt rawh se,' tin, maicham ki a vuan e," tiin Solomona chu an hrilh a.

⁵¹Tin, Solomona chuan, "Mi rinawm tak a nih a tihlan phawt chuan a samzai khat pawh leiah a tla lo ang: amaherawhchu suahsualna a nei tih hriatna a awm chuan a thi ang," a ti a.chutichuan lal Solomona chuan mi a ti ra, maicham ata chu an va hruai thla a. Tin, a va kal a, lal Solomona chu chibai a buk a: tin, Solomona chuan a hnenah, "I inah haw tawh," a lo ti a.

⁵²chutichuan lal Solomona chuan mi a ti ra, maicham ata chu an va hruai thla a. Tin, a va kal a, lal Solomona chu chibai a buk a: tin, Solomona chuan a hnenah, "I inah haw tawh," a lo ti a.