Read Baibul, Mizo 1 Lalte 10 Bible Online

1 Lalte 10 - Baibul, Mizo bible

1 Lalte 10

¹Tin, LALPA hming atana a thiltih chungchang thua Solomona hming thanzia Seba lalnuin a lo hriat chuan thu khirh tak taka fiah tumin a hnenah a kal a.

²Tin, Jerusalem khuaah hnungzuitu tam tak hruaiin, englo rimtuite leh rangkachak tam tak leh lunghlute phur sanghawngseite kengin a kal a: tin, Solomona hnen a thlenc huan a thinlunga a thu pai zawng zawng chu phawrh fai vekin a bia a.

³Tin, Solomona chuan thu zawh zawng chu a chhang vek a: lal hriat loh, a hrilhfiah theih loh reng reng a awm hauh lo mai.

⁴Tin, Seba lalnuin Solomona finzia zawng awng te, a in sak te,

⁵a dawhkana ei tur te, a puipateho thut dan te, a rawngbawltuho bawl dan te, an inchei dan te, ano hlantu te, LALPA ina ahlan halral thilhlante a han hmuh chuan a rilru ahlei anei ta lo a.

⁶Tichuan lal hnenah, "I thiltihte leh i finziate keima rama ka lo hriat kha thuthang dik tak a lo nih ngei hi le.

⁷Nimahsela keimahin ka mit ngeia ka rawn hmuh hma loh chuan an sawi chu ka awih lo a, tichuan ngai teh, a zatve pawh mi lo hrilh hlei nem, an sawi ka lo hriat aiin i finzia leh i thatzia a lo nasat hi.

⁸I mite, he'ng i chhiahhlawh, i bula awm foa i finna thu ngaithla foate hi an nihhlawh e!

⁹LALPA i Pathian, i chunga lawm em em, Israelte lathutthlenga thutirtu che hi fakin awm rawh se: LALPA'n Israelte hi kumkhuain a hmangaih a, chuvangin fel taka rorel turin lalah a siam che anih hi," a ti a.

¹⁰Tin, lal chu rangkachak talent za leh sawmhnih leh englo rimtui tam zet mai leh lunghlue a pe a: Seba lalnuin lal Solomona englo rimtui a pek ang zozaia tam hi a lut ta ngai lo.

¹¹Tin, Hirama lawngrual, Ophir atanga rangkachak va phurte pawh chuan Ophir atangin almug thing tam tak leh lunghlute an rawn phur a.

¹²Tin, lalin almug thingte chu LALPA in leh lal in hungna'n leh hla satute tan tingtang leh perhkhuangte siamna'n lam pawh a hmang a: tun thlengin chutiang almug thing reng reng chu a lutin, hmuh pawh hmuh a ni ta ngai lo.

¹³Tin, lal Solomonan a duhsak avanga a pekte bakah pawh lal Solomona chuan Sdeba lalnu chu a duh zawng zawng, a dil apiang chu a pe a. Chutichuan a awmna ram lamah a hawng leh ta a, a hote nen.

¹⁴Solomona hnena kum khat chhunga rangkachak lut rih lam chu sumdawngtute laka lut leh thil zuartute,

¹⁵mi in awmpawlhho lal zawng zawngte lal ram awptute laka lutte chhiar lohin, rangkachak talen zaruk leh sawmruk leh paruk buk a ni.

¹⁶Tin, lal Solomona chuan rangkachak den phekin pawh lian zahnih a siam a: phaw pakhatah rangkachak sekel zaruk a duh a.

¹⁷Tin, rangkachak den phekin phaw zathum a siam a; phaw pakhatah rangkachak maneh thum a duh a: chung chu lal chuan Lebanon ngawpui inah a dah a.

¹⁸Tin, lal chuan saingho lalthutthleng ropui tak a siam bawk a, chu chu rangkachak tha ber tiin a luan a.

¹⁹Lal thutthleng kai chhohnaah chuan rahka paruk a awm a, chu mi lalthutthleng hnung lam chu a lo kum phei kulh a: a thutna sir tuakah chuan dona a awm ve ve a, tin, dona bulahte chuan sakeibaknei sawm leh pahnih a ding a;

²⁰Tin, rahka parukah chuan, a sik tuakah sakeibaknei sawm leh pahnih a ding a; chutiang chu khawi ramah mah an siam ngai lo.

²¹Lal Solomona no zawng zawng chu rangkachak vek ani a, tin, Lebanon ngawpui ina bungbel zawng zawngte pawh chu rangkachak hlir hlak vek a ni a: tangkarua reng reng a awm lo; Solomona dam lai chuan chu chu enghuah mah an ngai lo.

²²Lal chuan tuifinriatah chuan Hriama lawng rual kawppuitu Tarsis lawng rual anei a: Tarsis lawng rual chuan kum thum dan zelah rangkachak te, tangkarua te, saingho te, zawng te, arawn te a rawn phur si thin a.

²³Chutichuan lal Solomona chuan khawvela lal zawng zawngte chu hausakah leh finah a khum vek a.

²⁴Pathianin a thinlunga finna thu a dahsak chu ngaithla turin khawvela mi zawng zawngte chuan Solomona chu an rawn pan huai huai thin a.

²⁵Tin, mi tinin lawmman kum tin, pek bi neiin tangkaraw bungbel te, rangkachak bungbel te, puan te, ralthuam te, englo rimtui te, sakawr te, sabengtung te an rawn pe thin a.

²⁶Tin, Solomona chuan tawlailirte leh sakawr chung chuang mite a khawm chiam a: tawlailir sangkhat leh zali leh sakawr chung chuang mi singkhat leh sanghnih a nei a, chung chu tawlailir dahna khuaah te, Jerusalem khuaa lal awmnaah te chuan a awmtir a.

²⁷Tin, lal chuan Jerusalem khuaah chuan a tam em avangin tangkaruate chu lung ang maia ngaih khawpin a awmtir a, sidar thingte chu phaia theipui thing ang leka ngaih khawpin a an awmtir a.

²⁸Tin, Solomona neih sakawrte chu Aigupta ram ata rawn tawlh chhuah a ni a; tin, lal sumdawngtute chuan chung chu a rual rualin an lo khar thin a, a ruala lei zela ni.Aigupta rama mi tawlailir chu tangkarua sekel zaruk zelin an tithleng thin a, tin, sakawr chu tangkarua sekel za leh sawmnga zelin: chutiang bawk chuan Hit-ho lal zawng zawngte leh Suria lalte pawh an tihthlensak thin a ni.

²⁹Aigupta rama mi tawlailir chu tangkarua sekel zaruk zelin an tithleng thin a, tin, sakawr chu tangkarua sekel za leh sawmnga zelin: chutiang bawk chuan Hit-ho lal zawng zawngte leh Suria lalte pawh an tihthlensak thin a ni.