Read Baibul, Mizo 1 Lalte 11 Bible Online

1 Lalte 11 - Baibul, Mizo bible

1 Lalte 11

¹Solomona chuan Pharaoa fanu chang lo pawh hnam dang hmeichha tam tak Moab te, Amon te, Edom te, Zidon te, Hit-ho hmeichhiate a hmangaih a;

²chung hnamho chungchang thu chu LALPA'n Israela thlahte hnenah, "Anmahni pawl suh ula, anni pawhin pawl che u suh se: an pathiante lamah in thinlung an hruai kawi ngei dawn si a," tiin alo sawi tawh reng a; chungho chu Solomona chuan hmangaihnain a vuan tlat a.

³Tichuan nupui zasarih, lal fanu a nei a, hmei zathum nen: tin, a nupuite chuan a thinlung an hruai kawisak ta a.

⁴Tin, heti hi a lo ni ta a, Solomona chu a lo upa hnu chuan, a nupuite chuan pathian dangte lamah a thinlung an hruai kawisak a: tichuan a pa Davida thinlung angin LALPA a Pathian lamah chuan a thinlung chu alo tha famkim ta lo a.

⁵Solomona chuan Zidon-ho pathiannu Astorethi leh Amon-ho pathian tenawm tak Milkoma chu a lo zui ve ta mai a.

⁶Tin, Solomona chuan LALPA mithmuhin thil sual alo ti ta a, a pa Davida angin LALPA chu a zui tlat ve ta lo a.

⁷Chutichuan Solomona chuan Jerusalem bula tlangah Moab-ho pathian tenawm tak Kemosa tan leh, Amona thlahte pahtian tenawm tak Moleka tan hmun sang a lo siam ta a.

⁸Chutiang bawkin hnam dang a nupui zawng zawng an pathiante hnena inthawia rimtuite hal thinte tan pawh a siamsak a.

⁹,10 Chutichuan LALPA Israelte Pathian, a hnena vawi hnih lai inlar a, he thu pathian dangte a zui tur ani lo tih thu lo petu chu a thinlungin a hawisan tak avangin Solomona chungah chuan LALPA thin a lo uur ta a: LALPA'n thu apek chu pawm si hek lo.

¹⁰,9 Chutichuan LALPA Israelte Pathian, a hnena vawi hnih lai inlar a, he thu pathian dangte a zui tur ani lo tih thu lo petu chu a thinlungin a hawisan tak avangin Solomona chungah chuan LALPA thin a lo uur ta a: LALPA'n thu apek chu pawm si hek lo.

¹¹Chuvangin LALPA'n Solomona hnenah chuan, "Hetiang hian i lo awm ta a, ka thuthlungte leh ka thuruatte pawm tura thu ka pek che hi i lo pawmta si lo a, ram hi ka chhuhsak ngei ngei ang chia, i chhiahhlawh ka pe ang.

¹²Amaherawhchu i pa Davida avangin i dam chhung em chuan ka ti rih lo ang a: nimahsela i fapa zawng ka chhuhsak dawn a ni.

¹³Ram zawng zawng erawh chu k achhuhsak vek lo ang a; nimahsela ka chhiahhlawh Davida avang leh ka thlan Jerusalem avang hian hna khat chu i fapa ka pe ang," a ti a.

¹⁴Tin, LALPA'n Edom mi, Hadada chu Solomona hmelmaah a rawn din chhuak ta a: amah chu Edom rama lal thlah a ni.

¹⁵Tin, heti hi a ni a, Davfida Edom rama a awm laia, an mi thahte phum tura sipai hotu Joaba a han kal a, Edom mi mipa fa tawh phawt chu a han thah vek hnu khan,

¹⁶(Joaba leh Israel mi zawng zawngte chu thla ruk zet, Edom rama mipa zawng zawng a tihhlum vek hma loh chuan an awm a ni a;)

¹⁷Hadada chu a pa chhiahhlawhte zinga Edom mi thenkhatte nen Aigupta rama kal turin an tlan a; Hadada chu naupangte a la ni a.

¹⁸Midian ramata an chhuak a, Paran-ah an kal a: tin, Pran atangin mite an hruai a, Aigupta ram, Aigupta ram leh Pharaoa hnen an zuk thleng a; ani chuan in te a lo pe a, ei turte a lo ngaihtuahsak a, ramte a lo pe bawk a.

¹⁹Hadada chuan Pharaoa mit a ltung hle mai a, tichuan a nupui ngeia laizawn, lalnu Tahpenesi laizawn chu nupuiah a neihtir a.

²⁰Tin, Tahpenesi laizawn chuan fapa Genubatha a hrinsak a, Tahpenesiin Pharaoa inah a hnute hnek banna a siamsak a: tin, Genubatha chu Pharaoa inah Pharaoa fate zingah chuan a awm ta a.

²¹Tin, Hadadan Aigupta ram atanga Davida chu a puteho hnenah amuhil ta tih le, sipai hotu Joaba pawh a thi tawh tih a lo hriatin, Hadada chuan Pharaoa hnenah, "Kan rama ka haw theihna'n mi chhuahtir ta che," a ti a.

²²Chutichuan Pharaoan a hneah, "Ka hnena i awm hian tlakchham eng nge i neih ni le, ngai teh, chutia in ram lama haw leh i tum tak mai?" a ti a. Tin, ani chuan, "Engmah phei chu nei lo e: nimahsela mi kaltir reng reng rawh khai," a ti a.

²³Tin, Pathianin a hmelmaah Eliada fapa Rezona, a pu Hadadezera, Zoba lal hnen ata tlan bo tawh kha a rawn din chhuak leh a:

²⁴Davida'n Zoba khuaa mite a thah khan ani chuan a hnenah mite a kai khawm a, sipai hotuah a lo tang ta a: tin, Damaska khuaah an kal a, chutah chuan an awm a, Damaska khuaha chuan lalah a thu ta a.

²⁵Hadada tihhreawmna belhchhahin Solomona dam chhung zawng, Israelte hmelma a ni fo thin reng a. Israelte a haw hle mai a, Suria ram chungah ro a rel a.

²⁶Tin, Bebata fapa Jeroboama, Zereda khuaa Phraim mi, Solomona chhiahhlawh pawh chuan, (a nu hming chu Zeruii a ni a, hmeithai ani a,_ chu mi pawh chuan lal chungah a kut a lek ve a.

²⁷Lal chunga akut a rawn lek chhan chu hetiang hi a ni: Solomonan Milo a siam a, a pa Davida khua chu a chhe lai te a siam tha a.

²⁸Chu Jeroboama chu mi chak huaisen a ni a: tichuan Solomonan chu tlangval chu mi taima tak nia a hriat avangin Josefa chhungte hnathawh zawng zawng chunga hotuah a siam a.

²⁹Tin, chung lai chuan heti hi a ni a, Jeroboama Jerusalem khua ata a kal chhuak chu Silo mi zawlnei Ahijan kawng lakah a lo hmu a; Ahija chuan puan thar a sin a; an pahnih chauh chuan phulah an awmdun a.

³⁰Tin, Ahija chuan a puan thar sin chu a la a, phel sawm leh phel hnihah apawtthler a,

³¹Jeroboama hnenah chuan, "Phel sawm hi la rawh khai: LALPA, Israelte Pathianin heti hian a ti a ni: "Ngai teh, ram hi Solomona ka chhuhsak ang a, hnam sawm chu ka pe dawn che a ni:

³²(amaherawhchu ka chhiahhlawh Davida avang leh Israel hnam zawng zawng zinga ka thlan khawpui, Jerusalem avang hian hnam khat zawng anei ang chu:)

³³anni chuan mi kalsan a, Zidon-ho pathiannu Astarothi te, Moab-ho pathian Kemosa te, Amon-ho thlahte pathian Milkomate an biak avang leh ka mithmuha thil tha ti tur leh ka thuruatte leh ka rorelte hi pawm tura a pa Davida anga ka kawngte an zawh loh avangin.

³⁴Ram pumpui zawng ka chhuhsak lo ang: amaherawhchu ka thuupekte leh ka thuruatte pawmtu, ka thlan, ka chhiahhlawh Davida avangin a dam chhung hchuan lalah ka la awmtir ang:

³⁵nimahsela ram hi a fapa ka chhuhsak ang a, nangmah hi ka pe dawn che a ni, hnam sawmte chu.

³⁶Tin, ka chhiahhlawh Davida'n ka hming awmtirna'na ka thlan khawpui Jerusalem-ah hian ka hmaa khawnvar aneih reng theihna turin hnam khat chu a fapa ka pe ang.

³⁷Nang hi ka ruat ang chia, i duh ang angin ro i rel ang a, Israelte lalah i awm ang.

³⁸Tin, heti hi ani ang a, thu ka pek apiang che i pawm a, ka kawngte i zawh a, ka chhiahhlawh Davida anga ka thuruatte leh ka thupekte zawm tura ka mithmuha thil tha i tih chuan i hnenah ka awm zel ang a, Davida ka din nghehsak ang khan chhungkaw nghet ka dinsak ang chia, Israelte hi ka pe ang che.

³⁹Chuvang chuan Davida thlah chu ka tihreawm dawn ai, amaherawhchu kumkhua zawngin a ni lo ang,' a ti e," tiin.

⁴⁰Chutichuan Solomona chuan Jeroboama chu thah a tum ta a: nimahsela Jeroboama chu a tho a, Aigupta ramah, Aigupta ram lal Sisaka hnenah a tlan a, Solomona thih hma loh chuan Aigupta ramah a awm ta a.

⁴¹Solomona chanchin dangte leh, a thiltih zawng zawng leh a finnate chu Solomona thiltih ziakna buah a chuang a ni lo'm ni?

⁴²Solomonan Israel-ho zawng zawng chunga Jerusalem khuaa ro a rel chhung chu kum sawmli a ni.Tichuan Solomona chu a pute hnenah chuan amuhil a, apa Davida khawpuiah chuan an phum ta a: tin, a fapa Rehoboama chu a aiawhin a lal ta a.

⁴³Tichuan Solomona chu a pute hnenah chuan amuhil a, apa Davida khawpuiah chuan an phum ta a: tin, a fapa Rehoboama chu a aiawhin a lal ta a.