Read Baibul, Mizo 1 Lalte 12 Bible Online

1 Lalte 12 - Baibul, Mizo bible

1 Lalte 12

¹Tin, Rehoboama chu Sekem khuaha akal a; Israel-ho zawng zawng chu Sekem khuaah chuan lala siam turin an kal tawh si a.

²Tin, heti hi ani a, Nebata fapa Jeroboaman chu mi thu chu a lo hriat chuan (lal Solomona hnen atanga a tlan bona Aigupta rama la awm a ni a, tichuan Jeroboaman Aiguipta rama a la awm reng hc a zuk kohtir a;)

³Jeroboama leh Israel pungkhawmho zawn zawng chu an lo kal a, rehoboama hnenah,

⁴I pa khan kan nghawngkawl a tirit em thin a: chuvangin i pa min chhawr rimna leh, a nghawngkawl rit tak kan chunga a nghah hi min tihzansak la, tichuan i rawng kan bawl ang e," tiin an rawn sawi a.

⁵Tin, ani chuan an hnenah, "Ni thum chhung chu lo va kal kiang ta rih u la, tin, ka hnenah lo kal leh ang che u," a ti a. Tin, mipuite chu an kal kiang ta a.

⁶Tin, lal Rehoboama chuan a pa Solomona dam laia a bula awm thin upahote chu, "Heng mipuihote hi ka chhan dan tur rem eng nge mi ruatpui le?" tiin a rawn a.

⁷Tin, anni chuan a hnenah, "Tunah hian hengho chhiahhlawha i awm a, an rawng i bawl a, anmahni chu i chhan a, an hnena thu tha tak sawi i tum chuan, kumkhuain i chhiahhlawhah an awm ang," tiin an sawi a.

⁸Nimahsela upaho remtuatpui chu a pawm lo a, ama rualpui tlangvalho, a bula awm thinte chu a rawn ta zawk a.

⁹An hnenah chuan, "Heng mipuiho, ka hnena, 'I pan kan chunga nghawngkawl anghah hi min tihzansak rwah,' tia sawitute hi ka chhan dan tur rem eng nge min ruatpui le?" a ti a.

¹⁰Tin, a rualpui tlangvalhote chuan a hnenah, "Heng mipuiho, 'I pa khan kan nghawngkawl a tirit em thin a, nang chuan min tihzaksak rawh khai,' i hnena titute hnenah chuan hetiang hian ti la, hetiang hian an hnenah sawi ang che: 'Ka pa kawng ai chuan ka zungte hi a lian zawk.

¹¹Ka pa khan ngawhngkawl rit ak a lo bahtir che u a, kei chuan in nghawngkawl chu ka belhchhah dawn a sin: ka pan vuaknain a lo hring thin che u a, kei rawh chuan khawmualkaikuangin ka hring dawn che u a ni,' tin," an sawi a.

¹²Chutichuan Jeroboama leh mipuiho zawng zawng hchu llain, "Nithum chinah ka hnenah lo kal leh ang che u," tia a hrilh ang khan, a ni thum ni chuan Rehoboama hnenah an va kal a.

¹³Tin, lal chuan, mipuite chu chang takin a lo chhang a, upahote remruatpui kha a pawm lo a;

¹⁴tlangvalhote remruatpui ang khan, "Ka pan in nghawngkawl a lo tirit a, kei chuan in nghawngkawl chu ka belhchhah dawn a sin, ka pan vuaknain a lo hring thin che u a, kei erawh chuan khawmualkaikuangin ka hring dawn che u a ni," a ti a.

¹⁵Chutichuan lal chuan mipuite thu sawi kha a pawm ta lo a; chu chu LALPA avang a ni, LALPA'n Silo mi Ahija hmanga, Nebada fapa Jeroboama hnea a thu lo saiw tawh kha a tihngheh theihna'n.

¹⁶Tin, Israel-ho zawng zawng chuan lalin an thu sawi a pawm lo tih an hriatin, mipuite chuan, "Davidaah hian chanvo eng nge kan neih le? Jesaia fapaah chuan roluah tur kan nei hek lo: aw Israelte u, in puan in lamah haw rawh u: David, i chhungkua ngaihtuah mai tawh," tiin lal chu an chhang a. Chutichuan Israel-ho chu an puan in lamah an kal ta a.

¹⁷Israela thlah, Judai ram khua awmte erawh chu, an chungah Rehoboaman ro a rel a.

¹⁸Tichuan lal Rehoboama chuan hnathawka rawih luihte hotu Adorama a tir a; ani chu Israel-ho zawng zawng chuan lungin an deng a, a thi ta a. Tin, lal Rehoboama chu Jerusalem khuaa tlan tumin a tawlailirah a chuang ta thaui a.

¹⁹Chutichuan Israel-hote chu Davida chhungte chungah an lo hel ta a ni, tun thleng hian.

²⁰Tin, heti hi ani a, Israel-ho zawng zawngin Jeroboama chu a lo kir leh tih an hriatin, punkhawmnaa lo kal turin an kohtir a, Israel-ho zawng zawng chunga lalah an siam ta a: Juda hnam ngawt lo chu Davida chhungte zui tumah an awm lo.

²¹Tin, Rehoboama chuan Herusalem khua a han thlen chuan, Israela chhungtte chu dova Solomona fapa Rehoboama rama la leh turin Juda chhungte zawng zawng leh, Benjamin hnam, mi huaisen thiau thlan chhua 180,000 zet a khawm a.

²²Nimahsela Pathian mi Semaia hnenah Pathian thu a lo thleng a,

²³Judai ram lal Solomona fapa Rehoboama hnenah leh Juda leh Benjamina chhungte zawng zawng hnenah leh mipui dangte hnenah chuan,

²⁴LALPA'n heti hian a ti, Han kal suh u, Israela thlah, in unauteho chu han do hek suh u: mahni in lamah haw leh vek tawh u; hei hi keimah tih ani e, tiin,' sawi rawh," tiin. Chutichuan LALPA thu ang chuan an kir a, an haw leh ta vek a.

²⁵Chutichuan Jeroboama chuan, Ephraim tlang ramah Sekem khua a siam a, chutah chuan a awm a; tin, chuta tang chuan a chhuak a, Penuel khua a siam a.

²⁶Tin, Jeroboama chuan a rilruin, "ram hi Davida chhungte ta a lo ni leh nghe nghe ang a:

²⁷he miteho hi Jerusalem khuaa LALPA ina inthawinate hlan tura an kal chuan, he miteho thinlung hi an LALPA Rehoboama, Judai ram lal lamah hian a thle leh mai ang a, tichuan kei hi mi that ang a, Judai ram lal Rehoboama lamah an pakai leh mai ang a," a ti a.

²⁸Chutichuan lal chuan mi a rawn a, rangkachak bawng no lem pahnih a siam a; an hnenah chuan, "In tan Jerusalem khuaa han kal chu a harsa lutuk em a; aw Israelte u, en teh u, Aigupta ram ata hruai chhuaktu che u in pathiante hi," a ti a.

²⁹Tin, pakhat chu Bethel-ah a dah a, pakhat hchu Dan-ah a dh a.

³⁰Chu thil chu sual a lo ni ta a ni: mipuite chu a pahniha be turin Dan thleng thlengin an kal si a.

³¹Tin, hmun sang inte a san a, Levia fate ni lo, vantlang zinga mi puithiamahte a siam a.

³²Tin, Jeroboama chuan Judai rama kut an neih ang bawkin thla riatna, chu mi thla ni sawm leh ni nga ni chu kut niah a ruat ve a, maichamah chuan a han kal a; Bethel-ah chuan a bawng no lem siam hnena inthawiin chutian g chuan a ti a ni: tin, a siam hmun sang puithiamte chu Bethel-ah a dah a.Tin, amahin a du anga a ruat thla ngei, thla riatna, ni sawm leh ni nga niah chuan Bethel-a a maicham siamah a han kal a: tin, Israel thlahte tan kut a ruat a, maichama rimtui hal turin a han kal a.

³³Tin, amahin a du anga a ruat thla ngei, thla riatna, ni sawm leh ni nga niah chuan Bethel-a a maicham siamah a han kal a: tin, Israel thlahte tan kut a ruat a, maichama rimtui hal turin a han kal a.