Read Baibul, Mizo 1 Lalte 13 Bible Online

1 Lalte 13 - Baibul, Mizo bible

1 Lalte 13

¹Tin, ngai teh, Judai ram atangin Pathian mi, LALPA thuin Bethel-ah a lo kal a: tin, Jeroboama chu maicham bulah rimtui hal turin a lo ding a.

²Tin, LALPA thuin maicham chu a au khum a, "Aw maicham, maicham, LALPA'n heti hian a ni, 'Ngai teh, Davida chhungte zingah fapa hming Josia a lo piang ang a, i chunga rimtui hal thintu, hmun sang puithiamte hi i chungah hian inthawina'n a la rawn hlan ang a, i chungah hian mihring ruhte an la rawn hal ang,' tiin," a ti a.

³Tin, chu mi ni vek chuan chhinchhiahna a pe a, "Hei hi LALPA'n chhinchhiahna tur a tih chu a ni: 'Ngai teh u, maicham hi ala khi phawk ang a, a chunga meivapte hi a la bawk vek ang,' tih hi," tiin.

⁴Tin, heti hi a ni a, Pathian miin Bethel-a maicham a han au khum thu lalin a hriat chuan, Jeroboama chuan, "man rawh u," tiin maicham atang chuan a kutin a han ban a. Tin, man tuma a banna kut chu alo zeng ta a, tichuan a kut chu a la leh thei ta lo a.

⁵Pathian miin LALPA thua chhinchhiahna tura a sawi ang khan maicham pawh chu a khi bawk a, maichama meivapte chu a baw ta vek a.

⁶Tin, lal chuan a chhang a Pathian mi hnenah chuan, "Ka kut hi alo lem leh theihna turin LALPA i Pathian khawngaihna ngen la, min tawngtaisak teh khai," a ti a. Tin, Pathian mi chuan LALPA hnenah a ngen a, tin, lal kut chu a lo dam leh a, a hma ang bawkin a lo awm leh ta a.

⁷Tichuan lal chuan Pathian mi hnenah, "Ka in lamah ka hnenah lo kal la, va chawl hahdam rih tawh khai, tin, lawmman ka pe dawn che nia," a ti a.

⁸Tin, Pathian mi chuan lal hnenah, "I in lo zatve pawh mi pe dawn mah la, i hnenah zawng ka lo kal chuang lo ang, he mi hmunah hian chhang ka eiin tui reng reng pawh ka in hek lo ang:

⁹Chhang va eiin tui reng reng pawh va in suh la, i va kalna kawngah pawh haw leh tawh suh,' tia LALPA thua tirh ka ni a sin," a ti a.

¹⁰chutichuan kawng dangah akal a, Bethel-a a lo kalna kawngah chuan a haw leh ta lo a.

¹¹Bethel khuaah chuan zawlnei putar pakhat hi a awm a; afapa pakhat chuan chu mi nia Bethel-a Pathaim mi thiltih zawng zawng chu a hrilh vek a: lal hnena, a thu sawite pawh chu an pa an hrilh bawk a.

¹²Tin, an pa chuan an hnenah, "Khawi lam kawngah nge a kal tak?" a ti a. A fapate chuan Judai ram atanga lo kal Pathian mi haw lehna kawng chu a kawhhmuh a.

¹³Tichuan a fapate hnenah, "Sabengtung mi han siam teh u," a ti a. Chutichuan sabengtung chu an siamsak a: tichuan a chuang ta a:

¹⁴Tin, pathian mi chu a um ta a, sasqaw thing hnuaia a thu hi a va hmu a: a hnenah, "Nangmah hi em ni Judai ram atanga lo kal Pathian mi chu?" a ti a. Tin, ani chuan, "Ni e," a ti a.

¹⁵Tichuan ani chuan a hnenah, "Ka in lamah ka hnenah lo kal la, chhang va ei rawh khai," a ti a.

¹⁶Tin, ani chuan, "I ruala kir leh thei ka ni lo a, i hnena lo kal thei pawh ka ni hek lo: he mi hmunah hian i hnenah chhang ka eiin tui reng reng pawh ka in hek lo ang:

¹⁷Chhang va eiin, tui reng reng pawh va in suh la, i va kalna kawngah pawh lo kir leh tawh suh,' tia LALPA thua hrilh ka ni si ," a ti a.

¹⁸Tin, ani chuan a henah, "Kei pawh nangmah ang bawka zawlnei ka ni alawm: vantirhkohin LALPA thuin, 'Chhangte eia tuite in turin i inlamah hruai kir leh rawh khai,' tiin mi bia a sin," a ti a. Nimahsela a hnenah dawt a sawi a ni.

¹⁹Chutichuan a hnenah chuan a kir leh ve a, a inah chuan chhangte a eiin tui te a in ta a.

²⁰Tin, heti hi a ni a, dawhkan an kil lai chuan a hruai kirtu zawlnei hnenah chuan LALPA thu chu a lo thleng a:

²¹Judai ram atanga lo kal Pathian mi hnenah chuan, "LALPA'n heti hian a ti, LALPA thu sawi i awih loh a, LALPA i Pathianin thu a pek che i pawm loh avang leh,

²²i lo kir leh a, chhang va eiin tui reng pawh va in suh ang che, a tihna hmun ngeiah chhang i ei a, tuite i in avangin i ruang hi i pute thlana dah ani ve lo vang,' tiin, "tiin a sawi chhuak ta a.

²³Tin, heti hi a ni a, chhangte a ei a, tuite a in zawh chuan, zawlnei a hruai kir leha chu sabengtung a siamsak a.

²⁴Tin, a kal ta chu kawng lakah sakeibaknei nen an intawk a, a lo she ta a: tin, a ruang chu kawngah chuan thehthal derin a awm a, sabengtung chu a bulah chuan a ding a, sakeibaknei pawh chu ruang bulah chuan a ding ve reng a.

²⁵Tin, ngai teh, mi an va kal a, kawnga ruang thehthal dera awm leh ruang buala sakeibaknei ding reng chu an va hmu a: zawlnei putar pui awmna khuaah chuan an va sawi a.

²⁶Tin, kawng lak ata va hruai kir lehtu zawlnei chuan chu mi thu a lo hriat veleh chuan, "Pathian mi, LALPA thu sawi awih duh lopa kha anih chuL chuti chuan LALPA'n a hnena a sawi, a thu ang ngeiin LALPA'n sakeibaknei hnenah a pe a, a lo ham a, a sehhlum ta a nih chu," a ti a.

²⁷Tin, a fapate hnenah chuan, "Sabengtung mi siamsak leh u," tiin a sawi a. Tin, an siamsak ta a.

²⁸Tin, a kal ta a, a ruang kawnga thehthal dera lo awm leh sabengtung leh sakeibaknei ruang buala lo ding reng chu a va hmu a: sakeibaknei chuan ruang chu a lo la ei lo a, sabengtung pawh chu a lo la tipem lo a.

²⁹Tin, zawlnei chuan chu Pathian mi ruang chu a hlawm a, sabengtun gchungah chuan a hlang a, a kirpui ta a: tichuan zawlnei putar awmna khuaah chuan sun tur leh vui turin a lut ta a.

³⁰Tin, a ruang chu ama thlanah a zalh a; tichuan, "A va pawi tehluul em, ka unaupa! " tiin a tah a.

³¹Tin, heti hi a ni a, a vui hnu chuan a fapate hnenah, "Ka thih hunah Pathian mi phumna thlanah hian mi rawn phum ve ang che u: a ruh bulah ka ruhte hi rawh dah ang che u.

³²Pathian thua Bethel-a maicham leh, Samari ram khawpuitea hmuns ang in zawng zawng a au khumna thu kha lo thleng ngei tur a ni si a," tiin a sawi a.

³³Chung thil hnuah pawh Jeroboama chuan a awm dan dik lo chu a la ban chuang lo a, vantlang zinga mi hmun sang puithiam atan a la siam ta cheu va: hmun sang puithiamte an awm theihna turin a duh apiang a tihrang thin a.Chu thil chu Jeroboama chhungkaw sualna anmahni tichimittu leh khawvel ata tiboral hlauhtu a lo ni ta .

³⁴Chu thil chu Jeroboama chhungkaw sualna anmahni tichimittu leh khawvel ata tiboral hlauhtu a lo ni ta .