Read Baibul, Mizo 1 Lalte 14 Bible Online

1 Lalte 14 - Baibul, Mizo bible

1 Lalte 14

¹Chung lai chuan Jeroboama fapa Abija a dam lo a.

²Tin, Jeroboama chuan a nupuia hnenah, "Tho la, Jeroboama nupui ani tih an hriat lohna'n che intidanglam la, Silo-ah va kal teh khai; ngai teh, chutah chuan zawlnei Ahija, he miteho chunga lala ka la awm tur ka chungchang thu sawitu kha a awm e.

³Tin, chhangper sawm leh chhang hlawm te te leh khawizu um khat keng langin, a hnenah va kal teh: naupang awm dan tur chu a lo hrilh ang che," a ti a.

⁴Tin, Jeroboama nupui chuan chutiang chuan a ti a, a tho a, Silo-ah chuan a kal a, Ahija inah chuan a va kal ta a. Ahija chuan khua a hmu thei tawh lo va: a upat avangin a mit a thim tawh si a.

⁵Tin, LALPA'n Ahija hnenah, "Ngai teh, Jeroboama nupui a fapa chungchanga rawn tur chein a lo kal e; a dam lo a ni a: hetiang hian lo hrilh ang che: heti hi ani ang a, a lo luh hunah chuan hmeichhe dang ni awm takin a rawn insiam dawn a ni, " a ti a.

⁶Tin, heti hi a ni a, Ajijan chutia kawngkaa a lo luh laia a ke rah ri a han hriat veleh chuan, "Nang, Jeroboama nupui, lo lut rawh khai; eng tiziaa mi danga insiam nge i nih? Chanchin tha lo tak hrilh tur chea tirh ka ni a sin.

⁷Kal leh ta la, Jeroboama hnenah, 'LALPA, Israelte Pathianin heti hian a ti, Mipuite zing ata hi ka chawisang chia, ka mi Israelte chungah hian hotuah ka siam chia,

⁸Davida chhungte ram ka chhuhsak a, chu chu ka pe chia: nimahsela nang zawng ka chhiahhlawh Davida angin i awm ve lo a, ani zawngin ka thupekte a pawm a, ka mithmuha thil tha chauh tih tumin a thinlung zawng zawngin mi zui thin a;

⁹nang erawh chuan i hmaa mite zawng zawng aiin thil i tisual nasa bik a, mi tihthinrimna'n pathian dangte leh milem chhunte i siam a, mi hnuchhawnsan ta a:

¹⁰chuvangin, ngai teh, Jeroboama chhungkaw chungah hian thil tha lo ka rawn thlentir ang a, Jeroboama atang hian mipa fa tawh phawt chu Israel rama mi khuahkhirh leh khirh loh pawh ka tiboral ang a, miin ek a phait fai hliau ang mai hian Jeroboama chhungkua hi a mang vek hma loh chuan ka phiat bo hlauh dawn a ni.

¹¹Jeroboama chhungkaw zinga mi, khawpuai thi apiangte chu uiin an ei ang a; tin, rama thi apiangte chu chungleng savaten an ei ang: chu chu LALPA'n a sawi tawh a ni, ti ang che.'

¹²Chutichuan tho la, i in lamah haw leh mai tawh: khawpui chhung i rah veleh naupang chu a hti dawn a ni.

¹³Tichuan Israel-ho zawng zawngin an sun ang a, an vui ang; Jeroboama chhungkaw zingah chuan amah chauh chu thlana dah tur a ni dawn si a: Jeroboama chhungkaw zingah hian amah chauhvah hian LALPA Israelte Pathian chunga thtna eng emaw a lan avangin.

¹⁴Tin, LALPA'n tun la laa Jeroboama chhungkua rawn tiboraltu tur Israelte chunga lal a insiam ang; tunah pawh hian engtin nge ni ta ang le?

¹⁵LALPA chuan tuia rairuang nghing nging ang maiin Israelte chu a rawn vaw nghing ang a; tichuan LALPA thin tirima an Aser-te chu a siam avangin an pute a lo pek tawh, he ram tha tak ata hi Israel-hotek chu a la pawt chhuak fai vek ang a, Lui piah lamah chuan a la tidarh vek ang.

¹⁶Tin, Israel-hote htil tihsualtira a tih Jeroboama sualnate avangin Israel-hote chu a hawisan ang," a ti a.

¹⁷Tin, Jeroboama nupui chu a tho a, a chhuak ta a, Tirza khua chu a va thleng a: tin, in kawngka bul a va thlen veleh chuan naupang chu a thi ta a.

¹⁸Tin, LALPA'n a chhiahhlawh zawlnei Ahija hmanga thu a lo sawi tawh ang ngei khan Israel-ho zawng zawngte chuan an vui a, an sun ta a.

¹⁹Jeroboama chanchin dang-a ral bei thu te, a rorel thu te chu - ngai teh, Israel lalte lal lai thu ziakna buah chuan a chuang a.

²⁰Tichuan Jeroboama rorel chhung chu kum 22 a ni: tin, a pute hnenah a muhil a, a fapa Nadaba chu a aiawhin a lal ta a.

²¹Tin, Solomona fapa Rehoboama chu Judai ramah a lal a. A lal tantirh lai chuan Rehoboama chu kum sawmli leh kum khat mi ani a, LALPA'n a hming awmtirna'na Israel hnam zawng zawngte zinga a thlan khawpui Jerusalemah chuan kum 17 a lal a: a nu hming chu Naami, Amon mi a ni.

²²Juda-ho chuan LALPA mithmuhin thil sual an ti a; an pute thiltih zawng zawng khuma an sualnate chuan a thikthu a chawhthawhsak a.

²³Tlang sang tinah leh thing hring tin, hnuaiah hian lungphunte phunin hmun sangte leh Aser-te lam hi an siam bawk si a;

²⁴Tin, chu ramah chuan mipa inzuar te pawh an awm a: Israel thlahte hmaa LALPA'n a hnawhchhuah tak hnamte thiltih tenawm tinreng ang chu an ti ve a.

²⁵Tin, lal Rehoboama lal kum nga kum chuan heti hi a ni a, Aigupta lal Sisakan Jerusalem khua chu a han bei a:

²⁶LALPA ina rote leh lal ina rote chu a la a, a vai chuan a la ta vek a: tin, Solomona rangkachak phaw siam zawng awngte chu ala tel vek a.

²⁷Tin, lal Rehoboama chuan chung aiah chuan lal Rehoboama chuan chung aiah chuan dar phawte a siam a, lal in kawngka vengtu hotute a kawltir a.

²⁸Tin, heti hi ani a, lal chu LALPA ina a luh apiangin vengtute chuan an keng a, tin, vengtute pindanah an dah leh zel thin a.

²⁹Rehoboama chanchin dangte leh a thiltih zawng zawngte chu Juda lalte lal lai thu ziakna buah chuana chuang a ni lo'm ni?

³⁰Rehoboama leh Jeroboama chu indo reng rengin an awm thin a.Tin, Rehoboama chu a pute hnenah chuan a muhil a, Davida khawpuiah a pute zingah chuan an phum ta a: a nu hming chu Naami, Amon mi a ni. Tin, a fapa Abijama chu a aiawhin a lal ta a.

³¹Tin, Rehoboama chu a pute hnenah chuan a muhil a, Davida khawpuiah a pute zingah chuan an phum ta a: a nu hming chu Naami, Amon mi a ni. Tin, a fapa Abijama chu a aiawhin a lal ta a.