Read Baibul, Mizo 1 Lalte 16 Bible Online

1 Lalte 16 - Baibul, Mizo bible

1 Lalte 16

¹Tin, Baasa chungchang thuah Hanania fapa Jehua hnenah LALPA thu a lo thleng a:

²Vaivut ata ka chawisang chia, ka mi Israelte chunga hian hotuah 'ka siam chia; tin, nangin Jeroboama kawng zawh chu i zawh ve a, an sualnatea mi tihthinrimna'n ka mi Israelte thil i tihsualtir a;

³ngai teh; Baasa leh a chungte hi ka tibo hlauh dawn a ni; tichuan Bebata fapa Jeroboama chhungte ang maiin i chhungte hi siam ang.

⁴Baasa chhungkaw zinga mi khawpuia thi apiangte chu chungleng savaten an ei ang," tiin.

⁵Baasa chanchin dangte, a thiltih te, a thiltih theihziate chu Israel lalte lal lait hu ziakna buah a chuang a ni lo'm ni?

⁶Tin, Baasa chu a pute hnenah chuan a muhil a, Tirza khuaah an phum ta a; tin, a fapa Ela chu a aiawhin a lal ta a.

⁷Tin, Baasa leh a chhungte chungchahng thuah chuan a kutchuaka LALPA tihthinrim nana Jeroboama chungte anna neia LALPA mithmuha thil tha lo tak a tih avang leh amah chu a thah avangin Hanania fapa zawlnei Jehua hmanga a sawi LALPA thu chu a lo thleng a.

⁸Juda lal Asa lal kum sawmhnih leh kum ruknaah chuan baasa fapa Ela chu tirza khuaan Israel-ho chungah a lal tan a, kum hnih a lal a.

⁹Tin, a puipa Zimria, a tawlailir zatve chunga hotuin a phiar ru a: chutih lai chuan Tirza khuaah, tirza khuaa a in chhung lam hotu Arza inah a lo inin rui a:

¹⁰Tin, Juda lal Asa lal kum sawmhnih leh kum sarih kumah chuan Zimria chu a va lut a, a bei a, a that a, a aiawhin a lal ta a.

¹¹Tin, heti hi a ni a, a han lal tan a, a lalthutthlenga a han thut veleh chuan, Baasa chungte zawng zawng chu a that vek a: a laichinte leh a thiante zinga mi mipa fa tawh pawht chu pakhat mah a zuah lo.

¹²,13 Chutiang chuan LALPA, Israelte Pathian chu an lawilohnaa tihthinrimna'na Israelhote thil tihsualtira an tih, Baasa sualna zawng zawng leh a fapa Ela sualnate avanga LALPA'n zawlnei Jehua hmanga Baasa chungchang thua a lo sawi tawh ang khan, Zimria chuan Baasa chungte zawng zawng chu a tiboral vek a ni.

¹³,12 Chutiang chuan LALPA, Israelte Pathian chu an lawilohnaa tihthinrimna'na Israelhote thil tihsualtira an tih, Baasa sualna zawng zawng leh a fapa Ela sualnate avanga LALPA'n zawlnei Jehua hmanga Baasa chungchang thua a lo sawi tawh ang khan, Zimria chuan Baasa chungte zawng zawng chu a tiboral vek a ni.

¹⁴Ela chanchin dangte leh a thiltih zawng zawngte chu Israel lalte lal lai thu ziakna bulah a chuang ani lo'm ni?

¹⁵Juda lal Asa lal kum sawmhnih leh kum sarihnaah chuan, Zimria tirza khuaa ni sarih a lal a. Philistia-ho chan khuaah ni sarih a lal a. Philistia-ho chan Gibbethon khua chu, mite chuan an hual a ni.

¹⁶Tin, a hualtute chuan Zimrian a phiar ru a, lal a that ta tih an sawi an lo hria a; chutichuan Israel-ho zawng zawng chuan sipai hotu Omria chu, chumi ni chuan an riah hmunah Israelte chunga lalah an siam ta a.

¹⁷Tin, Omria chu Israel-ho zawng zawngte nen gibbethon khua atang chuan an han chho a, tirza khua an han hual ta a.

¹⁸Tin, heti hi a ni a, Zimrian khua chu an la tih a hriat chuan, lal ina kulhah a tlan lut a, lal inah chuan a inhalkhum a, a thi ta a,

¹⁹LALPA mithmua thil tha lo tak tia a sualnate avang leh Jeroboama kawng zawhc hu zawh vea Israel-hote thiltihsualtira a sualna avangin.

²⁰Zimria chanchin dangte leh, a phiarrukna thute chu Israel lalte lal lai thuziakna buah a chuang a ni lo'm ni?

²¹Chutichuan Israel mipuite chu pawl hnihah an lo inthen ta a: mipi zatve chuan Ginatha fapa Tibnia chu lala siam tumin an zui a; tin, a zatvein Omria an zui a.

²²Nimahsela Omria zuitute chuan Ginatha fapa Tibnia zuitute chu an hneh ta a: tichuan tibnia chu a thi a, Omria chu a lal ta a.

²³Juda lal Asa lal kum sawmthum le kum khatnaa Omria chu Israelte chungah a lal ta a, kum sawm leh kum hnih a lal a: Tirza khuaah kum ruk a lal a.

²⁴Tin, Semera ta Samari tlang chu tangka talent hnihin a lei a; tin, tlangah chuan khu a siam a, a khaw siam hmingah chuan chu mi tlang neitu Semera hming chawin Samari aputtir a.

²⁵Omria chuan LALPA mithmuhin thil tha lo tak a ti thin a, a hmaa mite zawng zawng aiin thil a tisual nasa bik a,

²⁶Nebata fapa Jeroboama dan zawng zawng ka a la a, an lawilohna avanga Israel-hote thil a tihsualtirna ang khan a sual ve si a.

²⁷Omria thiltih chanchin dangte leh a thiltihtheihzia a tilan thute chu Israel lal lai thu ziakna buah a chuang a ni lo'm ni?

²⁸Chutichuan Omria chu apute hnenah chuan amu hil a, Samari khuaah an phum ta a: tin, a fapa Ahaba chu a aiawhin a lal a.

²⁹Juda lal Asa lal kum sawmthum le kum riatnaa Omria fapa Aaba chu Israelte chungah a lal tan a: tin, Omria fapa Ahaba chu Samari khuaan kum sawmhnih leh kum hnih Israelte chungah a lal a.

³⁰Tin, Omria fapa Ahaba chuan a hmaa mite zawng zawng aiin LALPA mithmuin thil tha lo tak a ti thin a.

³¹Tin, heti hi a ni a, Nebata fapa Jeroboama sualna ang tih vete chu engma loa ngai ni awm takin, Zidon-ho lal ethbaala fanu Jezebeli nupuiah a nei a, Baala rawngte bawlsanin a be ve ta mai a,

³²Tin, Samari khuaa Baala in a sakah chuan Baala tan maicham a siam a.

³³Tin, Ahaba chuan Aseri a siam a; a hmaa Israel lalte zawng zawng aiin Ahaba chuan LALPA, Israelte Pathian tihthinrimna thil a ti nasa bik a ni.A lal lai chuan Bethel mi Heilan Jeriko khua a siam a: a fatir Abirama chanin a lungphum chua phum a; tin, a fa tlum Seguba chanin a kulh kawngkharte chu a din a, LALPA'n Nuna fapa Josua hmanga a lo sawi tawh ang khan.

³⁴A lal lai chuan Bethel mi Heilan Jeriko khua a siam a: a fatir Abirama chanin a lungphum chua phum a; tin, a fa tlum Seguba chanin a kulh kawngkharte chu a din a, LALPA'n Nuna fapa Josua hmanga a lo sawi tawh ang khan.