Read Baibul, Mizo 1 Lalte 18 Bible Online

1 Lalte 18 - Baibul, Mizo bible

1 Lalte 18

¹Tin, ni rei fe hnua chuan heti hi a ni a, a kum thum kumaha chuan LALPA thu Elija hnenah a lo thleng a, "Va kal la, Ahaba hnena va inlan rawh; tichuan lei chungah hian ruah ka rawn surtir dawn e," tiin.

²Tin, Elija chu Ahaba hnenah inlan tur chuan a kal ta a. Samari ramah chuan tam chu a nasa hle mai a.

³Tin, Ahaban Obadia, a in chung lam hotu chu a ko a. Obadia chu LALPA tih mi tak a ni a;

⁴heti hi a ni a, Jezebelin LALPA zawlneite a rawt chiam lai khan Obadia chuan zawlnei za a hruai a, pukah sawmnga telin a thukru a,c hhang leh tuiin a chawm thin a ni)

⁵Tin, Abahan Obadia hnenah, "Tuihna zawng zawng leh luikawr zawng zawng awmna lam ram va fang teh khai; sakawr leh sabengtungte hi kan chhandam theihna turin hlobette kan hmuhsak thei mahna, chutilochuan rante hi kan chan vek da ang e," a ti a.

⁶Chutichuan ram fan chauh tur an insem a: Ahaba chu amahin kawng danga a kal a, tin, Obadia chu amahin kawng dangah a kal a.

⁷Tin, chutia Obadia a kal lai chuan, ngai teh, Elija nen an intawk a: tin, ai chuan a la hria a, tichuan a bawkkhup a, "Nang i ni maw, ka pu Elija?" a ti a.

⁸Tin, ani chuan a chhang a, "Ni e, kal ta la, Nai teh, Elija sawtah sawn a awm e,' tiin a pu va hrilh rawh,

⁹Tin, ani chuan, "Thil eng nge ka tihsual a, i chhiahhlawhhi thah tura Ahaba kuta pek i duh mai le?

¹⁰LALPA i Pathian nunna chhalin ka sawi e, ka puin nangmah zawntir lohna hnam leh ram reng reng a nei lo a sin: 'Hetah a awm lo e,' an tih chuan an hmu loh che thu-ah ram leh hnam chu chhia a chhamtir zel mai a ni a.

¹¹Tunah hian nangin, 'Kal ta la, ngai teh, Elija sawtah sawn a awm e, tiin i pu va hrilh rawh,' i ti mai a.

¹²Heti hi a ni ang a, ka kalsan veleh che hian LALPA thlarauin ka hriat lohnaah a la bo si ang chia; tichuan Ahaba ka va hrilh a, a rawn hmuh theih si loh che chuan mi that mai ang a sin: nimahsela i chhiahhlawh hian ka tleirawl tirh ata LALPA chu ka tih thin si a.

¹³Jezeblein LALPA zawlneite a rawt chiam laia ka thiltih, LALPA zawlneite zinga mi 150 tela puka ka thuhruka, chhang leh tuia ka chawmziate kha ka pu hi an hrilh lo che em ni?

¹⁴Tunah hian nangin, 'Kal ta la, ngai teh, Elija chu sawta sawn a awm e, tiin i pu va hrilh rawh,' i ti mai a: mi that ngei ang le," a ti a.

¹⁵Tin, Elija chuan, "A bula ka awm thinna sipaihote LALPA nunna chhalin ka sawi e, vawiinah hian ahnena ka inlan ngei ngei dawn a ni," a ti a.

¹⁶Chutichuan Obadia chu Ahaba be turin a kal a, a va hrilh ta a: tin, Ahaba chu Elija hmuh tumin a kal ta a.

¹⁷Tin, heti hi a ni a, Ahaban Elija a va hmuh chuan Ahaban a hnenah, "Nang i ni maw, Israel-ho timangangtupa?" a ti a.

¹⁸Tin, ani chuan a chhang a, "Israel-ho ka timangang lo e; nang leh i pa chungten alawm timangang zawk ni, LALPA thupekte hi hawisan a, Baala-te i pawm zawkah hian.

¹⁹Chutichuan tunah hian Israel-ho zawng awng leh Baala zawlnei zali leh sawmnga leh, Aseri zawlnei, Jezebeli dawhkana chawhlui kil ve thin zali-te kha ka hnenah Karmel tlangah hian va koh khawmtir rawh," a ti a.

²⁰Chutichuan Ahaban Israel thlahteho zawng zawng hnenah mi a tir a, zawlneihote chu Karmel tlanga chuan a ko khawm a.

²¹Tin, Elija chuan mipuiho zawng awng ch a va hnaih a, "Tuilairapin eng chen nge in awm dawn? LALPA chu Pathian a ni chuan, amah chu zui u la; tin, Baala a ni leh, ama chu zui rawh u," a ti a. Mipuite chuan kam khat mahin an chhang lo a.

²²Tichuan Elijan mipuite hnenah chuan, "LALPA zawlnei la awm chu keimah chauh hi ka ni a; Baala zawlneite eaw chu mi 450 an ni a.

²³Chutichuan bawngpa pahnih min han pe se la; annin bawngpa pakhat chu an puala thlang se la, chan sawm se la, thing chungah chuan dah se la, a hnuaiah mei chhem loin: tin, keiin bawng pakhat chu ka buatsaih ve ang a, thing chunga chuan ka dah ang a, mei ka chem bik lo ang e.

²⁴Tin, nangnin in pathian hming chu lam u la, kei pawhin LALPA hming ka lam ang a: tichuan meia rawn chhangtu Pathian apiang chu Pathian ni raw se," a ti a. Tin, mi zawng zawng chuan an chhang a, "A dik alawm," an ti a.

²⁵Tichuan Elijan Baala zawlneite hnena chuan, "Nangnin bawngpa pakhat hi in pualah thlang u la, buatsaih hmasa rawh u; nangni zawng in tam deu hi; tin, in pathian hming chu lam u la, amaherawhchu a hnuaiah mei chem su u," a ti a.

²⁶Tin, bawngpa an pual chu an la a, an buatsaih a, "Aw Baala, min han chang rawh khai," tiin zing atangin chhun thlengin Baala hming chu an lam a] nimahsela aw riva reng reng chu a awm lo a, changtu reng reng lah an awm hek lo. Tin, an maicham siam velah chuan an zuang a zuang mai a.

²⁷Tin, chhhun lai takah chuan heti hi a ni a, Elija chuan anmahni chu tielin, "Au ring che u le: pathian ani si a; a inngaihtuah rih emaw, a bibo rih lawk emaw, a thang bo rih emaw emaw, a nih loh leh a muhil hlauh a, tihharh tur emaw ani ang e," a ti a.

²⁸Tin, ring takin an au a, an tih thin danin chemte leh feitein thi chuak zawih zawih khawpin an inzaiin an invit a.

²⁹Tin, ni a lo thlengher chuan heti hi a ni a, tlai lam inthawi hun thlengin an sawi dual dual mai a; nimahsela aw riva reng reng a awm lo a, changtu tur reng reng emaw an awm bawk hek lo.

³⁰Tichuan Elijan mipuiho zawng zawng hnenah chuan, "Min rawn hnaih teh u khai, " a ti a; tin, mipuiho zawng zawng huan an va hnaih a. Tin, LALPA maicham tihchim taw chu a siam tha a.

³¹Tin, "I hming chu Israela a ni ang," tia LALPA thu lo dawngtu Jakoba fate hnam zat lung sawm le pahnih Elijan a la a.

³²Tin, lungte chuan LALPA hmingin maichama a siam a; tin, maicham vel chu buh chi tehkhawng hnih leng zetin a lai khuar a.

³³Tin, thing chu a han chep fel a, bawngpa chu a chan sawm a, thing chungah chuan a dah a. Tin, "Bel pali tuiin tikhat u la, halral thillan leh thing hi han leih rawh u," a ti a.

³⁴Tin, "Han leih rawh u," a ti a; an han leih leh a. Tin, "Han leih nawn leh rawh u," a ti a; an han leih nawn leh a.

³⁵Tin, tui chu maicham velah chuan a luang ta dul dul a; tin, laih khuar chu tuiin a tikhat bawk a.

³⁶Tin, tlai lam inthawi hun lai chuan eti hi a ni a, zawlnei Elija chuan a va pan hnai a, "Aw LALPA, Abrahama te, Isaaka te, Israela te Pathian, nang hi Israel rama Pathian i ni leh, kei hi i chhiahhlawh ka nih a, he'ng zawng zawng hi nangma thua ti ka nih vawiinah hian hre hlawm rawh se.

³⁷Mi lo ngaihthlaksak la, he'ng mipuite hian nang LALPA hi Pathian i ni a, an thinlungte i lamlettir leh ta a ni tih hi an lo hriat theihna'n aw LALPA, mi lo ngaithlaksak ang che," a ti a.

³⁸Tichuan LALPA mei chu a lo tla a, halral thilhlan te, thing te, lung te, vaivute chu a kangral a, laih khuara tui chu a hip kang ta vek a.

³⁹Tin, mipuiho zawng zawngin chu chu an han hmu chuan an bawkkhup a, "LALPA hi a lo ni. Pathian chu, LALPA hi a lo ni, Pathian chu," an ti a.

⁴⁰Tin, Elijan an hnenah, "Baala zawlneite hi man u la, pakhat mah chhuah suh u," a ti a. Tin, an man a, Elijan Kison luiah a hruai thla a, chutah chuan a that hlawm a.

⁴¹Tichuan Elijan Ahaba hnenah, "Han cho ta langin, eiin han in tawh rawh; ruahpui sur tur thawm a awm a nia," a ti a.

⁴²chutichuan Ahaba chu ei leh in turin a han cho ta a. Tin, Elija chu Karmel tlang chhip lamah a han chho a; tin, lei lama a kun a, a kapkara a hmai a rawlh a.

⁴³Tin, a chiahhlawh hnenah, "Han chho ta la, tuifinriat lam han thlir teh khai, a ti a. Tin, a han chho a, a han thlir a; "Engmah a awm lo," a ti a. Tin, ani chuan, "Kal leh rawh, vawi sarihin, " a ti a.

⁴⁴Tin, a vawisarihnaa chuan, heti hi a ni a, "Ngai teh, tuifinriat atangin mihring kut tiak lek chhum a ho nel nel e," a ti a. Tin, ani chuan, Han kal ta la, Ahaba hnenah, 'I tawlailir bautsaih la, chhuk tawh rawh, ruahin a dang dah ang che,' ti ang che," a ti a.

⁴⁵Tin, rei lo teah chuan heti hi a ni a, van chu thli leh chhumin alo duk ta kuih mai a. ruahpui vanawn a lo sur ta a. Tin, Ahaba chu tawlailira chuangin Jezreel khuaah a kal ta a.Tin, LALPA kut chu Elija chunga a awm a; tichuan puan a veng a, Ahaba hmaah chuan Jezreel khaw luhna thlengin a tlan ta a.

⁴⁶Tin, LALPA kut chu Elija chunga a awm a; tichuan puan a veng a, Ahaba hmaah chuan Jezreel khaw luhna thlengin a tlan ta a.