Read Baibul, Mizo 1 Lalte 19 Bible Online

1 Lalte 19 - Baibul, Mizo bible

1 Lalte 19

¹Tin, Ahaban Elija thiltih zawng zawng, khandaiha zawlnei zawng zawng a thah thute nen Jezebeli a hrilh a.

²Tichuan Jezebeli chuan Elija hnenah, "Kha mite zinga mi pakhat nunna ang khan naktuk hetih hun hmaa i nunn ka siam sak ve loh che huan pathianten an ti tihin mi ti mai se la, chu aia nasa pawhin," tin, mi a tir a.

³Tichuan a hlau a, a tho a, a tlanche ta a, Judai rama Beer-seba khua a va thleng a, chutah chuan a chhiahlawh a hnutchhiah a.

⁴Ani erawh chu thlalera ni khat bana a kal a, Juniper thing hnuaiah hian a thu a; tin, thih a dil ta a, "A tawk ta e; aw LALPA, tunah hian ka nunn hi la mai teh, ka pute aiin ka tha chuang bik si lo a," a ti a.

⁵Tichuan Juniper thing hnuaiah chuan a mu a, a muhil ta a; tin, ngai te, vantirhkoh hian a rawn khawih a, a hnenah, "Tho la, ei rawh," a ti a.

⁶Tin, a han en vel a, ngai teh, a lu bulah chuan chhangper lung saa hem hmin diam leh tuithawl hi a lo awm a. Tichuan a ei a, a in a, a mu leh ta a.

⁷Tin, LALPA vantirhkoh chu a lo kal nawn leh a, a rawn khawih a, "Tho la, ei rawh, i kalna tur i chelh lo ang e," a tia.

⁸Tin, a tho a, a eiin a in a, tichuan chu chaw avang chuan Pathian tlang Horeb thlengin ni sawmli leh zan sawmli a kal a.

⁹Tin, chuta puk pakhat chu a va thleng a, chutah chuan a awm ta a; tin, ngai teh, LALPA thu a hnenah a lo thleng a, ahnenah, "Heta hian eng nge i tih, Elija?" a ti a.

¹⁰Ani chuan, "LALPA sipaihote Pathian tan hian thahnem ka ngai em em thin a, Israel thlahte lah chuan i thuthlung an hawisan a, i maichamte an tichim a, i zawlneite khandaihin an sathlum si a; a la awm chu keimah chauh hi ka ni a,ka nunn mi laksak an tum a ni," a ti a.

¹¹Tin, ani chuan, "Va chhuak la, tlangah sawn LALPA hmaah va ding rawh," a ti a. Tin, ngai teh, LALPA a lo kal a, thlipui na takin tlangte chu LALPA hmaan chuan a rawn chem khi a, lungpuite ch a phel rem rum a; nimahsela thli-ah chuan LALPA ch a awm lo: tin thli tleh zawng chuan lir a lo nghing a; nimahsela lirnghinga chuan lalpa chu a awm lo.

¹²Tin, lirnghin zawh chuan mei a lo chuak a; nimahsela meiah chuan LALPA chu a awm lo; tin, mei zawhah chuan aw dam diai hian a lo chhuak a.

¹³Tin, heti hi a ni a, Elijan chu chu a hriat chuan a puanina hmai a khuh a, a va chuak a, puk kawngkaah a va ding a. Tin, ngai teh, awin a hnenah, "Heta hian eng nge i tih, Elija?" a rawn ti a.

¹⁴Tin, ani chuan, "LALPA, sipaihote Pathian tan hian thahnem ka ngai em em thin a, Israela thlahte lah i thuthlung an hawisan a, i maichamte an tichim a, i zawlneite khandaihin an sathlum si a; a la awm chu keimah chau hi ka ni a, ka nunn mi laksak an tum a ni," a ti a.

¹⁵Tin, LALPA'n a hnenah, "Haw leh ta langin,thlaler lama Damaska khuaan kal rawh: i va thlen chuan Suria lal atan Hazaela hriak i thih ang a;

¹⁶tin, Israel lal atan Nimsia fapa Jehua hriak i thih ang a; tin, i aiawha zawlnei ni turin Abemehola khuaa mi Saphata fapa Elisa hriak i thih bawk ang.

¹⁷Tin, heti hi a ni ang a, Hazaela khandaih pumpelh apiang chuan Jehuan a that ang a; tin, Jehua khandaih pumpel apiang chu Elisan a that ang.

¹⁸Nimahsela Israel ramah hian Baala hmaa la thingthi ngai lo leh, la fawp ngai lo mi sangsarih ka tan ka hum dawn a ni," a ti a.

¹⁹Chutichuan chuta ta chu a chuak ta a. Saphata fapa Elisa chu a va hmu chhuak a, ani chuan lei a lo let a, a hmaa chuan sebawng tuak sawm leh tuak hnih a awm a, a sawm leh pahnihna chu amahin a lo khalh a; tin, Elija chuan a va pan a, a puan a va bahtir a.

²⁰Tin, sebawngte chu a kalsan a, Elija chu a um a, "Ka nu leh ka pa ka va fawp rih zet ang e aw, tichuan ka rawn zui ang che," a ti a. Tin, ani chuan a hnenah, "Va haw ta che, eng nge ka tih che kha le?" a ti a.Tin, a va zui chu a hawng a, sebawng tuak khat a khala chu a talh a, a sa chu sebawng thuamhnawte chuan a chhum a, mite a sem a, an ei ta a. Tichuan a tho a, Elija chu a um a, a rawng a bawlsak ta a.

²¹Tin, a va zui chu a hawng a, sebawng tuak khat a khala chu a talh a, a sa chu sebawng thuamhnawte chuan a chhum a, mite a sem a, an ei ta a. Tichuan a tho a, Elija chu a um a, a rawng a bawlsak ta a.