Read Baibul, Mizo 1 Lalte 20 Bible Online

1 Lalte 20 - Baibul, Mizo bible

1 Lalte 20

¹Tin, Suria lal Benhadadan a sipaiho zawng zawnga khawm vek a: lal sawmthum leh pahnih an tel a, sakawr leh tawlailirte nen a han cho a, Samari khua a han hual a, a ha bei a,

²Israel lal Ahaba hnena chuan khawpui chhunga mi a tir a, a hnenah, "Benhadadan heti hian a ti,

³I tangka leh i rangkachakte kha ka ta a ni e; i nupuite leh i fate, a tha thate chenin ka ta a ni,' tiin," a ti a.

⁴Tin, Israel lal chuan a lo chhang a, "Aw lalber, ka pu, i sawi ang chuan a ni alawm; keimah leh ka neih zawng zawng chu i ta a ni e," a ti a.

⁵Tin, a mi tirhte chu an kal leh a, "Benhadadan heti hian a ti, "I hnenah, i tangka te, i rangkachak te, i nupui te, i fate chu mi pe tur a ni, tiin mi ka rawn tir tak a;

⁶nimahsela naktuk hetih hun vela hian ka mite i hnenah ka rawn tir ang a, i in leh i mite in hu an rawn dap dawn a nia; tin, heti hi a ni ang a, i mit la apiang chu an la ang a, an rawn kalpui vek ang,' tiin," an ti a.

⁷Tichuan Israel lal chuan a rama upaho zawng zawng chu a ko a, "Lo hre teh u khai, he mi hian thil tha lo tak tih a tumzia hi; ka hnenah mi a rawn tir a, ka nupui te, ka fa te, ka tangka te, ka rangkachakte a rawn ngen a, ka lo hnial pawh a ni si lo," a ti a.

⁸Tin, upaho zawng zawng leh mipuiho zawng zawng chuan a hnenah, "Lo bengkhawn duh suh, rem pawh ti hek suh," an ti a.

⁹Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a.

¹⁰Tin, Benhadadan a hnena mi a tir leh a, "Ka hnung zuitute zawng zawng hian Samari khaw vaivut vei khat theuh pawh an hmuh theih dawn chuan pathianten an ti tihin mi ti se la, chu aia nasa pawhin," a ti a.

¹¹Tin, Israel lal chuan a chhang a, "Mi a inralthuam lai rengin, a inralthuamna hlip thla tawh ang rengin an uang ngai lo e,' tiin va hrilh rawh u khai," a tia .

¹²Tin, heti hi a ni a, amah leh lalten bukte azuah an lo inho laiin chu mi thu chu Benhadadan a lo hria a, a mite hnenah chuan, "Insiam rawh u khai," a ti a. Tichuan khaw bei tur chuan an insiam ta a.

¹³Tin, ngai teh, zawlnei pakhat hian Israel lal Ahaba a va hnaih a, "LALPA'n heti hian a ti: 'Heng mipui tam tak hi i hmu em? Ngai teh, vawiinah hian i kutah ka pe dawn a ni; tichuan kei hi LALPA chu ka ni ti i hria ang,' tiin," a ti a.

¹⁴Tin, Ahaban, "Tu hmangin maw?" a ti a. Tin, ani chuan, "LALPA'n heti hian a ti, 'Ram thentea hotute tlangvalho hmang hian,' tiin," a ti a. Tichuan ani chuan, "Tuinnge ral rel ang," a ti a. Tin, ani chuan a chang a, "Nangmahin," a ti a.

¹⁵Tichuan ani chuan ram thetea hotute tlangvalho chu a han khawm a, zahnih leh sawmthum leh pahnih an ni a; tin, chu mite zawhah chuan mi zawng zawng, Israelta thlahte zawng zawng chu a khawm a, sangsarih an ni a.

¹⁶Tin, chhun lai takah hian an va chhuak ta a. Benhadada leh lalho, amah tanpuitu lal sawmthum leh pahnihte erawh chu bukteah an lo in-in tui a.

¹⁷Tin, a ram thentea hotute tlangvalho chu an va chhuak hmasa a; tin, Benhadadan mi a tir a, anni chuan, "Samari khua atanga lo chhuak an awm e," tiin an hrilh a.

¹⁸Tin, ani chuan, "Inrem tuma lo kal an nih leh a nungin lo man u la; indo tuma lo kal an nih leh a nung bawkin lo man rawh u," a ti a.

¹⁹Tichuan chungho, ram thentea hotute tlangvalho leh a rawnzuitu sipaihote chu khua ata an chhuak a.

²⁰Tin, an va bitum theuh chu an va that a: tichuan Suria-ho chu an tlanchhe ta a. Israel-ho chuan an um a; tin, Suria lal Benhadada chu sakawr chung chuangin sakawr chung chuang mite nen an tlan chhuak ta a.

²¹Tin, Israel lal chu a va chhuak a, sakawr leh tawlailirte chu a va bei a, Suria-ho chu a that chiam a.

²²Tin, zawlnei chuan Israel lal chu a va hnaih a, a hnenah, "Intichak sauh sauh langin, i tih dan tur ngaihtuah rawh khai, kum a lo vei hian Suria lal chuan a rawn bei leh dawn che a nia," a ti a.

²³Tin, Suria lal hote chuan a hnenah, "An pathian hi tlang pathian a ni a; chuvangin keimahni aiin a chak a ni hi: phaizawlah bei tawh i la, anni ai chuan kan chak zawk ngei ang e.

²⁴Tin, hetiangin ti ang che: lalho hi an zavaiin thlak vek la, an aia rawm awptute dah langin;

²⁵tin, sipai sakawr leh tawlailir te, i chan tak zat chiah kha sipaiho din tha leh ang che; tichuan phaizawlah ka bei ang a, anni ai chuan kan chak zawk ngei ang e," an ti a. Tin, an thu chu a pawm a, chutiang chuan a ti ta a.

²⁶Tin, a kum lehah chuan heti hia ni a, Benhadadan Suria-ho chu a khawm a, Israel-hote bei turin Aphek khuaah a han cho a.

²⁷Tin, Israel thlahte chu an pung khawm a, ei turte an chek te te a, bei turin an thawk ta a; tin, Israela thlahte chuan kel no tlem te te rual hnih ang lek hian an va ep ve a; Suria-hote erawh chu a ram khah an khat mup mai a.

²⁸Tin, Pathian mi chuan Israel lal chu a va hnaih a, ava bia a, a hnenah, "LALPA'n heti hian a ti: 'Suria-hoin LALPA chu tlang pathian a ni a, ruam pathian zawng ani lo a, an ti a ni; chuvangin he'ng mipui tam takte hi i kutah ka pe dawn e, tichuan kei hi Lalpa chu ka ni tih in hria ang,' tiin," a ti a.

²⁹Tin, ni sarih chhung zet chu an inep reng a. Tin, heti hia ni a, a ni sarih ni chuan an inbei ta a; tin, Israela thlahte chuan Suria mite chu ni khatah sipai nuaikhat an that a.

³⁰Mi dangte erawh chu Aphek-ah, khawpui chhungah an tlan lut a, a la awmate chu mi singhnih leh sangsarih kulh chimin a delh hlawm a. Tin, Benhadada chu a tlanchhia a, khawpui chhungah pindan chung rilan a lut a.

³¹Tin, a hoten a hnenah, "Ngai teh, Israela chhungkaw zinga lalte hi mi khawngaih thei tak lal an ni ti thu kan ria a: saiin puan fengin, kan lu-ah hruia inhlingin Israel lal hnenah min va kaltir rawh khai; ani chuan a zuah duh mial mahna che," an ti a.

³²Chutichuan saiip puan an feng a, an lu-ah hruia inhlingin Israel lal hnenah min va kaltir rawh khai; ani chuan a zuah duh mial mahna che." a ti a. Chutichuan saiip puan an feng a, an lu-ah hruiin an hling a, Israel lal hnena chuan an va kal a, "I chhiahlawh Benhadadan, "Khawngaih takin mi zuah rawh se,'a ti e," an ti a. Ani chuan, "A la dam ani maw? Ka unaupa a ni alawm," a ti a.

³³Chu mite chuan ngaih tha takin, a rilru thu tak a sawi a ni ang ti ringin, "I unaupa Benhadada ni e," an ti var a. Tichuan ani chuan, "Va kal u la, rawn hruai rawh u," a ti a. Tichuan Benhadada chu a lo chhuak a, a hnenah a kal a; tin, ani chu tawlailirah a lo chuantir a.

³⁴Tin, Benhadada chuan a hnenah, "Ka pain i pa laka khua a lo lak takte kha ka pe kir leh ang a: tin, ka pain Samari khuaa dawrpui hmun a siam ang khan Damaska kuaah i dawrpui hmun tur i siam ve dawn nia," a ti a. Tin, chutianga thu inthlung chuan ka kaltir ang che." a ti a. Chutichuan a hnenah thu a thlung a, a kaltir ta a.

³⁵Tin, zawlnei fapate zinga mi pakhat hian LALPA thuin a thianpa hnenah, "Mi han vaw teh khai," a ti a. Tin, chu mi chuan a vaw du lo a.

³⁶Tichuan a hnenah, "LALPA thu i awih loh avangin, ngai the, nang hian mi liamsan veleh sakeibakneiin a lo she ang che," a ti a. Tin, a liamsan tak veleh chuan sakeibakneiin a lo hmu a, a she ta a.

³⁷Tichuan mi dang a va mu leh a."Mi han vaw teh khai," a ti a. chu mi chuan a han vua a, a vaw sil ta a.

³⁸Chutichuan zawlnei chu a kal a, kalkawngah lal a lo chang a, a chalhrennaa a mit khuhin a i bawl danglam a.

³⁹Tin, lal a lo thlen chuan, lal chu a lo au a, "I chhiahhlawh hi indona runpui hmunah ka va kal a; tin, ngai teh, mi pakhat hi a lo awi a, ka hnena mi pakhat a rawn hruai a, "He mi hi lo veng rawh, a tlanbo hlauh zawngin a nun aiah i nun i chan ang a, a nih loh leh tangka talent khat i pe tur a ni,' a ti a.

⁴⁰Tin, i chhiahhlawh hi ka buai vel chugavangin, a lo bo ta dai mai," a ti a. Tin, Israel lal chuan a hnenah, "chutiang tak chu a ni, i chunga thu tlu chu; nangmahin zuk titlu taw diam chia," a ti a.

⁴¹Tin, ani chuan a mit ata chalhrenna chu a lim ta thuai a; tin, Israel lal chuan zawlneite zinga mi a ni tih a hre ta a.

⁴²Tin, ani chuan a hnenah, "LALPA'n heti hian a ti: Ka anchhe lawha chu i chhuah tak avangin a nun aiah i nun, a mite aia i mite i chan ang,' tiin," a ti a.Tin, Israel lal chu ngui tak leh lungni lo takin a haw a, Samari khuaah a kal ta a.

⁴³Tin, Israel lal chu ngui tak leh lungni lo takin a haw a, Samari khuaah a kal ta a.