Read Baibul, Mizo 1 Lalte 21 Bible Online

1 Lalte 21 - Baibul, Mizo bible

1 Lalte 21

¹Tin, chung thil hnuah chuan heti hi a ni a, Jezreel mi Nabothan grep huan a nei a, chu chu Jezreel-ah samari lal Ahaba in bul lawkah a awm a.

²Tin, Ahaban Nabotha chu, "Ka in bul a nih avang hian, thlai huanah i grep huan hi mi pe rawh khai, a aia grep huan tha zawk ka pe ang che; a ni loh leh i duh zawk phei chuan a tangkain a man tawk ka pe ang che," tiin a bia a.

³Tin, Nabotan Ahaba hnenah, "Ka pute ro han pek che chu ka tan a awmin a awm lo ve," a ti a.

⁴Tin, Jezreel mi Babtoahn chutiang thu a hnena a sawi avang chuan Ahaba chu ngui tak leh lungni lo takin a inah a lut ta a, "Ka pute ro ka pe thei lo ang che," a ti tlat si a. Tichuan a khumah a mu a, lehlam a hawi a, chaw reng reng a ei duh ta lo a.

⁵Chutichuan a nupui Jezebeli chua va kal a, a hnenah, "Eng tizia nge i rilru chuti taka a lungngaih a, chaw reng reng i ei loh le?" a ti a.

⁶Tin, ani chuan a hnenah, "Jezreel mi Nabotha ka bia a, a hnenah, 'I grep huan i mi leitir rawh, a nih loh leh i duh zawk chuan a aiah grep huan dang ka pe ang che,' ka ti a; tin, ani chuan, 'Ka grep huan zawng ka pe lo ang che,' tiin mi chhang alawm maw le," a ti a.

⁷Tin, a nupui Jezebeli chuan a hnenah, "Israel ram lal hi i ni lo'm ni? Tho la chawi ei la, rilru hlim takin awm rawh khai Jezreel mi Nabotha grep huan chu keima'n ka pe ang che," a ti a.

⁸Chutichuan Ahaba hmingin lehkha a ziak a, a nemnain a nem a, tin, lehkha chu a awmna khuaa Nabotha thenawm upate leh mi thate hnena a thawn a.

⁹Tin, lehkhaa chuan, "Chaw nghei thu lo puang u langin, mipui zingah Nabotha chu hmatawntir u la;

¹⁰mi pahnih Beliala fate a hmaah thuttir u la, 'Pathian leh lal i sawichhia a ni,' tia a hektu atan lo siam rawh u. Tin, hruai chhuak u la, lo denghlum rawh u," a ti a.

¹¹Tin, a awmna khua ami, a awmna khuaa awm upate leh mi thate chuan Jezebelin an hnena a thawn lehkhaa a ziak ang chuan an lo ti a.

¹²Chaw nghei thu an puang a, mipui zingah Nabotha chu an hmatawntir a.

¹³Tin, mi pahni Beliala fapate chu a hmaa chuan a vat hu a: tin, Beliala mite chuan mipuiho hmaa chuan, "Nabotha hian Pathianleh lal a sawichia e," tiin ama Nabotha chu an hek a. Tichuan khua ata a hruai chhuak a, lungin an deng a, a thi ta a.

¹⁴Tichuan Jezebeli hnenah, "Nabotha lungin an deng a, a thi ta e," tiin mi an tir a.

¹⁵Tin, Jezebelin Nabotha chu lungin an deng a, a thi ta tiha hriatin heti hi a ni a, Jezebeli chuan Ahaba hnena, "Tho la, Jezreel mi Nabotha grep huan, a leitir phal loh che kha nei tawh rawh le: Nabotha chu a dam tawh lo, a thi taw e," a ti a.

¹⁶Tin, Ahaban Nabotha a thi ta tih a hriatin heti hi a ni a, Jezreel mi Nabotha grep huan nei tura thawk thla turin Ahaba chu a tho ta a.

¹⁷Tin, LALPA thu chu Tisbe mi Elija hnenah a lo thleng a:

¹⁸Tho la, Samari khuaa awm Israel lal Ahaba be turin zuk kal rawh kai: ngai teh, Nabotha grep huana a awm a, neih tumin chutah chuan a chhuk a ni e.

¹⁹A hnenah,'LALPA'n heti hiana ti, I that a, i neihsak lehngal elo? tiin,' ti langin a hnenah, 'LALPA'n heti hian a ti, Uiin Nabotha thisen an liahna hmun ngeia hian nanga thisen pawh hi an la liak ve dawn a ni, tiin,' ti ang che," tiin.

²⁰Tin, Ahaban Elija hnenah, "Mi rawn hmu ta maw, ka hmelmapa?" a ti a. Tin ani chuan a chhang a, "Ka hmu ta che a ni hi, LALPA mithmuha thil tha lo ti turin inzuar ta hek che.

²¹Ngai teh, i chungah hian thil tha lo ka rawn thlentir ang a, ka rawn tibo hlauh ang chia, Ahaba atang hian mipa fa tawh phawt chu Israel rama mi khuahkirh leh khirh loh pawh ka tiboral ang a,

²²nangin mi tihthinrim avang leh Israelho thil i tihsualtir avangin Beata fapa Jeroboama chhungte leh Ahija fapa Baasa chhungte ang maiin i chungtehi ka siam ang," a ti a.

²³Tin, Jezebeli chungchang thu pawh LALPA'n a sawi a, "Jezreel khaw kulh bula uiin Jezebeli h a la ei ang.

²⁴Ahaba chhungkaw zinga mi khawpuia thi apiangte hu uiin an ei ang a; rama thi apiangte chu chungleng savaten an ei ang," tiin.

²⁵A nupui Jezebeli fuihpawrha LALPA mithmuha thil tha lo ti tura inzuar, Ahaba ang reng reng hi tumah an awm lo.

²⁶LALPA'n Israela thlahte hmaa a hnawhchhuah Amor-hote thiltih tinreng ang, milemte biain thil tenawm takin a ti thin a.

²⁷Tin, Ahaban chung thu a hriat chuan heti hi a ni a, a puan a pawtthler a, saiip puan a sin a, chaw a ngei a, saiip puanah a mu a, dim takin a che ta a.

²⁸Tin, LALPA thu chu Tisbe mi Elija hnenah a lo thleng a," Ahaba ka hmaa a inngaihtlawmzia hi i hmu em? Ka hmaa a inngaihtlawm avang hian ama chanah hi chuan thil tha lo ka thlentir lo ang a, a fapa chhanah erawh chuan a chhungte chungah thil tha lo ka thlentir ang," tiin.

²⁹Ahaba ka hmaa a inngaihtlawmzia hi i hmu em? Ka hmaa a inngaihtlawm avang hian ama chanah hi chuan thil tha lo ka thlentir lo ang a, a fapa chhanah erawh chuan a chhungte chungah thil tha lo ka thlentir ang," tiin.