Read Baibul, Mizo 1 Lalte 4 Bible Online

1 Lalte 4 - Baibul, Mizo bible

1 Lalte 4

¹Tin, lal Solomona chu Israel-ho zawng zawng lalah a awm ta a.

²Hengte hi a mi lianho neihte chu an ni: Zadoka fapa Azaria chu puithiam a ni a;

³Sisa fapa Elihorepha leh Ahijate chu lehkha ziaktu an ni a; Ahiluda fapa Jehosaphat chu chanchin ziaktu ani a;

⁴Jehoiada fapa Benaia chu sipai hotu a ni a Zadoka leh Abiathara chu puithiam an ni a:

⁵Nathana fapa Azaria chu hotute chunga mi ani a; Nathana fapa Zabuda chu puithiam leh lal thian a ni fawm a;

⁶Ahisara chu in chhung lam hotu ani a; Abda fapa Adonirama chu hnathawka rawih luihte hotu a ni.

⁷Tin, Solomona chuan Israel-ho zawng zawng chungah chuan hotu sawm leh pahnih a nei a, chungho chuan lal tan leh a chhungkuate tan chuan ei tur an ngaihtuah thin a: mi pakhatin kum khatah thla khat zel ei tura ngaihtua tur a ni.

⁸Hengte hi an hmingte chu a ni: Ephraim tlang ramah Ben-hura:

⁹Makaz khuaah te, Saalbim khuaah te, Beth-semes khuaah te, Elon-bethhanan khuaah te Ben-dekera;

¹⁰Aruboth ramah Ben-heseda; ani chuan Sok leh Hepher ram zawng zawng a chang tel a:

¹¹Dor khaw zosang ram zawng zawngah Ben-abinadaba; ani chuan Solomona fanu Taphathi nupuiah a nei a:

¹²Taanak khua leh Meggido khuaah te, Jezreel khaw hnuai, Zarethan khaw bula awm Beth-sean bial zawng zawngah te, Beth-sean atanga Abelmehola-ah te, Jokmeam ram dep thlengin Ahiluda fapa Baana:

¹³Ramoth-gilead khuaah Ben-gebera; ani chuan Mansea fapa Jaira khua, Basan rama Argob bial, khaw ropui tak tak khaw sawmruk, kulh leh a kalhna dar tlawn neite pawh a chang tel a:

¹⁴Mahanaim khuaah Idoa fapa Ahinadaba:

¹⁵Naphtali ramah Ahimaaza; ani pawh chuan Solomona fanu Basemathi nupuiah anei a:

¹⁶Aser leh Bealoth khuaahte Husaia fapa Baana:

¹⁷Isakar ramah Parua fapa Jehosaphata:

¹⁸Benjamin raman Ela fapa Simeia:

¹⁹Amor-ho lal Sihona leh Basan lal Oga ram, Gilead ramah Uria fapa Gebera; chu ramah chuan htou pakhat a awm.

²⁰Judate leh Israelte chu tuifinriat kama tiau vaivut zat zetin an tam a, an eiin an in a, hlim takin an awm thin a.

²¹Tichuan Solomona chuan Lui atangin Philistia-ho ram leh Aigupta ramri thlengin ram zawng zawng chungah chuan ro a rel a: lawmmante an rawn keng thin a, Solomona dam chhung zawng chuan a rawng an bawl thin a.

²²Solomona ni khat ei tawk chu chhngphut dip tak tehkhawng sawmthum leh chhangphut tehkhawng sawmruk ani a;

²³bawngpa thau tak sawm te, bawngpa tla mi sawmhnih te, beram za te nen; chung lo pawh chu sakhi te, sangai te, sakhipa te, ar chawm thaute pawh.

²⁴Luiral piah lam ram zawng zawng -Tipsa atanga Gaza thlengin, Lui ral piah lama lalho zawng zawng chungah chuan a lal a: a chhehvela mi zawng zawngte nen chuan ralmuangin an awm hlawm a.

²⁵Tin, Solomona dam chhung zawng chuan Judaho leh Israel-ho chu Dan atanga Beer seba khaw thlengii mi tin, mahni grep hrui bulah leh mahni theipui bulah hchuan thlamuang takin an awm theuh a.

²⁶Tin, Solomona chuan a tawlailir hnuktu sakawr in singli leh sakawr chung chuang mi singkhat leh sanghnih a nei a.

²⁷chung hotute chuan mahni chan thla zelah Solomona leh lal Solomona dawhkana rawn kil vetu zawng zawngte ei tur chu an ngaihtuah thin a; pek kim loh an nei ngai lo.

²⁸Mi tinin an tih tura ruat ang zelin a awmna tur hmunah chuan sakawrte leh ran tlan chak takt tan barli leh buhpawlte an rawn dah bawk thin a.

²⁹Tin, Pathianin Solomona chu finna leh hriatna nasa tak leh, rilru zauna tuifinriat kama tiau vaivut ang mai a pe a.

³⁰Solomona finna chuan khawchhak fate zawng zawng fina leh Aigupta mite finna zawng zawng chu akhum vek a.

³¹Mi zawng zawng aiin a fing a ni: Mahola fa te, Ezra mi Ethana te, Hemana te, Kalkola te, Darda te ai pawhin: tichuan a vel hnam zawng zawngte zingah chuan a hming a thang ta a.

³²Thufing sangthum a sawi a: tin, a hlate chu sangkhat leh panga a ni.

³³Thing chanchinte pawh Lebanon tlang sidar thing atanga kulha lo chawr chhuak hussop chenin a sawi thin a: sa chanchin te, bawkvaka kal chi chanchin e, sangha chanchin te pawh a sawi thin a.Tichuan Solomona finna chanchin hre tawh phawt chu khawvel lalho zawng zawng atangin chi tina mi a finna ngaithla tur an lo kal thin a.

³⁴Tichuan Solomona finna chanchin hre tawh phawt chu khawvel lalho zawng zawng atangin chi tina mi a finna ngaithla tur an lo kal thin a.