Read Baibul, Mizo 1 Lalte 5 Bible Online

1 Lalte 5 - Baibul, Mizo bible

1 Lalte 5

¹Tin, tura lal Hiraman Solomona hnenah a mite a tir a; a pa aiah lal atan hriak an thih tih a lo hre ta si a: Hirama chu Davida ngaina thintu a ni fo reng a.

²Tin, Solomona chuan Hirama hnenah,

³Ka pa Davida khan LALPA'n a kephah hnuaia a dah hma loh kha chuan a vel kil tin, kil tanga indonate avang khan, LALPA a Pathian hming atan in a sa thei lo tih i hria a.

⁴Tunah erawh chuan LALPA ka Pathianin kil tin, kil tangah muannna min lo neihtir ta a; hmelmate an awm ta lo a, vanduaina pawh a awm ta hek lo.

⁵Tin, ngai teh, LALPA'n ka pa Davida hnena, 'I fapa i aia i lalthutthleng ka la luahtir tura chuan ka hming atan in chu a la sa ang,' tia a lo sawi tawh ang khan, LALPA ka Pathian hming atan in sak ka tum a.

⁶Chutichuan Lebanon tlanga mi sidar thigte mi kihsak turin thu pe langin, ka chhiahhlawhte pawh i chhiahhlawhte zingah an tel ve ang a; tin, i chhiahhlawhte hlawh chu i sawi ang apiang ka pe zel ang che: Zidon mite anga thing kih thiam kan zingah tumah an awm lo tih i hre si," tiin mi a tir a.

⁷Tin, heti hi a ni a, Hiraman Solomona thu a lo hriat chuan a lawm ta em em mai a, "Heng mi tam tak chunga roel tura fapa fing tak Davida petu LALPA chu vawiinah hian fakin awm rawh se," a ti a.

⁸Tin, Hiraman Solomona hnenah, "I thu mi han chah chu ka lo hria a: sidar thing thu leh far thing thu chu i mamawh apiang ka lo ti ang e.

⁹Ka chhiahhlawhten Lebanon tlang atangin tuifinriat thlengin an rawn la thla ang a: tin, i hmun mi ruatsak tura tuifinriata tawlh turin ka teltir ang a, tin, chu mi hmunah chuan ka phelhtir ang a, nangin i lo la dawn nia: tin, nang pawhin ka chhungkuate ei tur tumin ka mamawh i lo phuhru ve thung ani ang chu," tiin mi a tir a.

¹⁰Chutichuan Hirama chuan sidar thing leh far thing chu Solomona chu amamawh apiang a pe a.

¹¹Tin, Solomonan Hirama chu a chhungkuate ei atan buh tehkhawng sawmhnih a pe a: chu chu Solomonan kum tina Hirama a pek thin dan chu a ni.

¹²Tin, LALPA'n a tiam ang ngeiin Solomona chu finna a pe a; tin, Hirama leh Solomona karah chuan inremna a awm a; an pahnih chuan thu an thlung dun ta a.

¹³Tin, lal Solomona chuan Israel-ho zawng zawng zinga mi hnathawka rawih lui pawl a siam a; rawih lui pawl chu mi singthum an ni.

¹⁴Lebanon-ah chuan thla khata inthlak zelin singkhat a tir thin a: thla khat Lebanon-ah an han awm a, thla hnih anmahni in lamah: Adoni rama chu hnathawka rawih luihte hotu a ni.

¹⁵Tin, Solomona chuan thil phur mi singsarih leh, lung chher mi singriat tlangahte a nei a;

¹⁶chungte chu tiam loin Solomona chuan a hna chunga hotu bik, hnathawk vengtu sangthum leh zathum anei bawk a.

¹⁷Tin, lal thupekin in lungphu chu lung chher saa rem turin lung lian pui pui, lung man tam tak takte an rawn la a.Tin, in satuho Solomona mite leh Hirama mite leh Gebal mite chuan lungte chu an chher a, in sakna tur chuan thing leh lungte chu an buatsaih a.

¹⁸Tin, in satuho Solomona mite leh Hirama mite leh Gebal mite chuan lungte chu an chher a, in sakna tur chuan thing leh lungte chu an buatsaih a.