Read Baibul, Mizo 1 Lalte 6 Bible Online

1 Lalte 6 - Baibul, Mizo bible

1 Lalte 6

¹Tin, heti hi ani a, Israela thlahte Aigupta ram ata an chhuah achin kum zali leh sawmriatna kum, Israel-hote chunga Solomona a lal kum lina, Ziv thla, thla hnihna thla chuan LALPA in sak chu a tan a.

²Tin, Solomonan LALPA tana in a sak chu a dung lam tawng sawmruk ani a, a vang lam chu tawng sawmhnih a ni a, a san lam chu tawng sawmthum a ni.

³Tin, chu mi ina hmung thianghlim hma lama hulhliap chu a in vang lam che, tawng sawmhniha sei a ni a, a hma lama mi vang lam chu tawng sawm a ni.

⁴Tin, in atan chuan tukverh zimte thil kawkalh awmin a siam a.

⁵Tin, a in bang velin, biak in bang velah pawh, biakna hmung bang velah pawh chu mi in bang si chuan in chhawng nei a sa a: tin, a vel chuan pindan a siam a:

⁶a chhawng hnuaihnung ber chu a vang lam tawng nga a ni a, a laita chu a vang lam tawng ruk ani a, a pahthumna chu a vang lam tawng sarih a ni: kalkhangte chu in banga inrawlh ngai loin pawn lamah chuan a velin in bangah chuan a nghahna a siam vang a ni.

⁷Tin, in chu, an sak lai chuan lung laihna hmuna chher sa veka sak a ni: tichuan an sak chhung zawng chu tuhoh ri te, hreipui ri te, thir hriamhrei ri reng rengte chu mi inah chuan hriat ani lo.

⁸Pindan laita berte kawngka chu chu mi in ding lampangah chuan a awm a: a laitaah chuan rahka vialah an lawn chho a, tin, a laita atang chuan a pathumnaah.

⁹Chutichuan in chu a han sa a, a zo ta ; in chu sidar khanchhuk leh a phekin a khuh a.

¹⁰Tin, in chhawng neite chu a insi vekin tawng nga theuha sangin a sa a: chungte chu in nen chuan sidar thinga zawm a ni.

¹¹Tin, LALPA thu chu Solomona hnenah a lo thleng a,

¹²He in i sak lai mek chungchang thu hi - ka thuruatte i pawm a, ka rorelte i zawm a, ka thupek zawng zawngte zawm tura i pawm phawt zawngin i pa Davida hnena ka lo sawi tawh, ka thu kha i chungah hian ka tinghet ang.

¹³Tin, Israela thlahte zingah hian ka cheng ang a, ka mi Israel-hote hi ka thlahthlam lo ang," tiin.

¹⁴Tichuan Solomona chuan in chu a sa a, a zo ta a.

¹⁵In chhung lam bangah chuan sidar thingphel a hmang a; a chhuat atanga chung lam bang thlengin a chhung lamah chuan thing a bel vek a: a chhuatah chuan thingphel a phah belh a.

¹⁶Tin, in kawmchar lam tawng sawmhnih chu a chhuat atanga a bangte chenin sidar thingphel vekin a siam a: biakna hmun, hmun thianghlim ber atan pawh a chhung lamah chuan ahmang a.

¹⁷Tin, in, biakna hmun bula biak in chu a dung lam tawng sawmli a ni.

¹⁸Tin, in chhung lamah chuan a kuhmum leh a par parh lema ker mawi sidar thing a awm a: a vai chuan sidar thing vek ani a; lung reng reng a lang lo.

¹⁹Tin, LALPA thuthluna bawm dahna turin chu mi inah a chhunga biakna lamah chuan hmun a buatsaih a.

²⁰Tin, chu mi biakna hmun chhung chua dung lam tawng sawmhnih, a vang lam tawng sawmhnih, a san lam tawng sawmhnih a ni a; chu chu rangkachak hlir hlak tiin a luan a: tin, sidar maicham chu a luan bawk a.

²¹Chutichuan Solomona chuan chu mi in chhung chu rangkachak hlir hlak tiin a luan a:

²²tin, in chu a zaa a peih thlengin a pumin rangkachak tiin a luan zel a: b iakna hmunamaicham pum pui pawh chu rangkachak tiin a luan a.

²³Tin, biakna hmunah chuan tawng sawm ve vea sang, cherub pahnih olive thingin a siam a.

²⁴Tin, cherub thla pakhat chu tawng nga ani a, cherub thle lehlam chu tawng nga bawk a ni: thla pakhat hmawr atang a thla lehlam hmawr inkar chu tawng sawm a ni.

²⁵Cherub pakhat pawh chu tawng sawm a ni a: Cherubte chu intiat chiah leh pian dan inang ve ve chiah a ni.

²⁶Cherub pakhat sanzawng chu tawng sawm ani a, cherub pakhat pawh chu chu mi chen bawk chu a ni.

²⁷Tin, cherubte chu in chhungril zawkah chuan a dah a; tin, cherubte thla chu a inzar a, pakhat thla chuan bang lehlam a va dek a, tin, cherub pakhat a thla pawh bang leh lam chu a dek bawk a; chu mi in lai takah chuan an thla leh an thla chu a insi a.

²⁸Tin, cherub-te chu rangkachak tiin aluan a.

²⁹Tin, in bang zawng zawngte chu a velin cherub te, tum thing leh pangpar parh lemte ker mawiin chhung lam leh pawn lamah chuan a siam a.

³⁰Tin, a in chhuat chu chhung lam leh pawn lamah rangkachak tiin a luan a.

³¹Tin, biakna hmun luhna atan olivthing kawngkhar a siam a: kawngka lu chung leh kawngka biangte chu a bang hmun ngaa then a hmun khat tiat a ni.

³²tin, oliv thingin kawngkhar pahnih a siam a; chu miah chuan cherubte, tum thin gleh pangpar parh lem te ker mawiin a siam a. chung chu rangkachak tiin a luan a; tin, cherubte leh tum thingte chu rangkachak a hnawih a.

³³Tin, biak in luhna atan a bang hmun lia thena hmun khat tiatin oliv thing kawngka ban a siam bawk a:

³⁴far thing kawngkhar pahnih nen; kawngkhar pakhata phek hnih chu thlep thei a ni a, kawngkhar pakhata phek hnih pawh chu thlep thei a ni.

³⁵chungahte chuan cherub te, tum thing leh pangpar parh lemte a ker a: cchung ker mawi chu mam takin rangkachak tiin a luan a.

³⁶Biak in hung chhung kawtlai chhungril zawk chu lung chher chhawng thum leh, sidar thingphel thuah khatin a siam a.A kum lina, Ziv thlaah chuan LALPA in lungphum chu rem a ni a. Tin, kum leh kum khatna, bul thla, thla riatnaah chuan in chu ruahman ang chiahin, a engkim chu peih vek a ni a. Chutichuan kum sarih a sa a ni.

³⁷A kum lina, Ziv thlaah chuan LALPA in lungphum chu rem a ni a. Tin, kum leh kum khatna, bul thla, thla riatnaah chuan in chu ruahman ang chiahin, a engkim chu peih vek a ni a. Chutichuan kum sarih a sa a ni.