Read Baibul, Mizo 2 Lalte 1 Bible Online

2 Lalte 1 - Baibul, Mizo bible

2 Lalte 1

¹Tin, Ahaba thih hnuin Moab-ho chu Israel-te chungah an hel a.

²Tin, Ahazia chu Samari khuaa a pindan chungnung kawkalh tukverhah a tla thla a, a intina ta a; tichuan mi a tir a, an hnenah, "Kal ta u la, he ka na hi ka tha chhuak leh thei ang emaw Ekron khaw pathian Baal-Zebuba va rawn teh ta u," a ti a.

³Nimahsela LALPA vantirhkohin Tisbe mi Elija hnenah, "Tho la, Samari khaw lal mi tirhte lo be turin han kal la, tin, a hnenah, 'Israel rama hian Pathian a awm tak loh vangin em ni Ekron khaw pathian Baal-Zebuba chu rawn tura in kal ni?

⁴LALPA'n heti hian a ti a ni: "Khuma i kai kha i lo chuk leh tawh lo ang a, i thi ngei ngei ang, tiin,' tirawh," a ti a. Tin, Elija chu a kal ta a.

⁵Tin, a mi tirhte chu a hnenah an lo let leh a, ani chuan an hnenah, "Eng tizia nge in lo kir leh mai?" a ti a.

⁶Tin, anni chuan a hnenah, "Mi pakhat min be turin a lo kal a, kan hnenah, 'Kal ta u la, rawn tirtu che u lal hnenah chuan kir leh ta u la, a hnenah, LALPA'n heti hian a ti: Israel ramah hian Pathian a awm tak loh vangin em ni Ekron khaw pathian Baal-Zebuba chu ran tura in tirh ni? Chutichuan khuma i kai kha i lo chuk leh tawh lo ang a, i thi ngei ngei ang, tiin ti rawh,' a ti a ni," an ti a.

⁷Tin, ani chuan an hnenah, "Rawn be tur che ua lo kal, chung thu rawn hrilhtu che u chu mi eng ang mi nge ni?" a ti a.

⁸Tin, anni chuan an chang a, "Sahmul puana inthuam mi a ni a, a kawng savun kawnghrenin a hreng," an ti a. Tin, ani chuan, "Tisbe mi Elija a nih chu," a ti a.

⁹Tichuan lal chuan sipai sawmnga hotu, a hote sawmnga nen a hnenah a tir ta a. Tin, a hnenah a han cho a; tin, ngai teh, ani chu tlang chhipah hian a lo thu a. Tin, ani chuan, "Nang, Pathian mi, lalin, Lo chhuk rawh,' a ti e," a ti a.

¹⁰Tin, Elija chuan a chhang a, sipai sawmnga hotu hnenah chuan, "Pathian mi ka nih zet chuan van ata mei lo tla thle se la, nangmah leh i hote sawmnga kha rawn kangral vek che u rawh se," a ti a. Tichuan van ata mei a lo tla a, amah le a hote sawmnga chu an kangral ta vek a.

¹¹Tin, a hnenah sipai sawmnga hotu dang, a hote sawmnga nen a ti r leh a. Ani chuan a han chang a, a nenah, "Nang Pathian mi, lalin, 'Lo chhuk thuai rawh,' a ti e," a ti a.

¹²Tin, Elijan a chang a, an hnenah, "Pathian mi ka nih zet chuan van ata mei lo tla thla se la, nangmah leh i hote sawmnga kha rawn kangral vek che u rawh se," a ti a. Tichuan Pathian mei chu van ata a lo tla a, ama leh a hote sawmnga chu an kangral ta vek a.

¹³Tin, sipai sawmnga dang hotu, a hote sawmnga nen a tir leh pek a. Tin, chu mi sipai sawmnga dang hotu chu a han chho a, Elija hmaah chuan a han thingthi a, a hnenah, "Aw Pathian mi, ka nunna leh, he'ng i chiahlawh mi sawmngate nunna hi i mithmuhah hian lo hlu te se.

¹⁴Ngai teh, van ata mei a lo a lo tla a, sipai sawmnga hotute pahnih kha an hote sawmnga nen khan an lo kangral ta a; keia nunna erawh hi chu i mithmuhah hian lo hlu teh se," tiin a han ngen a.

¹⁵Tichuan LALPA vantirhkoh chuan Elija hnenah, "A rual hian chuk raw, amah chu hlau suh," a ti a. Tin, a tho a, lal hnenah an chuk dun ta a.

¹⁶Tin, ani chuan a hnenah, "LALPA'n heti hian a ti: 'Ekron khaw pathian Baal-Zebuba rawn tura mite i tirh vei hi, Israel rama hian Pathian raw tur a awm tak loh vang em ni le? Chuvangin khuma i kai kha i lo chhuk leh tawh lo ang a, i thi ngei ngei ang,,' tiin," a ti a.

¹⁷Chutichuan Elijan a sawi LALPA thu ang chuan a thi ta a. Tin, fapa a neih loh avangin Juda lal Jehosaphata fapa Jehorama kum hnih a lal kum chuan Jehorama chu a aiawhin a lal tan ta a.Ahazia thiltih chanchin dangte chu Israel lalte lal lai thu ziakna buah a chuang a ni lo'm ni?

¹⁸Ahazia thiltih chanchin dangte chu Israel lalte lal lai thu ziakna buah a chuang a ni lo'm ni?