Read Baibul, Mizo 2 Lalte 13 Bible Online

2 Lalte 13 - Baibul, Mizo bible

2 Lalte 13

¹Juda lal Ahazia fapa Joasa kum sawmhih leh kum thum a lal kum huan Jehua fapa Jeoabaza chu Israelte chungah Samari khuaan a lal tan a, kum sawm leh kum sarih a lal a.

²Tin, LALPA mithmuha thil tha lo tak a ti thin a, Israel-hote thil tihsualtira a tih Nebata fapa Jeroboama sualnate ka a ching ve a, a kalsan leh ta lo.

³Tin, LALPA thin chu Israelte chungah chuan a alh a, tichuan Suria lal Hazaela kutah leh Jazaela fapa Benhadada kutah chuan a pe ta zel a.

⁴Tin, Jehoahaza chuan LALPA hnenah a ngen chiam a, tin, LALPA'n a thu chu a lo ngaihthlaksak a; Israelte hnehchhiaha an awm a, Suria lalin anmahni a hnehchhiahzia chu a hmu reng si a.

⁵Tichuan LALPA'n Israel-hote chu hhandamtu a pe a, chutichuan Suria-hote hnuaia an awm chu anc hhuak a, Israela thlahte chu tun hma ang bawk khan anmahni in lamah an awm leh ta hle hle a.

⁶(Amaherawhchu Israelte thil tihsualtira a tih Jeroboama chhungteho sualnate kha an kalsan lo a, an la ching ta reng zawk a; tin, Samari khuaah chuan Aseri pawh chu a la awm reng ngeh nghe a.)

⁷Jehoahaza chu a mite zinga sakawr chung chuang mi sawmnga leh, tawlailir sawm leh, sipai singkhat tih loh chu neih a palsak si lo a; Suria lal chuan a tiboral vek a, vaivut chil dip ang maiin a siam a ni.

⁸Tichuan Jehoahaza chanchin dangte, a thiltih zawng zawng te, a thiltihtheihzia te chu Israel lalte lal lai thu ziakna bua a chuanga ni lo'm ni?

⁹Tin, Jehoahaza chu a pi leh pute hnenah a muhil ta a; tin, Samari khuaah an phum a; tin, a fapa Joasa chu a aiawhin a lal ta a.

¹⁰Juda lal Joasa kum sawmthum leh kum sarih a lal kum chuan Jeoahaza fapa Jehoasa chu Israelte chungah samari khuaan a lal tan a, kum sawm leh kum ruk a lal a.

¹¹Tin, LALPA mithmuha a thil tha lo tak a ti thin a; Israelte thil tihsualtira a tih Nebata fapa Jeroboama sualna zawng zawngte kha a kalsan lo a, a la ching ta reng zawk a.

¹²Tichuan Joasa chanchin dang te,a thiltih zawng zawng te, Juda lal Amazia a bei laia a thiltihtheihziate chu Israel lalte lal lai tu ziakna buah a chuang a ni lo'm ni?

¹³Tin, Joasa chu api leh pute hnenah a muhil ta a; tin, Jeroboama chu a lalthutthlengah a thu a, tin, Joasa chu samari khuaah Israel lalte zingah an phum a.

¹⁴Tin, Elisa chu a thihpuina tur natnain a lo na tawh a; tichuan Israel lal Joasa chu a hnenah a zuk kal a, a tah a, "Ka pa, ka pa, Israelte tawlailir leh sakawr chung chuang mite hentu," a ti a.

¹⁵Tin, Elisan a hnenah, "Thalngul leh thalte han la teh," a ti a: tin, thalngul leh thalte a han la a.

¹⁶Tin, Israelte lal hnenah chuan, "Thalngul kha han chelh teh," a ti a; tichuan a han chelh a. Tin, Elisa chuan lal kut chungah a kut a nghat a.

¹⁷Tin, ani chuan, "Chhak lam tukverh han hawng teh," a ti a; tin, a han hawng a. Tin, Elisan, "Kap rawh," tin, a han kap a. Tin, ani chuan, "LALPA hnehna thal, Suria-ho hnehna thal a nih kha; Aphek khuaa chuan Suria-hote chu boral der kawpin i hneh dawn nia," a ti a.

¹⁸Tin, 'Thalte kha han la teh," a ti leh a; tichuan a han la teh," a ti a; tichuan a han la a, Tin, Israel lal hnenah chuan, "Lei kha han chun te," a ti a; tichuan vawithum a chun a, a bang ta mai a.

¹⁹Tichan Pathian mi chu a chungah a thinrim ta a, "Vawi nga vawi ruk lai i chun tur a sin ni le; tichuan Suria-hote chu boral der khawpin i hneh tur a ni a. Amaherawhchu Sria-ho chu vawi thum chauh i hneh dawn anih tak hi," a ti a.

²⁰Tin, Elisa chu a thi a, an phum ta a. Tin, kum alo veihian, Moab-ho pawlte chuan an ram chu an rawn run thin a.

²¹Tin, mi pakhat an phum dawn lai takin an han hmu a; tichuan chu mi chu Elisa thlanah chuan an thlak ta mai a; tin, a ruang chu Elisa ruhte ch a zuk deh veleh, a lo nung leh a, a ding ta mai a.

²²Tin, Suria lal Hazaela chuan Jeoahaza chhanah chan Israelte chu a hnehchiah reng a.

²³Nimahsela LALPA'n Abrahama hnenah te, Isaaka hnenah te, Jakoba hnenah te thu a thlun avangin anmahni chu a khawngaih a, a lainat a, angaihsak a, anmahni chu a tiboral duh lo a, a hnen ata a la paih thla duh lo cheu a.

²⁴Tin, Suria lal Jazaela chu a thi a; a fapa Benhadada chu a aiawhin a lal ta a.Tin, Jehoahaza fapa Jehoasa chuan Jazael fapa Benhadadan a pa Jehoahaza a run a, khua a laksakte kha a chhuhsak leh a, Joasa chuan vawithum a hneh a, Israel ram khuate chu a la leh a.

²⁵Tin, Jehoahaza fapa Jehoasa chuan Jazael fapa Benhadadan a pa Jehoahaza a run a, khua a laksakte kha a chhuhsak leh a, Joasa chuan vawithum a hneh a, Israel ram khuate chu a la leh a.