Read Baibul, Mizo 2 Lalte 2 Bible Online

2 Lalte 2 - Baibul, Mizo bible

2 Lalte 2

¹Tin, LALPA'n Elija chu vana thawngaleivira a hruai chhoh dawn vel chuan, heti hi a ni a, Elija chu Elisa nen Gilgal atangin an chhuak ta a.

²Tin, Elijan Elisa hnenah, "Hetah hian lo awm rawh khai; LALPA'n Bethel thlenga kal turin mi tir a ni," a ti a. Tin, Elisa chuan, "LALPA nunna leh i nunna chalin ka sawi e, ka awmsan tawp lo ang che," a ti a. Tichuan Bethel-ah an chhuk dun ta a.

³Tin, Bethel-a awm zawlneiho fapate chu Elisa hnenah an kal a, a hnenah, "Vawiinah hian LALPA'n i chunga hotu hi a lak bosak dawn che tih i hria em?" an ti a. Tin, ani chuan, "Aw ka hria a sin; ngawi mai rawh u," a ti a.

⁴Tin, Elijan a hnenah, "Elisa hetah hian lo awm rawh khai; LALPA'n Jeriko-a kal turinmi tir a ni," a ti a. Tin, ani chuan, "LALPA nunna leh i nunna chalinka sawi e, ka awmsan awp lo ang che," a ti a. Tichuan Jeriko-ah an kal dun ta a.

⁵Tin, Jeriko-a awm zawlneiho fapate chuan Elisa an va hnaih a, a hnenah, "Vawiinah hian LALPA'n i chunga hotu hi a lak bosak dawn che tih i hria em?" an ti a. Tin, ani chuan a chhang a, "Aw, ka hria a sin; ngawi mai rawh u," a ti a.

⁶Tin, Elijan a hnenah, "Hetah hian lo awm rawh khai; LALPA'n Jordan-a kal turin mi tir a ni," a tia . Tin, ani chuan, "LALPA nunna leh i nunna chhalin ka sawi e, ka awmsan tawp lo ang che," a ti a. Tichuan an pahnih chuan an kal dun ta a.

⁷Tin, zawlneiho fapate zinga mi sawmnga an va kal a, anmahni eptin hla feah an va ding a; tin, anni pahnih chu Jrodan-ah an lo ding a.

⁸Tin, Elija chuan a puan chu a la a, a tumtel a, tui chu a han vua a, lehlam lehlamah a lo inthen ta a, tichuan an pahnih chuan lei charah an kal kai ta a.

⁹Tin, an kai hnu chuan heti hi a ni a, Elijan Elisa hnenah," I hnena a lak bova ka awm hma hian eng nge ka tihsak ang che mi dil rawh," a ti a. Tin, Elisa chuan, "Thlarau chan hnih chang i la," a ti a.

¹⁰Tin, ani chuan, "Thil khirh tak i dil a nih hi; khirh mah se la i hnen ata lak bova ka awm lai mi hmuh chuan i chang ang a, mi hmuh loh erawh chuan i chang lo vang," a ti a.

¹¹Tin, an kal dun zel a, an titi lai chuan heti hi a ni a, ngai teh, mei tawlailir leh mei sakawrte a lo lang ta phut a, an kara tlain a inthentir ta a; tin, Elija chu thawngaleiviran vanah a chho ta a.

¹²Tin, chu chu Elisa chuan a hmu a, "Ka pa, ka pa, Israelte tawlailir leh sakawr chung chuang mite hentu!" tiin a au a. Tin, Elija chu a hmu ta lo a; tichuan ama puan chu a chelh a, hmun hnihah a pawt thler a.

¹³Elija puan lo tla pawh chu a khai a, a let leh a, Jordan lui kamah chuan a ding a.

¹⁴Tin, Elija puan lo tla chu a la a, tui chu a han vua a, "LALPA, Elija Pathianc hu khawiah nge?" a ti a. Tin, tui a han vuak ve chuan lehlam lehlamah a lo inthen ta a, Elisa chuan a kal kai ta a.

¹⁵Tin, Jeriko khuaa zawlneiho fapa, amah epa awmten an han hmuh chuan, "Elija thlarau chu Elisa chungah a fu ta ngei le," an ti a. Amah be turin an va kal a, a hmaah chuan lei siin chibai an buk a.

¹⁶Tin, anni chuan a hnenah, "Ngai teh hei, i chhiahhlawhte hian mi ngalchak tak tak sawmnga kan awmpui a; i pu zawng turin tir rawh khai; LALPA thlarauin a hruai chho ta ang a, khawii lai tlangah emaw, khawii lai ruamah emaw a thlak ta mai te hi a ni ang e," an ti a. Tin, ani chuan, "Kaltir lo ang," a ti a.

¹⁷Tin, a tan zahthlak khawpa an ngen hnu chuan, "Kaltir ta che u," a ti ta a. Chutichuan mi sawmnga an tir a; ni thum an zawng a, nimahsela an hmu zo ta lo a.

¹⁸Tin, Jeriko khuaa a la cham lai chuan a hnenah an lo kir leh a; ani chuan an hnenah, "In hnenah khan, 'Kal suh u,' ka ti che u a ni lo'm ni?" a ti a.

¹⁹Tin, chu mi khuaa mite chuan Elisa hnenah, "En teh, hei, he khaw hmun hi a nuam hle mai a, kan pu pawhin i hmu ve reng a; nimahsela tui hi a tha lo a, a ram pawh hi nau chhiatna ram a ni," an ti a.

²⁰Tin, ani chuan, "Tui thawl thar mi han lak u la, chi han thun teh u," a ti a. Tichuan an rawn laksak a.

²¹Tin, tuikhurah a va kal a, chu chu a han thehlut a, "LALPA'n heti hian a ti, 'He tui hi ka titui tawh e, tun achinah chuan thihna leh nau chhiatna a awm tawh lo vang,' tiin," a ti a.

²²Chutichuan Elisa sawi angin tun thlengin tui chu a tui ta a.

²³Tin, chuta tang chuan Bethel-ah a han chho a; tin, chu mi kanwga a kal lai chuan khua ata mipa naupangho an lo chhuak a, an rawn nuihzat a, a hnenah, "Nang lukawlhpa, han cho tawh; nang lukawlhpa, han cho tawh," an ti a.

²⁴Tin, a han lehhawi a, anmahni chu a han hmu a. LALPA hmingin anchia a lawh ta a. Tin, ramhnuai ata savawmnu pahnih an lo chhuak a, an zinga naupang sawmli leh pahnih an rawn she ta a.Tin, chuta tang chuan Karmel tlangah a kal a, chuta tang chuan Samari khuaah a haw leh ta a.

²⁵Tin, chuta tang chuan Karmel tlangah a kal a, chuta tang chuan Samari khuaah a haw leh ta a.