Read Baibul, Mizo 2 Lalte 20 Bible Online

2 Lalte 20 - Baibul, Mizo bible

2 Lalte 20

¹Chung lai chuan Hezekia chu thih ngamin a na a, Tichuan Amoza fapa zawlnei Isaia chu a hnena a lo kal a, a hnenah, "LALPA chuan heti hian a ti, ' I chungte awm dan tur sawi rawh khai, i dam chhuak zo dawn si lo a,' tiin," a ti a.

²Chutichuan bang lam hawiin a let a, LALPA hnenah,

³Aw LALPA, i hmaa thutak leh thinlung tha famkim pua ka awm thinzia leh, i mithmuha thil tha ka tih thinzia kha khawngaih takin hre reng ang che," tiin a tawngtai a. Tin, Jezekia chu a tap ta zawih zawih a.

⁴Tin, Isaia chuan khawpui lai tak pawh chu a thlen hmain heti hi a ni a, LALPA thu a hnena a lo thleng a,

⁵Kir leh la, ka mite hotu Jezekia hnenah sawi rawh, 'LALPA i pu Davida Pathian chuan heti hian a ti, I tawngtaina kha ka hria a, i mittui tla pawh ka hmu e: ngai teh, ka tidam ang chia; ni thum nia chuan LALPA inah i han kal ang.

⁶Tin, i dam chung kumte hi kum sawm leh kum ngain ka tisei ang a; tinnang leh he khawpui hi Assuria lal lakah ka chhanhim ang a; tin, keimah avang leh ka chiahhlawh Davida avangin he khawpui hi ka hum ang, a ti,' tiin."

⁷Tin, Isaian, "Theipui rah khawn khat han la rawh u," a ti a. Tichuan an rawn la a, khawihliah huan an bel a, a lo dam leh ta a.

⁸Tin, Hezekian Isaia hnenah, "LALPA'n mi tidam ang a, LALPA inah a ni thum niin ka han kal ang tih chhinchhiahna eng nge ni ang?" a ti a.

⁹Tin, Isaian, "LALPA'n a thil sawihi a ti ngei dawn tih hei hi i tan LALPA laka chhinchhiahna tur chu a ni ang: hlim chu rahka sawm thlenga a tawlh chhoh nge i duh rahka sawm thlenga a tawlh kir?" a ti a.

¹⁰Tin, Jezekian a chhang a, 'Hlim chu rahka sawm thlenga tawlhchho chu a awl em a, chu zawng ni lo e, hlim chu rahka sawm thlengin tawlh kir zawk rawh se," a ti a.

¹¹Tichan zawlnei Isaia chuan LALPA a han au a; tin, Ahaza darchinhriatnaa hlim hniam tawh chu rahka sawm thlengin a tikir leh ta a.

¹²Chu mi lai chuan Baladana fapa Babulon lal Merodak-baladana chan lehkhate leh lawmnate Jezekia a thawn a: Jezekia chu a na tih a riat avangin.

¹³Tichuan Jezekia chuan anni chu a lo lawm a, a thl hlu dana in zawng anwg te, tangka te, rangkachak te, englo rimti te, hriak hlu tak te a ralthuam dahna in chung te,a ro awm zawng zawngte chu a entir a: a ina mi leh a ram chhunga mi Hezekiana entir loh reng reng a awm lo.

¹⁴Chu mi lai chuan zawlnei Isaia chu lal Hezekia hnenah a kal a, a hnenah, "Kha mi te khan eng nge an sawi? Khawi atangin nge i hnenah an lo kal?" a ti a. Tin, Hezekia chuan, "Ram hla tak, Babulon atang chuan an lo kal a ni," a ti a.

¹⁵Tichuan ani chuan, "I inah hian eng eng nge an hmuh?" a ti a. Tin, Hezekia chuan, "Ka in chunga awm zawng zawng chu an hmu vek a, ka ro zinga mi ka entir loh reng reng a awm lo," tiin a chhang a.

¹⁶Tin, Isaian Hezekia hnenah, "LALPA thu hi lo ngaithla rawh khai.

¹⁷Ngai teh, i in chunga awm zawng zawng leh vawiin thlenga i pi leh puten an lo khawl khawmtete chu Babulon khuaa an kalpui nite a lo la thleng; engma reng reng hnutchiah a awm lo ang,' LALPA'n a ti.

¹⁸Tin, i rila rah, i hrin tur, i fate ngei zinga mi pawh an kal bopi ang a; Babulon lal inah chuan mi tilreh an la ni ang,' a ti," a ti a.

¹⁹Tichuan Hezekian Isaia hnenah, "I sawi LALPA thu hi a tha e," ti a. Tin, "Ka dam chung hian remna leh thutak a awm dawn phawt chuan," a ti lehnghal a.

²⁰Tichuan Hezekia chanchin dang te, a thiltihtheihzia zawng zawng te, dil leh tuilaknaa siam a, khawpui chhunga tui a lak thu te leh Juda lalte lal lai thu ziakna bua a chuang ani lo'm ni?Tin, Hezekia chu a pi leh pute hnenah a muhil ta a: tichuan a fapa Manasea chu a aiawhin a lal ta a.

²¹Tin, Hezekia chu a pi leh pute hnenah a muhil ta a: tichuan a fapa Manasea chu a aiawhin a lal ta a.