Read Baibul, Mizo 2 Lalte 25 Bible Online

2 Lalte 25 - Baibul, Mizo bible

2 Lalte 25

¹Tin, a lal kum ruk kum, thla sawmna, ni sawm ni takin heti hi a ni a, babulon lal Nebukadnezzara chuan sipai zawng zawngte nen Jerusalem a han bei a, awmhmun an han khuar a; tin, kulhin an hual vel ta a.

²Chutichuan lal Zedekia lal kum sawm leh kum khatna thlengin khua chu an hual a.

³Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a.

⁴Tin, khawpui kulh chu an tipawp a, tichuan zanah indo mi zawng zawng chu lal huan bul, kulh bang pahnih inkara kulh kawngkaah an tlan che ta vek a: (Kaldai-ho chuan khua chu an hual vel a ni a:) tin, lal chu Araba kawng lamah a kal a.

⁵Nimahsela Kaldai sipaihote chuan lal chu an um a. Jeriko phaiah an um phak a, a sipai zawng zawngte chuan an tlan darhsan ta vek a.

⁶Tichuan lal chu an man a, Babulon lal hnenah Ribla khuaah an hruai a; tin, a chungchang an rel a.

⁷Tin, Zedekia fapate chu a mithmuh ngeiah an that a, Zedekia mitte chu an kher chauhsak a, kawl an bun a, Babulon-ah an kalpui ta a.

⁸Tichuan babulon lal, lal Nebukadnezzara lal kum kuana, thla ngana,, ni sarih ni chuan Babulon lal mi vengtu pawl hotu, Nebuzaradana chu Jerusalem-ah a lut a;

⁹LALPA in leh lal in chu a hal a: Jerusalem in zawng zawng, in ropui tak takte chu a hal a;

¹⁰Tin, vengtu pawl hotu hnena awm Kaldai sipai zawng zawngte chuan Jerusalem vela kulh chu an tichim vek a.

¹¹Tin, khawpui chhunga mi la awm, inpeho Babulon lal hnena inpe, mipui la awmte chu vengtu pawl hotu Nebuzaradana chuan salah a hruai vek a.

¹²Chu mi rama a rethei theite chuan grep hrui enkawltu atan leh lo nei mi atan an hnutchhiah a.

¹³Tin, LALPA ina dar ban te leh, LALPA ina hunchan le dar tuizem chu Kaldai-hote chuan an tike sawm vek a, a dar chu Babulon-ah an kalpui a.

¹⁴Tin, bel te, vut lawhna te, khawnvar puan chehna te, fiante leh dar bungbel zawng anwg, rawngbawlna'na an hmante chu an la a,

¹⁵tin, mei lakna te, mahun te nen; vengtu pawl hotu chuan rangkachaka siamte chu a rangkachak chu a la a, tangkaruaa siamte chu a tangka chu a la a.

¹⁶Solomonan LALPA in atan a siam ban pahnih leh dar tuizem leh a hun chhante chu; chung hmanrua zawng zawnga dar buk zat chu hriat rual ani lo.

¹⁷Ban pakhat san lam chu tawng sawm leh tawng riat a ni a, a chipah chuan darchhunbawk a awm a: chu mi chhun bawk san lam chu tawng thum a ni a; chhun zawk vel chuan tial chik chek le pomgranet a chuang a, dar vek a ni: chung ang bawk chuan ban pakhat pawh chu tial chik chek a ni.

¹⁸Tin, vengtu pawl htou chuan puithiam lal Seraia leh a dawttu puithiam Zepania leh kawngkhar vengtu pathum a man a:

¹⁹tin, indo mite chunga hotu pakhat nen, lal hmel hmu pha thin khawpi hhunga la awm panga nen, mipite hming ziaktu sipai out lehkha ziaktu nen, khawpui chhunga la awm chu rama mi sawmruk nen khawpui chung ata a man bawk a.

²⁰Tin, vengtu pawl hotu Nebuzaradana chuan a hruai a, Babulon lal hnenah Ribla khuaah a kalpui a.

²¹Tin, Babulon lal chuan Hamath ram, Ribla khuaah chuan a lo tihlum a. Chutichuan Juda chu a ram chung atanga sala hruai chauhin a lo awm ta a.

²²Tin, Babulon Nebukadnezzaran Judai rama a hnutchiahte pawh chu a chungah chuan Sephana fa Ahikama fapa Gedalia chu awptuah a siam a.

²³Tichuan sipai pawl hotu zawng zawng leh an hoten Babulon lalin Gedalia awptuah a siam tih an hriat chuan Mizpe khuaah Gedalia hnenah an kal a, chungte chu Nethania fapa Ismaela te, Karea fapa Johanana te, Netopha mi Tanhumetha fapa Seraia te, maaka mi fapa Jaazania te, an hote nen an ni.

²⁴Tin, Gedalia chuan chu miteho leh, an hote hnenah chuan chhia a chham a, an hnenah, "Kaldai-ho chhiah khuaa awm hi hlau suh u; he ramah hian awm reng mai ula, Babulon lal thu hnuaiah awm rawh u, tichuan in tan a tha dawn nia," a ti a.

²⁵Nimahsela thla sarihnaah chuan heti hia ni a, lalthlah, Elisama fa, Nethania fapa Ismaela chu mi sawm hruaiin a kal a, Gedalia chuMizpe khuaa Judate leh Kaldai-ho a hnena awmte nen an bei a, an that ta vek a.

²⁶Tichuan mi zawng zawng a lian a tein sipai hotute nen an chhuak a, Aigupta ramah an kal ta a: Kaldai-hote chu an hlau a ni.

²⁷Tin, Juda lal Jehoiakina sala a tan kum sawmthum leh thla hnihna, ni sawmhnih leh ni sarih niin heti hi a ni a, Babulon lal Ezil-merodakan a lal tan kumin Juda lal Jehoiakina chu tan in ata a hruai chuak a,

²⁸a hnenah tha takin thu a sawi a, Babulon-a lalho awm vete lalthutthleng chungah chuan a lalthutthleng chu a dah sang ta bik a.

²⁹A tan in silhfente chu a thlak a, a dam chung zawng chuan a hnenah chaw a kil ve ta fo a.Tichuan a chawmna'n a hmu tawk tur lalin ni tin, a dam chhung zawng chuan chanvo a siamsak reng a.

³⁰Tichuan a chawmna'n a hmu tawk tur lalin ni tin, a dam chhung zawng chuan chanvo a siamsak reng a.