Read Baibul, Mizo 2 Lalte 3 Bible Online

2 Lalte 3 - Baibul, Mizo bible

2 Lalte 3

¹Tin, Juda lal Jehosaphata kum sawm leh kum riata lal kumin Ahaba fapa Jehorama chu Israel-ho chungah Samari khuaah a lal tan a; tin, kum sawm leh kum hnih a lal a.

²Tin, LALPA mithmuhah thil tha lo tak a ti thin a: amaherawhchu a nu leh a pa ang em zawngin thil a ti lo: ani zawngin a pain Baala lung a lo phun kha a paih a ni.

³Nimahsela Israel-hote thil tihsualtir a a tih Nebata fapa Jeroboama sualnaahte chuan a bet tlat a; a kalsan leh tawh lo.

⁴Moab lal Mesa chu beram vulh mi a ni a; ani chuan Israel lal lakah beram no nuaikhat hmul leh berampa nuaikhat hmul chhiahah a chawi thin a.

⁵Amaherawhchu Ahaba thih hnu chuan heti hi a ni a, Moab lal chu Israel lal chungah a hel ta a.

⁶Tin, chutih lai chuan lal Jehorama chu Samari khua ata a chhuak a, Israel-ho zawng zawng ch a khawm vek a,

⁷Tichuan a chhuak a, Juda lal Jehosaphata hnenah, "Moab lal ka chungah a hel a, Moab-ho mi han beihpui duh ang emaw chu?" tiin mi a tir a. Tin, ani chuan, "Han beihpui e a: kei le nang, ka mite leh i mite chu pumkhat kan ni a, ka sakawrte leh i sakawrte chu pumkhat an ni alawm," a ti a.

⁸Tin, amah vek chuan, "Khawi lam kawngahnge kan kal ang?" a ti a. Tin, ani chuan a chhang a, "Edom thlaler lam kawngah le," a ti a.

⁹Chutichuan Israel lal chu Juda lal nen, Edom lal nen an kal ta a; ni sarih an kal kual a; tin, sipaihote leh an sa ruaite in tur tui a awm lo a.

¹⁰Tin, Israel lal chuan, "E khai aw! LALPA'n lal pathumte hi Moab-ho kuta pek turin min hruai khawm ani ngei mai le," a ti a.

¹¹Nimahsela Jehosaphata chuan, "Hetah hian LALPA min rawnsak tur LALPA zawlnei tu emaw tal an awm lo'm ni?" a ti a. Tin, Israel lal chhiahhlawh pakhat chuan a chang a, "Elija kut tuia leih thintu Saphata fa pa Elisa hetah hian a awm a sin," a ti a.

¹²Tin, Jehosaphata chuan, "A hnena chuan LALPA thu a awm mai chu," a ti a. Chutichuan Israel lal leh Jehosaphata leh Edom lal chu a hnenah an zuk kal ta a.

¹³Tin, Elisan Israel lal hnenah chuan, "Nang leh keiin inhmanna eng nge kan neih le? I pa zawlneite hnenah leh i nu zawlneite hnenah kal daih tawh," a ti a. Tin, Israel lal chuan a hnenah," Kal lo e; lal pathumte hi Moab-ho kuta pek turin LALPA'n min hruai khawm anih hi," a ti a.

¹⁴Tin, Elisan, "A bula ka awm thinna Sipaihote LALPA nunna chhalin ka sawi e, Juda lal Jehosaphata hi zah lo ni i la chuan i lam pawh ka hawi duhin, hmuh pawh ka hmu duh hlek lo tur che ania le.

¹⁵Engpawh ni se la, tingtang tum thiam mi han koh a che u, " a ti a. Tin, tingtang tum thiamin a han tum chuan, heti hi a ni a, LALPA kut chu a chungah a lo awm ta a.

¹⁶Tin, ani chuan, "LALPA'n heti hian a ti,'He miruam zawng zawng hi lai khuar thliah rawh u,' tiin.

¹⁷LALPA vekin heti hian a ti a ni; 'Thli reng reng in hre lo ang a, ruah reng reng pawh in hmu hek lo ang a, nimahsela hemi ruam hi tuiin a khat vek ang; tichuan nangni leh in ran rualte leh in sate hian in tlan ang,' tiin.

¹⁸Chuchu LALPA ngaih chuan thil te tham mai a ni a; Moab-ho hi in kutah a pe bawk dawn a ni.

¹⁹Tin, kulhpui nei khua zawng zawng leh khawpui tha zawng zawng chu in tichhia ang a, thing tha zawng zawng chu in kit ang a, tuikhur zawng zawng chu in hnawhping ang a, hmun tha lai zawng zawng chu lungin in vawm chhe vek ang," a ti a.

²⁰Tin, zingah, thilhlan hun vel lai chuan heti hi a ni a, ngai teh, Edom ram lam atangin tui a lo luang chiam a, a ram chu tuiin a lo khat ta a.

²¹Tin, Moab-ho zawng zawng chuan anmahni bei turin lalho an lo thawk chho tin, an lo hriat chua, ralkai chin zawng zawng an inko khawm chiam a, ramriah an lo tang a.

²²Tichuan zing takah an tho a, niin tui chu a zuk chhun a, tin, Moab-ho chuan an zawna tui chu thisen ang maia sen kukin an an hmu a.

²³Thisen a nih saw, lalho hi anmahni leh anmahni an indo a, anmahni leh anmahni an inthat a ni ngei mai le, hawh u, Moab-hote u, rallak sum i va chuh ang u," an ti a.

²⁴Tin, Israel ho riahmun an va thlen chuan, Israel ho chu an tho phut mai a, Moab-ho chu an bei a, tichuan an hmaah an tlanchhe ta chiam a; tin, Moab-ho that chung zelin an ramah an um lut a.

²⁵Tin, khuate chu an tichhia a; an hmun tha lai zawng zawng chu mi tinin an vawm a, lungin a khat ta vek a; tin, tuikhur zawng zawng an hnawhping a, thing tha zawng zawng an kit a; Kir-hareseth khuaa mi chauh a ni, lung chu an khawih loh ni; chu pawh chu virvawma vawm miin an hual a, an bei a.

²⁶Tin, Moab lalin an indo chu chelh dawnin a inhre ta lo a, Edom lal hnenah thleng tura tawn tlang tumin khandaih keng mi zasarih a hruai chhuak a, nimahsela an thei ta lo a.

²⁷Tichuan a fapa upa ber, a aia la lal tura chu kulh tlangah chuan halral thilhlanah a hmang ta a.Tin, Israel-hote an thinrim ta em em mai a, an kirsan a, an ram lamah an haw leh ta a.

²⁸Tin, Israel-hote an thinrim ta em em mai a, an kirsan a, an ram lamah an haw leh ta a.