Read Baibul, Mizo 2 Lalte 5 Bible Online

2 Lalte 5 - Baibul, Mizo bible

2 Lalte 5

¹Suria lal sipai hotu Naamana hi LALPA'n Suria-hote chhanhimtua a hman thin avangin, a pu ngaiha ropui leh mi zahawm tak a ni a; amah chu mi chak huaisen a ni bawk a, phar a ni pawh a.

²Suria-hote chu a pawl pawlin an rammu a, Israel ram atangin hmeichhe naupang te hi salah an rawn hawn a; ani chuan Naamana nupui rawng a bawl thin a.

³Tin, ani chuan a pi hnenah, "Ka pu hi Samari khuaa zawlnei hmaah va kal se la ka va ti em ve aw! A phar hi a lo tidam mai tur a," a ti a.

⁴Tin, Naamana chu a va lut a, "Israel rama hmeiche naupang te khan chutiang khatiang chuan a ti e," tiin a pu chu a hrilh a.

⁵Tin, Suria lal chuan, "Va kal tak rawh khai, Israel lal hnenah lehkha ka thawn ang e," a ti a. Tichuan a chhuak ta a, tangkarua talent sawm leh, rangkachak tlang sangruk leh silhfen inthlakna tur sawm a keng a.

⁶Tin, "He lehkha hi i lo hmu ang a, ngai teh, ka puipa Naamana hi a phar i lo tihdam tak turin i hnenah ka rawn tir a ni e," tihna lehkha chu Israel lal a va pe a.

⁷Tin, Israel lalin chu lehkha chu a han chhiar chuan heti hi a ni a, a puan a pawt thler a," Mite tihlum thei a, tinung leh thei thin Pathian em ka nih a, he mi hian phar tidam tura ka hnena a rawn tirh ngawt mai hi le? Ngaihtuah u la, ka chungah remchang a zawng a ni tih hre rawh u khai," a ti a.

⁸Tin, Pathian mi Elisan Israel lalin a puan a pawt thler tih a lo hriat chuan, heti hi a ni a, "Eng vangin nge i puan i pawh thler? Ka hnenah lo kal ang hmiang, tichuan Israel ramah hian zawlnei a awm tih a hre mai ang chu," tiin lal hnena mi a tir a.

⁹Chutichuan Naamana chu a sakawrte nen, a tawlailirte nen chuan a va kal a, Elisa in kawngka bulah chuan a va ding a.

¹⁰Tin, Elisa chuan, "Jordan luiah vawi sarih va inbual la, i tisa ngai i pu leh ang a, i lo thianghlim tawh ang," tiin mi a tir a.

¹¹Nimahsela Naamana chu a thinrim ta hle mai a, a kal leh ta a, "Ngai teh u, amah ngei chu ka hnenah a lo chhuak ang a, a lo ding ang a, LALPA a Pathian hming chu a han lam ang a, a phar lai chunga a kut thenin phar hi a han tidam dawn emaw ka ti a sin le.

¹²Damasaka khaw li Abana te, Pharpar te chu Israel lui zawng zawngte ai chuan a tha zawk lo em ni? Chungah chuan inbualin ka intithianghlim thei lo em ni?" a ti a. Chutichuan a lehhawi a, thinrim zetin a kal ta a.

¹³Tin, a chhiahhlawhten an va hnaih a, an va bia a, "Ka pa, zawlnei khan thil khirhkhan tak tihtir dawn ta che se la, i ti mai dawn lo'm ni? Va inbual la, va intithianghlim rawh,' i hnena a han ti kha tih zawk awm tak a ni lawm ni le?" an ti a.

¹⁴Tichuan a zuk chhuk a, Pathian mi sawi ang chuan Jordan luiah vawi sarih a zuk inhnim a; tin, a tisa chu nausen tisa ang mai a lo ni leh a, a lo thianghlim ta a.

¹⁵Tin, amah leh a hote zawng zawng nen chuan Pathian mi awmna lamah an kir leh a, a hmaah an va ding a: tin, ani chuan, "Ngai teh hei, Israel ramah ngawt lo chuan leilung zawng zawngah hian Pathian a lo awm lo e tih ka hre ta; chutichuan i chhiahhlawh lawmman hi la teh khai," a tia .

¹⁶Nimahsela ani chuan, "A bua ka awm thinna LALPA nunna chhalin ka sawi e, engmah hi ka la lo ang," a ti a. Tichuan la turin a thlem chiam a; nimahsela a duh lo tlat a.

¹⁷Tin, Naamana chuan, "A nih loh leh, i chhiahhlawh hi sabengtung pahnih phur lei mi laktir rawh khai; tun achinah zawng i chiahhlawh hian LALPA hnena ngawt lo chuan halral thilhlan leh inthawina reng reng hi pathian dangte hnenah ka hlan dawn tawh hauh lo a nia.

¹⁸He thilah hian LALPA'n i chhiahhlawh hi ngaidam rawh se; ka pu hi ka kut rinchana chibai buk tura Rimmonaina alu a, Rimmona ina ka kun chua, Rimmona ina ka kun ve thuah chuan, LALPA'n i chiahhlawh hi ngaidam rawh se," a ti a.

¹⁹Tin, ani chuan a hnenah, "Thlamuang takin kal rawh," a ti a. Chutichuan a hnen ata chu a chhuak leh a, eng emaw chen a kal hman a.

²⁰Nimahsela Pathianmi Elisa chhiahhlawh Gehazia chuan, "Khawinge, ka pu hian Suria mi Naamana hi a thil rawn kente la hlek loin a chhuah leh ta mai a; LALPA nunna chhalin ka sawi e, ka va um ang a, eng emaw tal ka va laksak teh ang," a ti a .

²¹Chutichuan Gehazia chuan Naamana chu a um ta a. Tin, Naamanan tuin emaw a rawn um a han hmuh chuan, lo biak tumin tawlailir ata chu a chhuk a," Tha lam thu alawm maw?" a ti a.

²²Tin, ani chuan, "Tha lam thu ni e. Ka puin, 'Ngai teh hei, Ephraim tlang ram atangin zawlnei ho fapate zinga tlangval pahnihin mi rawn tlawh ta thut mai a, anni chu tangkarua talent khat leh silhfen inthlakna tur pahnih pe rawh khai,' tiin mi rawn tir a ni e," a ti a.

²³Tin, Naamana chuan, "Talent hnih hi la rawh khai," a ti a. Tichuan la turin a thlem chiam a, tin, tangkarua talen hnih chu silhfen inthlakna tur pahnih nen chuan ip hnihaa thun a, a chhiahhlawhte pahnih a phurhtir a, a hmaah chuan an kalpui ta a.

²⁴Tin, tlang a va thlen chuan a laksak a, in chhungah a dah a; tin, chu mite chu a kaltir a, an kal ta a.

²⁵Ani erawh chu a lut a, a pu hmaa chuan a va ding a.

²⁶Tin, Elisa chuan a hnenah, "Khawi atangin nge i lo kal le, Gehazi?" a ti a. Tin, ani chuan, "I chhiahlawh hi khawiah mah ka kal lo e," a ti a.

²⁷Tin, ani chuan a hnenah, "A be tur chea tawlailir ata kha mi lo chhuk lai mek khan ka rilru i hnena a kal ve zel a ni lo'm ni? Tangka te, silhfen te, olive huan te, grep huan te, beram te, sebawngpa te, bawipa leh bawihnu te hi lak a hun em ni?Chutichuan Naamana phar khan a man ang chia, kumkhuain i thlahte pawh a man zel ang," a ti a. Tichuan a hnen ata chu vur anga vara pharin a kal chhuak ta a.

²⁸Chutichuan Naamana phar khan a man ang chia, kumkhuain i thlahte pawh a man zel ang," a ti a. Tichuan a hnen ata chu vur anga vara pharin a kal chhuak ta a.