Read Baibul, Mizo 2 Lalte 7 Bible Online

2 Lalte 7 - Baibul, Mizo bible

2 Lalte 7

¹Tin, Elisan, "LALPA thu hi lo hre rawh u; LALPA'n heti hian a ti: 'Naktuk hetih hun velah hian Samari kulh kawngka bulah chuan chhangphut dip mi tehkhawng khat chu sekel khatah an hralh ang a, barli tehkhawng hnih chu sekel khatah,' tiin," a sawi a.

²Tin, sipai hotu, lalin a kut a rawn rinchhan a chuan Pathian mi chu a chang a, "Ngai teh, LALPA'n vanah tukverh a hawn dawn che le! Chutiang chu a ni thei tehlul ang maw?" a ti a. Tin, ani chuan, "Ngawi rawh, i mit zawngin i hmu ngei ang a, a ei earw chu i ei dawn lo a ni," a ti a.

³Tin, kulh luhna kawngka bulah phar pali an awm a; anni chuan, "Eng atan nge maw thih nghak maia kan thut reng le?

⁴Khaw chhungah i lut teh mai ang u,' han ti dawn i la, khaw chhung an tam a, ka va thi mai awm si a; tin, hetah hian thu reng dawn i la, kan thi tho tho awm bawk si a. Chutichuan hawh teh u, Suria sipaihote hnen lama i tlu lut rawk mai teh ang u; min zuah leh kan nung ang a; min thah leh kan thi a ni mai ang chu," tiin an inbia a.

⁵Tichuan Suria-hote riahmuna kal tur chuan thimhmulah an thawk chhuak ta a; tin, Suria-ho riahhmun tawntirh an va thlen chuan, ngai teh, tumah an lo awm lo a.

⁶LALPA'n Suria sipaihote chu tawlailir thawm te, sakawr thawm te, sipai tam tak thawm te a hriattir a ni a; tichuan, "Ngai teh u, Israel lal hian Hit lalhote, Aigupta lalhote hi min rawn bei turin a ruai anih hi," tiin an inbia a.

⁷Chutichuan an tho a, thimhmulah chuan an tlanche ta a, an puan in te, an sakawr te, an sabengtungte leh an riahhmun chu a awm ngai ngaiin an tlansan a, an tlanche ta chiam a.

⁸Tin, chung pharho chuan riahhmun tawntir an va thlen chuan puan in pakhatah hian an va lut a, an eiin an in a, chuta tangkarua leh, rangkachak te, silhfen te chu an la a, an va thukru a; tin, an va let leh a, puan in dangah an lut leh a, chuta mi pawh chu an la a, an va thukru leh a.

⁹Nakina chuan, "Kan tidik hauh lo mai a; vawiin hi chanchin lawmawm thlenni a ni a, keini hi kan ngawi reng mai a; khawvar kan nghah chuan hrem kan tawk mai ang; chutichuan hawh u, lal chhungte i va hrilh ang u," tiin an inbia a.

¹⁰Chutichuan khaw kawngkhar vengtu chu an va au a; "Suria-ho riahhmunah kan va kal a, tin, ngai teh, tumah an lo awm lo a, mihringthawm reng reng pawh a awm lo a, sakawrte leh saengtungte chauh a lo inthlung a, puan inte pawh chu a awm ngai ngaiin a awm reng mai," tiin an hrilh a.

¹¹`Tin, kawngkhar vengtute chu a ko a; tin, anni chuan lal in chhunga mite chu an va hrilh a.

¹²Tin, lal chu zanah chuan a tho a, a puipate hnenah chuan, "Suria-hote tih dan hi ka hrilh teh ang che u. Kan riltamia hi an hria a; chuvangin, 'Khawpui ata an lo chhua chuan anungin kan lo man ang a, khaw chhunga kan lut dawn zuk nia,' tiin ramah biru turin an riahhmun an chauhsan anih hi," a ti a.

¹³Tin, a puipa pakhat chuan a chhang a, "Khawpuia sakawr awm chhunte zinga a panga hi tute emaw hruaitir rawh khai, (ngai teh, Israel mipuiho, a la dam zawng zawngate ang bawk an ni tho tho a; ngai teh, Israel mipuiho thia ngaihte ang bawk an ni tho tho alawm;) tichuan i va tir teh reng ang u," a ti a.

¹⁴Chutichuan tawlailir hnuktu sakawr pahnih an hruai a; tin, lal chuan, "Va en teh ta u," tiin Suria sipaihote um turin a tir a.

¹⁵Tin, Jordan lui thlengin an va um a; tin, ngai teh, Suria-hoten an hmanhmawh avanga a paih silhfente leh bungruate chu kawng tluanin a awm zel zul mai a. Tin, a mi tirhte chu an lo kir leh a, lal chu an rawn hrilh a.

¹⁶Tin, mipui ch an va chhuak a, Suria-ho riahhmun chu an va suam ta chiam a. tichuan LALPA thu ang ngeiin chhang phut dp mi tehkhawng khat chu sekel khatah an hrlah a, busanghar tehkhawng hnih chu sekel khatah.

¹⁷Tin, lal chuan sipaihotu a kut a rawn rinchhana kha kulh kawngka vengtuah a ruat a; tinmipite chuan kulh kawngka bulah chuan an chil ta nuai nuai a, Pathian miin a hnena lal a lo chuk laia a lo sawi ang khan a thi ta a.

¹⁸Heti hi a ni a, Pathian miin lal hnena, "Naktuk hetih hun velah hian Samari kulh kawngka bula buhsanghar tehkhawng hnih chu sekel khatah a hralh ang a, chhangphut dip mi tehkhawng khat chu sekel khatah," a tih a,

¹⁹tin, sipai hotuin Pathian mi chu a hchhan a, "Ngai teh, LALPA'n vanah tukverh a hawn dawn chu le! Chutiang chu ani thei tehlul ang maw?" a tih a, anin , "Ngai rawh, i mit zawngin i mu ngei ang a, a ei eraw chu i ei dawn lo a ni," tia a sawi kha;Chutiang ngei chuan a chungah a lo thleng ta a ni; mipuiin kulh kawngka bula chuan an chil nuai nuai a, a thi ta a ni.

²⁰Chutiang ngei chuan a chungah a lo thleng ta a ni; mipuiin kulh kawngka bula chuan an chil nuai nuai a, a thi ta a ni.