Read Baibul, Mizo 2 Lalte 8 Bible Online

2 Lalte 8 - Baibul, Mizo bible

2 Lalte 8

¹Tin, Elisan a fapa a tihdamsak hmeiche hnenah chuan, "Tho la, nang leh i chungte nen, in awm theih theihna hmunah va awm rih raw u; LALPA'n tam a talktir dawn e; he ramah hian kum sarih chhung zet a tla nghe nghe dawn ni," tiin a lo sawi tawh a.

²Tichuan hmeichhia chu a tho a, Pathian thu anga chuan a ti a; a chhungte nen chuan Philistia-ho ramah kum sarih an va awm ta a.

³Tin, kum sarih a lo vei hnuah chuan heti hi a ni a, chu hmeichhia chu Philistia-ho ram ata a let leh ta a; tin, a in leh a lo lal dil turin a va kal a.

⁴Tin, lal chuan Pathian mi chhiahhlawh Gehazia chu, "Elisan thil ropui a tih zawng anwg mi han hrilh teh khai," tia a lo biak lai a ni a.

⁵Tin, mi pakhat thi taw a tihnun leh thu lal a lo hrilh lai mek chuan heti hi a ni a, ngai teh, a fapa a tihnun lehsak hmeichhia chuan a in leh a lo lal chu a rawn dil ve a. Tin, Gehazia chuan, "Aw lalber ka pu, hei hi a ni hmeichhia chu, tin, hei hi a ni a fapa Elisan a tihnun leh saka chu," a ti a.

⁶Tin, lalin hmeichhia chu a han zawh chuan a hrilh ta a. Chutichuan lal chuan hotu pakhat a ruatsak a, "A ta zawng zawng, a loa thil haw zawng zawng chenin, he ram a chauhsan ata tun thlenga mi hi pe leh vek rawh," a tia .

⁷Tin, Elisa chu Damasaka khuaa a kal a; tin, Suria lal Benhadada chu a dam lo a; tichuan, "Pathian mi hetah hian a lo kal e," tiin an hrilh a. Tin, lalin Hazaela hnenah, "Lawmman keng langin, Pathian mi be turin va kal la, ka na hi ka tha chhuak le thei ang emaw lalpa mi lo rawnsak teh," a ti a.

⁸Chutichuan Hazaela chua amah be tur chuan a va kal a, lawmman atan Damaska khuaa thil tha tinreng, sanghawngsei sawmli phur a keng a, a hmaah chuan a va ding a, "I fapa Benhadada, Suria lalin, 'Ka na hi ka tha chhuak leh ang em?' ti turin i hnenah hian mi rawn tir a ni," a ti a.

⁹Tin, Elisan a hnenah, "Kal leh ta langin, a hnenah, "I tha chuak le mawlh ang,a ti e,' ti ang che, amaherawhchu a la thi ngei dawn a ni tih zawng LALPA'n mi hriattir a ni," a ti a.

¹⁰Tichuan a tan zathlak khawpin a melh ta reng mai a; tin, Pathian mi chu a tap ta a.

¹¹Tin, Hazaela chuan, "Engati nge ka pu chu a tah mai?" a ti a. Ani chuan a chhang a, "Israela thlahte chunga i thil tha lo tih tur ka hriat avang a ni; an kulhte i la halsak ang a, an tlangvalte khandaihin i la that ang a, an fanau te tete chu i la paih sawm ang a, nau pai lai hmeichhiate chu i la pir thler dawn a ni," a ti a.

¹²Tin, Hazaela chuan, "Kei i chhiahhlawh uicho mai mai hian chutiang thil nasa tak chu han ti theizia em ka nih?" a ti a. Tin, Elisan a chhang a, "Suria-ho chunga i la lal dawn tih LALPA'n mi hriattir a ni," a ti a.

¹³Tichuan Elisa hnen ata a chhuak a, a pu hnen lama chuan a kal ta a; ani chuan, "Elisan eng nge a lo hrilh che?" a ti a. Tin, ani chuan, "A tha chhuak leh mawlh ang,' tiin mi hrilh," a ti a.

¹⁴Tin, atuka chuan heti hi a ni a, puan chhah tak a la a, tuiah a hnim a, chu chuan a hmai a upsak a, a thi ta a; tin, Hazaela chu a aiawhin a lal ta a.

¹⁵Tin, Israel lal Ahaba fapa Jorama kum nga a lalkum chuan (Chu mi lai chuan Jehosaphata chu Juda lala ni a,) Juda lal Jehosaphata fapa Jehorama chu a lal tan a.

¹⁶A lal tan lai chuan kum sawmthum leh kum hnih mi a ni a; Jerusalem khuaah kum riat ro a rel a.

¹⁷Ahaba chhungte angin, Israel lalte kawng zawh chu a zawh ve a; Ahaba fanu nupuiah a nei a ni; tichuan LALPA mithmuha thil tha lo tak a ti thin a.

¹⁸Amaherawhchu LALPA'n a chiahlaw Davida avangin Judai ram chu a tiche duh lo a, a thlahte chena khawnvar neihtir reng a lo tiam tawh si a.

¹⁹Ama chhanah chuan Edom-ho chu Judate lakah an hel a, an chunga lal tur an insiam chawp a.

²⁰Tichuan Jorama chu Zair khuaah a tawlailir zawng zawngte nen a va kal a; tin, zanah a thawk chhuak a, anmahni hualtu Edom-hote leh an tawlailir chunga hotute chu a va bei ta a; tin, mite chu an puan in lamahte an tlan ta vek a.

²¹Chutichuan Edom-ho chu tun thlengin Judate lakah an la hel ta reng a ni. Chu mi lai vek chuan Libna khua pawh an lo hel ve a.

²²Tin, Jorama chanchin dangte leh a thiltih zawng zawngte chu Juda lalte lal lai thu ziakna buah a chuang a ni lo'm ni?

²³Tin, Jorama chu a pi leh pute hnenah a muhil a, a pi leh pute zingan Davida khawpuiah an phum ta a; a fapa Ahazia chu a aiawhin a lal ta a.

²⁴Israel lal Ahaba fapa Jorama lal kumsawm leh kum hnih kum chuan Juda lal Jehorama fapa Ahazia chu a lal tan a.

²⁵Ahazian ro a rel tan lai chuan kum sawmhnih leh kum hnih mi a ni a; tin, Jerusalem khuaah kum khat ro a rel a. Tin, a nu hming chu Athali, Israel lal Omria fanu a ni.

²⁶Ahaba chhungte kawng zawh chu a zawh ve a, Ahaba chunge angin, LALPA mithmuha thil tha lo tak a ti thin a; Ahaba chhungte makpa a ni si a.

²⁷Tin, ani chu Ahaba fapa Joraman Ramoth-gilead khuaa Suria lal Hazaela a han beihnaa chuan a tel ve a; tin, Suria-ho chuan Jorama chu an lo hliam a.Tin, lal Jorama chu Suria lal Hazaela an beihnaa Suria-hoin Rama khuaa an lo hliam chu Jezreel khuaa intidam turin a kir leh ta a. Tin, Juda lal Jehorama fapa Ahazia chu Ahaba fapa Jorama a nat avang chuan kan turin Jezreel khuaah a zuk kal a.

²⁸Tin, lal Jorama chu Suria lal Hazaela an beihnaa Suria-hoin Rama khuaa an lo hliam chu Jezreel khuaa intidam turin a kir leh ta a. Tin, Juda lal Jehorama fapa Ahazia chu Ahaba fapa Jorama a nat avang chuan kan turin Jezreel khuaah a zuk kal a.