Read Baibul, Mizo 2 Lalte 9 Bible Online

2 Lalte 9 - Baibul, Mizo bible

2 Lalte 9

¹Tin zawlnei Elisan zawlneiho fapate zinga pakhat a ko a, a hnenah, "I puan veng la, he hriak bawm hi keng la, Ramoth-gilead kuaah va kal rawh.

²I va thlen chuan Nimsia fa Jehosaphata fapa Jehua va zawng chhuak langin; va lut la, a unauteho zing ata ko chuak la, pindan chhungrilah luhpui rawh.

³Tichuan hriak bawm hi la la, a lu-ah leih langin, 'LALPA'n heti hian a ti: Israelte chunga lalah hriak ka thih a che, tiin,' ti rawh.

⁴Chutichuan talngval, zawlnei tlangval chu Ramoth-gilead-ah chuan a kal ta a.

⁵Tin, a va thlen chuan ngai teh, sipai hotuho an lo thu khawm a; tin, ani chuan, "Sipai hotu, i hnenah thuchah sawi tur ka nei e," a ti a. Tin, Jehua chuan, "A tu bera hnena hian nge ni?" a ti a. Tin, ani chuan, Nangma hnenah hian a ni, sipai hotu," a ti a.

⁶Tin, a tho a, inah chuan a lut a; tin, a lu-ah hriak chu a leih a, a hnenah, "LALPA, Israelte Pathianin heti hiana ti: 'LALPA Israelte Pathianin heti hian a ti: 'LALPA mipuiho, Israel-ho chunga lalah hriak ka thih a he.

⁷Ka chhiahhlawh zawlneite thisen leh LALPA chhiahhlawh zawng zawngte thisen phuba chu Jezebeli laka ka lak theihna turin i pu Ahaba chhungte chu i tiboral vek ang a.

⁸Ahaba chhungte zawng zawng chu a boral vek ang a; Ahaba atang hian mipa fa tawh phawt chu Israel rama mi khuahkhirh leh khirh loh pawh ka tiboral dawn a ni.

⁹Tin, Ahaba chhungte chu Nebata fapa Jeroboama chungte leh Ahija fapa Baasa chhungte angin ka siam ang a.

¹⁰Tin, uiin Jezebeli chuJezreel khawkulh bulah an ei ang a, a phumtu tur reng reng an awm lo ang,' tiin," a ti a. Tichuan kawng a hawng a, a tlan chhuak ta a.

¹¹Tichuan Jehua chu a pu puipate hnenah chuan a lo chhuak a; pakhat chuan a hnenah, "Tha lam thu em ni le? Kha mi apa kha eng tiziaa i hnena lo kal nge ni le?" a ti a. Tin, ani chuan an hnenah, "In hria mi a ni a, a thu sawi pawh kha in hria alawm," a ti a.

¹²Anni chuan, "Hre teh suh e, min han hrilh teh khai," an ti a. Ani chuan, "Hetiang tak hian min ti alawm maw le; 'LALPAin heti hian a ti; Israel-ho chunga lal atan hriak ka thih a che, tiin,'" a ti a.

¹³Tichuan mi tininan puan chu an hlip hmawk hmawk a, kailawn chungah an phahsak ta theuh a, "Jehua lal a ni ta e," tiin tawtawrawt an ham ta a.

¹⁴Chutichuan Nimsia fa Jehosaphata fapa Jehua chuan Jorama chu a phair ta a. (Suria lal Hazaela avangin Jorama leh Israel-ho zawng zawngte chuan Ramoth-gilead khua chu an veng a;

¹⁵lal Rorama erawh chu Suria lal Hazaela nnen an inbeinaa Suria miten an hliam kha Jezreel khuaa intidam turin a kir le kha.) Tin, Jehua chuan, "Ka lama tang in nih chuan tumah reng reng Jezreel khuaa he'ng thu hi sawi turin khua ata hi kal chhuahtir su u," a ti a.

¹⁶Chutichuan Jehua chu tawlailirah a chuang a, Jezreel khuaah a kal a; Jorama chu chutah chuan a mu a ni a. Tin, Juda lal Ahazia pawh Jorama kan turin a zuk kal a.

¹⁷Tin, Jezreel kulhah ralveng a ding a, ani chuan Jehua-ho lo kal chu a han hmu a. "Mi tam tak ka hmu e," a ti a. Tin, Jorama chuan "Sakawr chung chuang mi anmahni hmuak turin va tir la, 'Tha lam thu em ni le?' va ti teh se," a ti a.

¹⁸Chutichuan mi pakat sakawr chunga chuan hi a hmuak turin a va kal a, "Lalin heti hian a ti; Tha lam thu em ni le?" tiin, " a ti a. Tin, Jehua chuan, "Tha lam thu chu nanga lo hriat tur eng nge awm ni? Ka hnunga hian va kal ve rawh," a ti a. Tin ralveng chuan, "Kan mi tirha chuan an hnena chu a va thleng ngei a, nimahsela a lo kir leh ta hauh lo mai," tiin a hrilh a.

¹⁹Tichuan mi pkhat sakawr chunga chuan hi a tir leh a, chu mi pawh chuan an hnen a ava thleng a, "laloin heti hian a ti; 'Tha lam thu em ni le?' tiin," a ti a. Tin, Jehuan a chhang a, "Tha lam thu chu nanga lo hriat tur eng nge awm ni?Ka hnungah hian va kal ve rawh," a ti a.

²⁰Tin, ralveng chuan, "Ani pawhin an hnen chu a va thleng ngei a, ani pawh chu a lo kir leh ta hauh lo mai; tin, a khalh dan pawh Nimsia fapa Jehua khalh dan chiah a ni; mi a ang maiin a khalh thin a ni," a ti a.

²¹Tin, Jorama chuan, "Buatsaih teh u," a ti a. Tin, a tawlailir chu an buatsaih a. Tin, Israel lal Jorama leh Juda lal Ahazia chu mahni tawlailir ve vein an va chuak a, Jehua hmuak turin an va kal a, Jezreel mi Nabotha huanah an va hmu a.

²²Tin, Joraman Jehua a han hmuh chuan heti hi a ni a, "Tha lam thu em ni le, Jehu?" a han ti a. Tin, ani chuan a lo chhang a, "I nu Jezebeli hian uire leh dawi a chin nasat chhung hian tha lam thu eng nge awm thei ang?" a ti a.

²³Tin, Jorama chuan a kai her a, a tlan a, Ahazia hnenah, "Inbumna a awm anih hi, Ahazi," a ti a.

²⁴Tin, Jehua chuan a thalngul chu a theihpatawpin a kuai a, Jorama dar leh dar inkarah akap a, thal chu alungah alut tlang a, a tawlailira a awp ta rawk a.

²⁵Tichuan Jehuan a sipai hotu Bidkara hnenah, "Pawm la, Jezreel mi Nabotha huan hmunah paih thla rawh; hmana rnang nena a pa Ahaba hnunga kan chuan dun laia LALPA'n he phur hi a chunga a nghah reng anih kha:

²⁶LALPA'n, 'Niminah Nabotha thisen leh a fapate thisen ka hmu ngei alawm,' a tih kha; tin, LALPA'n, 'He mi hmun ngeia hian ka thungrul dawn che a ni, a tih leh kha. Chutichuan LALPA thu angin pawm la, he mi hmunah ngei hian paih thla rawh," a ti a.

²⁷Nimahsela Juda lal Ahazian chu chu a hmuh chuan huan in lamah a tlan ta a. Tin, Jehua chuan a um a, "Ani pawh tawlailirah khan that nghal rawh u," a ti a; tichuan Ibleam khaw kiang, Gur chohnaah an bei a. Tin, Megiddo khuaah a tlan lut a, chuta chuan a thi ta a.

²⁸Tin, amite chuan Jerusalem khuaah tawlailirin an kalpui a,ama thlanah, a pi le pute zingah Davida khawpuiah an phum ta a.

²⁹Ahaba fapa Jorama kum sawm leh kum khat a lal kumin Ahazia chu Judaho chungah a lal tan a.

³⁰Tin, Jehua chu Jezreel khuaa a va luh chuan, Jezebelina lo hria a; tichuan a mitte a lo hnawih a, a samte a lo chei a, tukverhah a dak a.

³¹Tin, Jehua kulh kawngkaa a lo luh lai takin, "Tha lam thu em ni le, nang, mahni pute thattu, Zimri pa?" a lo ti a.

³²Tin, ani chu tukverh lam hawi chuan a han dak chho a, "Tunge ka lama tang che u? Tute nge?" a ti a. Mi tilreh pahnih emaw, pathum emaw hi a lam hawiin an lo dak chhuak a.

³³Tin, ani chuan, "Han theh thla rawh u," a ti a. Chutichuan an theh thla a; a thi chuan bang leh sakawrte chu a per nguai mai a; tin, ani chuan alo chil a.

³⁴Tin, alut a, a eiin a in a; "anchhe dawngnu kha va ngaihven ta u la, va phum rawh u, lal fanu a ni si a," a ti a.

³⁵Tin, phum turin an va kal a; nimahsela a luruh te, a ke bawrte a kutphah bawrte ngawt lo chu an va hmu ta lo a.

³⁶Chutichuan an lo kal leh a, an rawn hrilh a. Tin, ani chuan, "Hei hi LALPA'n a chiahlawh Tisbe mi Elija hmanga, 'Jezreel kul bula uiin Jezebeli chu an la ei ang a;Jezebeli ruang chu Jezreel khaw kul bula huana ek dur ang mai a la niang a, tichuan, He chu Jezebeli a ni a, an tih lohna'n, tih thu a sawi kha anih hi," a ti a.

³⁷Jezebeli ruang chu Jezreel khaw kul bula huana ek dur ang mai a la niang a, tichuan, He chu Jezebeli a ni a, an tih lohna'n, tih thu a sawi kha anih hi," a ti a.