Read Baibul, Mizo 1 Chronicles 10 Bible Online

1 Chronicles 10 - Baibul, Mizo bible

1 Chronicles 10

¹Chutichuan Philistia mite chuan Israel hote chu an bei a; tin, Israel mite chu Philistia mite hmaah chuan a tlan chhia a, Gilboa tlangah chuan thahin an awm ta zul mai a.

²Tin, Philistia mite chuan Saula leh a fapate chu an um ta ngat ngat a; tin, Philista mite chuan Saula fapa Jonathana te, Abinadaba te, Malki-sua te chu an that a.

³Tin, Saula chu a chau ta em em mai a, thal kap mite chuan an umpha a, an hliam ta a.

⁴Chutichuan Saula chuan a ralthuam kengtu hnenah chuan, "I khandaih kha phawi la, mi han chhun tlang rawh; he'ng serhtan lohte hian mi uankhum dah ang e," a ti a. Nimahsela a ralthuam kengtu chuan a ti duh lo a; a hlau em em si a. Chutichuan Saula chuan akhandaih chu a la a, a bawh ta a.

⁵Tin, a ralthuam kengtu chuan Saula a thi tih a hriat chuan, ani pawh chuan akhandaih chu a bawh ve a, athi ve ta a.

⁶chutichuan Saula leh a fapate pathum chu an thi ta a; an pafaza chuan an thi ta a ni.

⁷Tichuan Israel ruama awm mi zawng zawngte chuan an tlanchhia tih leh Saula leh afapate chu an thi ta tih an hriat chuan, an khuate chu an chhuahsan a, an tlan bo ta a; tin, Philistia mite chuan an va luah ta a.

⁸Tin, heti hi a ni a, a tukah chuan Philistia-hoten an ral thahte thuam hlihsak tura an va kal chuan Gilboa tlanga Saula leh a fapate lo thi chu an va hmu a.

⁹Tin, a thuam an hlip a, a lu leh a ralthuam chu an la a, an pathian lemte leh mite hnena chanchin puan turin Philistia ramah chuan an thawn vel a.

¹⁰Tin, a ralthuam chu an pathiante inah an dah a, a lu chu Dagona inah an tar a.

¹¹Tin, Jabes-gilead mi zawng zawngten Philistia mitean Saula an tih dan zawng zawng thu an lo hriat chuan,

¹²mi huaisenho zawng zawngte chu an thawk chhuak a, Saula ruang leh a fapate ruang chu an la a, Jabes khuaah an kalpui a, a ruhte chu Jabes khuaa sasaw hnuaiah an phum a, ni sarih chaw an nghei a.Chutichuan Saula chuan LALPA thu a pawm duh lo a, LALPA chunga a bawhchhiat avang leh LALPA chu rawn loa ramhuai zawl aienthiam aientira a rawn avangin a thi a ni: chuvang chuan , a tihhlum a, ram pawh chu Jesaia fapa Davida chu a pek ta ni.

¹³Chutichuan Saula chuan LALPA thu a pawm duh lo a, LALPA chunga a bawhchhiat avang leh LALPA chu rawn loa ramhuai zawl aienthiam aientira a rawn avangin a thi a ni: chuvang chuan , a tihhlum a, ram pawh chu Jesaia fapa Davida chu a pek ta ni.