Read Baibul, Mizo 1 Chronicles 11 Bible Online

1 Chronicles 11 - Baibul, Mizo bible

1 Chronicles 11

¹Chutichuan Israel-ho zawng zawng chu Hebron-a Davida hnenah an kal khawm a, "Ngai teh, i thisen zawmpui kan ni a.,

²Tun hmaa Saula a lal lai khan Israelte hruai chhuak leh hruai luttu i ni thin a; tin, LALPA i Pathianin i hnenah, 'Ka mi Israelte chu i chawm ang a, ka mi Israelte chungah hotuah i awm ang,' a ti chia," an ti a.

³Chutichuan Israel-ho upa zawng zawng chu Hebron-ah lal hnenah chuan an kal a; tin, Davida'n Hebron-ah chuan LALPA hmaah an hnenah thu a thlung a, tin, LALPA'n Samuela hmanga a sawi ang khan Davida chu Israelte lal atan hriak an thih ta a.

⁴Tin, Davida leh Israel-ho zawng zawng chu Jerusalem-ah an kal a (chu chu Jebus a ni);tin, chutah chuan chu mi rama mi, Jebus-hote chu an awm a.

⁵Tin, Jebus-a awmhote chuan Davida hnenah, "Hetah hian i lo lut tawp lo ang," an ti a. Nimahsela Davida chuan Zion kulh chu a la ta reng reng a: chu chu Davida khua tih a ni ta a.

⁶Tin, Davida'n, "Tu pawh Jebus-ho han bei hmasa apiang chu sipai hotu berah a awm ang," a ti a. Tichuan Zeruia fapa Joaba chu a han chho hmasa a, hotu berah an siam ta a.

⁷Tin, Davida chu kulhah a awm ta a; chuvangin Davida khawpui an ti a ni.

⁸Tin, Milo atangin khawpui vel kulh chu a siam tha a; tin, Joaban khawpui chhung a siam tha a.

⁹Tichuan Davida chu a lo ropui ta deuh deuh a; sipaihote LALPA chu a hnenah a awm avangin.

¹⁰Hengte hi Davida sipai huaisen, Israel zawng zawngte nena tanga, Israelte chungchang thua LALPA'n a sawi anga lala siam tura a ram dinpuitu huaisen tak takte chu an ni.

¹¹Hengte hi sipai huaisen, Davida hnena awmte an ni: Hakmon mi fapa Jasobeama, sawmthum pawl hotu, zathum chungah a fei leka tum khata thattu chu.

¹²Tin, a dawttu chu Aho mi Dodova fapa Eleazara, sipai huaisen pathumte zinga pakhat kha.

¹³Ani chu barli awmna chuk, Philistia mite indo tura infawk khawmna hmun Pas-dammim-ah khan Davida hnenah a awm a; tin, mipuite chu Philistia mite hmaah chuan an tlanchhe ta a.

¹⁴Tin, anni chu chu mi hmunah chuan an ding a, an lo tang tlat a, Philistia mite chu an that a, tichuan LALPA'n ropui taka ngamsakin a chhandam a.

¹⁵Tin, sipai sawmthum zinga huaisen pathumte chu lungpuiah Adulam pukan Davida hnenah an chhuk a; Philistia sipaiho chuan Rephaim rumah tanhmun an khuar a.

¹⁶Chutih lai chuan Davida chu kulhbingah a awm a, tin, Philistia sipaiho chu Bethlehem-ah an awm a.

¹⁷TiN Davida chuan, "Beth-lehem-a tuichhunchhuah tui, kulh kawngkhar kianga mi kha in tura mi pe han awm teh se la aw!" a ti a, a ngai em em a.

¹⁸Tin, pathumte chuan Philistia sipaiho chu an tawn tlang a, kulh kawngkhar kianga mi Bethlehem-a tui chhuunchhuah tui chu an va chawi a, Davida hnenah an rawn la a; nimahsela Davida chuan a lo in duh lo a, LALPA tan a bun chhuak a,

¹⁹Hei hi ka in loh turzia mai chu: he'ng thih huama inpehote thisen chu ka in dawn em ni? Thih huama inpein an rawn la ani si a," a ti a. Chutichuan a in duh ta lo a. Mi huaisen pathumte chuan chutiang chuan an ti a.

²⁰Tin, Joaba unau Abisaia chu pathumte zinga hotu ber a ni a; mi zathumte chungah a fei a lek a, anmahni chu a thah avangin pathumte zingah chuan hming that a hlawh a.

²¹pathumte zingah chuan pahnihte ai chuan amah chu chawimawi tlak a ni a, an hotuah an siam a, pathum hamsate zingah erawh chuan a tel lo.

²²Tin, Kabzeel mi huai, thil nasa tak titu Jehoiada fapa Benaia chuan Moab mi Ariela fapate pahnih chu a that a; tin, a zuk chhuk a, vur tlak hun laiin khuarkhurumah sakeibaknei a zuk that bawk a.

²³Tin, Aigupta mi, mi awmkhauh pui, tawng ngaa sang a that a; chu Aigupta mi chuan fei lian pui, paun tahtu themkawl ang hi a keng a. Tin, ani chuan tiang nen chuan a zuk pan a, Aigupta mi fei chu a pawhthlaksak a, ama feiin a chhunhlum ta a.

²⁴Jehoiada fapa Benaia chuan chutiang chuan a ti a, sipai huaisen pathumte zingah hming that a hlawh a.

²⁵Ngai teh u, mi sawmthumte ai chuan chawimawi tlak a ni a, pathum hmasate zingah erawh chuan a tel lo; tin, Davida chuan a vengtu pawl hotuah a dah a.

²⁶Sipaite zinga mi huaisen dangte chu hengte hi an ni. Joaba unau Asahela te, Bethlehem khuaa mi Dodova fapa Elhanana te,

²⁷Haror mi Samotha te, Pelon mi Heleza te,

²⁸Teko mi Ikesa fapa Ira te, Anathot mi Abiezera te,

²⁹Hushat mi Sibekaia te, Aho mi Ilaia te,

³⁰Netophat mi Maharaia te, Netophat mi Baana fapa Heleda te,

³¹Benjamina thlah Gibea khuaa mi Ribaia fapa Ithaia te, Pirathon mi Benaia te;

³²Gass luitea mi Huraia te, Arbat mi Abiela te;

³³Baharum mi Azmavetha te, Saalbon mi Eliaba te;

³⁴Gizon mi Hasema fapa te, Harar mi Sagea fapa Jonathana te;

³⁵Harar mi Sakara fapa Ahiama te, Ura fapa Eliphala te;

³⁶Mekerat mi Hephera te, Pelon mi Ahija te;

³⁷Karmel mi Hezroa te, Ezbaia fapa Naaraia te;

³⁸Nathana unaupa Joela te, Hagria fapa Mibaha te;

³⁹Amon mi Zeleka te, Zereuia fapa Joaba ralthuam kengtu Berot mi Naharaia te;

⁴⁰Ithra mi Ira te, Ithra mi Gareba te;

⁴¹Hit mi Uria te, Ahlaia fapa Zabada e;

⁴²Reuben m Siza fapa Adina, Reuben mite zinga hotu, a hnena mi sawmthumte nen;

⁴³Maaka fapa Hanana te, Mithna mi Josaphata te;

⁴⁴Asterat mi Uzia te, Aroer mi Hothama fapa Sama leh Jeiela te;

⁴⁵Simria fapa Jediaela te, a unaupa Tiz mi Joha te;

⁴⁶Mahav mi Eliela te, Elnaama fapa Jeribaia leh Josavia te, Moab mi Ithma te,Mezoba mi Eliela te, Obeda te, Jaasiela te pawh.

⁴⁷Mezoba mi Eliela te, Obeda te, Jaasiela te pawh.