Read Baibul, Mizo 1 Chronicles 12 Bible Online

1 Chronicles 12 - Baibul, Mizo bible

1 Chronicles 12

¹Tichuan Kisa fapa Saula avanga Davida chu Ziklag-a a inkhung tlat laia a hnena lo kalte chu hengte hi an ni: anni chu indona amah puitu mi huaisente zinga mi an ni.

²Thalngul keng mi, ding lam leh vei lama virvawma lung vawm leh thlangula thal kah thian an ni a; Benjamin mi Saula chite an ni.

³A puipa ber chu Ahiezera a ni a, tin, Gibeat mi Semaa fapa Joasa; tin, Azmavetha fapa Jeziela leh Peleta te; Beraka te, Anathot mi Jehua te;

⁴sawmthum zinga mi huaisen, sawmthum hotu Gibeon mi Ismaia te; Jeremia te, Jahaziela te, Johanana te, Gederat mi Jozabada te,

⁵Eluzaia te, Jerimotha te, Bealia te, Semaria te, Harup mi Sephatia te;

⁶Kjora mi Elkana te, Isia te, Azarela te, Joezera te, Jasobeama te;

⁷Gedor mi Jerohama fapa Joela leh Zebadia te an ni.

⁸Tin, Gad mite zinga mi mi chak huaisen, indo thiam, phaw leh fei hman thiam thenkhatte chu thlalera kulhah Davida hnenah khan an pakai a; an hmemate chu sakeibaknei hmel ang a ni a, tlanga sakhi la anga zuanzang an ni;

⁹a pakhatna chu Ezera a ni a, a dawttu chu Obadia, a dawt lehtu chu Eliaba,

¹⁰a dawt lehtu chu Mismana, a dawt lehtu chu Jeremia;

¹¹a dawt lehtu chu Ataia, dawtlehtu chu Eliela;

¹²a dawt lehtu chu Johanana, a dawt lehtu chu Elzabada;

¹³a dawt lehtu chu Jeremia, a dawt lehtu chu Makbanaia.

¹⁴Chung Gad mite chu sipai hotute an ni; an zinga chak lo ber pawh chu za hen a ni a, tin, a chak ber chu sangkhat hen a ni.

¹⁵Chungho chu an ni, thla khatnaa Jrodan luia kuang zawng zawng a liam laia va kal kai a, ruama chengho zawng zawng chhak lam leh thlang lama tlanchhiattirtute kha,

¹⁶Tin, Benjamin-ho leh Juda-ho zinga mi thenkhat chu kulhah Davida hnenah an kal a.

¹⁷Tichuan Davida chu anmahni hmuaki turin a kal a, "Tha lam thua mi pui tura ka hnena lo kal in nih chuan, ka thinlungin a zawm tlat ang che u a; amaherawhchu ka kutin pawi a khawih lo tih hre reng chung sia ka hmelmate mi mantir tuma lo kal in ni chuan, kan pi leh pute Pathian chuan chhinchhiahin, zilhhau che u rawh se," a va ti a.

¹⁸Chutichuan sawmthum chunga hotu Amasaia chungah chuan thlarau a lo thleng a, "David, i mite kan ni e, Jesaia fapa, i lama tang kan ni e, i chungah thlamuanna awm rawh se, nangmah puitute chungah apwh thlamuanna awm rawh se; i Pathian chuan a tanpui thin si chia," a ti a. Tichan Davida chuan anmahni chu a la a, siapi pawl hotuahte a siam ta a.

¹⁹Tin, Philistian-hoten Saula do tura an thawh lai khan Davida pawh a tel ve a, Manase-ho zinga thenkhatte pawh Davida lamah an lo pakai a; amaherawhchu Philisita hotute a pi ta chuang lo; "A pu Saula lamah a pakai ang a, kan lu kan hloh dah ang e," tiin an inrawn a, an hnarkir leh ta a ni.

²⁰Tin, Ziglag khua a thlen chuan Manase-ho zinga sipai sang hotu, Adna te, Jozabada te, Elihua te, Zilethaia te chu a lamah an pakai a.

²¹Davida'n rawlral pawlho abei chu an beihpui ve a; an vai chuan mi chak huaisen, sipai hotu an ni a.

²²Ni tin, Davida lama tang turin an lo kal an lo kal a, Pathian sipaiho ang maia sipai pawl ropui tak an lo ni ta a.

²³LALPA thu anga Saula ram Davida luahtir tura Hebron khuaa Davida hnena indona ralthuama inthuam kal zat chu hetiang a ni.

²⁴Juda thlah, indona ralthuama inthuam, pawh leh fei keng mi chu 6800 an ni.

²⁵Simeona thlah, indonaa mi chak huaisen chu 7,100.

²⁶Levia thlah 4,600.

²⁷Tin, Jehoiada chu Arona thlah hruaitu a ni a, a hnenah 3,700 an tel ve a;

²⁸tin, Zadoka, tlangval chak huaisen, a chhungkaw inga mi, sipai hotu 22 nen.

²⁹Tin, Benjamina thlahte zinga mi, Saual chi te, 3,000 tun hma chuan a tam zawkte chu Saula ho lama tang an ni thin a.

³⁰Tin, Ephraima thlahte zinga mi, mi chak huaisen, an chhungkaw zinga mi hmingthang 20,800.

³¹Tin, Manse hnam zatvete zinga mi, Davida lala siam tura thlan chauh lo kalte 18,000.

³²Tin, Isakara thlahte zinga mi, chun glai hn thil chingchang hre mi, Israeltena an thiltih tur tul hre mi, hotu deuh deuh 200; an unau zawng zawng chu an thu hnuaia awm an ni a.

³³Zebulun-ho zinga mi, ral bei talk thiau, indona hmanraw tinreng nena tan khawh thiam, 50,000; rilru nghet tak pu mi an ni a.

³⁴Naphtali-ho zinga mi sipai hotu 1,000, phaw leh fei keng mi 37,000 nen.

³⁵Dan-ho zinga mi, ralthuama intuamsa 28,600.

³⁶Aser-ho zinga mi , ral bei tlak thiau tan khawh thiam 40,000.

³⁷Tin, Jordan rala Reuben-ho zinga mi te, Gad-ho zinga mi te, manase hnam zatve zinga mi te, indona hmanrua tinrengte nena thawk 120,000.

³⁸Chung zawng zawng chu indo mi, tan khawh thiam mi an ni a, Davida chu Israel-ho zawng zawng chunga lala siam turin rilru hmun khat puin Hebron-ah an kal a; tin, Israel dang zawng zawngte pawh in Davida chu lala siam turin rilru hmun khat an pu theuh a.

³⁹Tin, Davida hnenah chuan ni thum ei leh barin an awm a; an unauten an buatsaihsak vek a ni.Chu chang pawh ni loin, an laichin unau, Isakar ram atang te, Zebulun ram atang te, Naphtali ram atangte lamin sabengtung te, sanghawngsei te, sakawr te, sebawngpatein ei tur lam chhang te, theipui hlawm te, grep rah pho ro bawr te, uain te, hraik te an phurhtir a, bawngpa te, beramte tam tak an rawn keng bawk a; Israel ram chu lawmnain a khat a.

⁴⁰Chu chang pawh ni loin, an laichin unau, Isakar ram atang te, Zebulun ram atang te, Naphtali ram atangte lamin sabengtung te, sanghawngsei te, sakawr te, sebawngpatein ei tur lam chhang te, theipui hlawm te, grep rah pho ro bawr te, uain te, hraik te an phurhtir a, bawngpa te, beramte tam tak an rawn keng bawk a; Israel ram chu lawmnain a khat a.