Read Baibul, Mizo 1 Chronicles 14 Bible Online

1 Chronicles 14 - Baibul, Mizo bible

1 Chronicles 14

¹Tin, tura lal Hiraman Davida hnenah mi a tir a, Sidar thingte a thawn a, lung chhertute, themthiamte a in sa turin a tir bawk a.

²Tin, Davida chuan LALPA'n Israel mite chunga lalah amah chu a tinghetin a mi Israelte avangin a ram chu a chawimawi a ni tih a hre ta a.

³Tin, Davida chuan Jerusalem-ah nupuite a nei belhchhah leh a, tin, Davida chuan fanu leh fapate a nei leh a.

⁴Jerusalem-a a fa neihte chu hengte hi an ni: Samua te, Sobaba te, Nathana te, Solomona te;

⁵Ibhara te, Elisua te, Elpeleta te;

⁶Noga te, Nephega te, Japhia te;

⁷Elisama te, Beeliada te, Elipheletea te.

⁸Tin, Philistia miten Davida chu Israel mi zawng zawngte lal atan hriak an thih tih an hriatin, Philistia mi zawng zawng chu Davida zawng turin an chho ta a; tin, Davida chan a lo hria a, anamahn bei turin a kal ta a.

⁹Tin, Philistia mite chu rephaim ruamah an inzar a.

¹⁰Tin, Davida chuan, "Philistia mite bei turin ka han chho dawn em? Ka kuta hian anniho chu i pe dawn em?" tiin LALPA a rawn a. Tin, LALPA chuan, "Han chho rawh; anniho chu i kutah ka pe dawn a ni," a ti a.

¹¹Tichuan baal-perazim-ah an chho a, chuta chuan Davida'n anniho chu a hneh a, "LALPA'n ka hmelmate chu ka kut hmangin tuikhuah sah ang maiin min tihdarhsak ta," a ti a.Chutichuan chu mi hmun hmingah chuan Baal-perazim an vuah a.

¹²Tin, chutah chuan an milemte an kalsan a, tin, Davida'n thu a pe a, an hal ta a.

¹³Tin, Philisita-hote ch ruamah an inzar leh a.

¹⁴Tin, Davida'n Pathian a rawn leh a; tin, Pathianin a hnenah, "Um loin kiansan la, thingtheihmukung zawnlamah han bei zawk rawh.

¹⁵Tin, ehti hi ani ang a, thingtheihmu lera kal thawm ang ri thup thup i hriat chuan che rawh, Philsitai sipaite bei turin i hmaah Pathian a chhuak ta tihna ani ang," a ti a.

¹⁶Tin, Pathianin thu apek angin Davida chuan a ti a; Philistia sipaite chu Gibeon atanga Gezer thalngin an bei a.Tichuan ram tinah Davida hming chu a lo thang ta a; LALPA'n hnam tin, mah a tihtir ta a.

¹⁷Tichuan ram tinah Davida hming chu a lo thang ta a; LALPA'n hnam tin, mah a tihtir ta a.