Read Baibul, Mizo 1 Chronicles 15 Bible Online

1 Chronicles 15 - Baibul, Mizo bible

1 Chronicles 15

¹Tin, Davida chuan Davida khawpiah chuan inte a sa a; tin, pathian bawm awmna hmun a buatsaih a, puan in a zarsak a.

²Tichuan Davida'n, "Pathian bawm hi Levi-ho chauh lo chuan tuma'n an zawn tur ani lo e; pathian bawm hi kumkhuaa zawntu leh a rawngbawltu atana LALPA thlan an ni e," a ti a

³Tin, Davida'n LALPA bawm a dahna tur hmun a buatsaihnaa zawn chho turin Jerusalem-ah Israel-ho zawng zawng chu a khawm a.

⁴Tin, Davida'n Arona fate leh Levi-ho a khawm a;

⁵Kohatha thlahte zinga mi, puipa ber Uriela, a unaute nen za leh sawm hnih;

⁶Meraria thlahte zinga mi, puipa ber Asaia, a unaute nen zahnih leh sawmhnih;

⁷Gersoma thlahte zinga mi, puipa ber Joela, a unaute nen za leh sawmthum;

⁸Elizaphana thlahte zinga mi, puipa ber Semaia, a unaute nen zahnih,

⁹Hebrona thlahte zinga mi, puipa ber Eliela, a unaute nen sawmriat;

¹⁰Uziela thlahte zinga mi, puipa ber Aminadaba, a unaute nen za leh sawm leh pahnih.

¹¹Tin, Davida'n puithiam Zadoka leh Abiathara leh Levi-ho, Uriela te, Asaia te, Joela te, Semaia te, Eliela te, Aminadaba te a ko a,

¹²an hnenah, "Nangni hi Levi-ho puipa berte in ni a; Israelte Pathian , LALPA bawm chu a hmun ka buatsaiha in zawn choh theihna'n nangni hi in unaute nen intithianghlim rawh u.

¹³Atirah pawh kahn nangnin in zawn loh avangin LALPA kan Pathianc ukan chungah a tuan anih kha, thupek angin kan lo ti ta lo va ni," a ti a.

¹⁴Chutichan Israelte Pathian LALPA bawm chu zawn chho tur chuan pithaimte leh Levi-hote chu an intithianghlim a.

¹⁵Tin, LALPA thupek Mosia'n a sawi ang khan Levia thalhte chuan bawm chu a zawnfung chuan an zawn ta a.

¹⁶Tin, Davida'n Levi-ho pipate chu an unaute zinga mi hla sa mite, til tum rik mi perhkhuang te, tingtang te, darbenthekte nena ring taka leh hlim taka hla sa turin a ruattir a.

¹⁷Chutichuan Levi-ho chuan Joela fapa Hemana te, a unaute zinga mi Berekia fapa Asapha te, an unau Meraria fapate zinga mi Kusaia fapa Ethana tean ruat a.

¹⁸Tin, an unaute zinga mi Zekaria te, Bena te, Jaazeiela te, Semiramotha te, Jehiela te, Unia te, Eliaba te, Benaia te, Maaseia te; Matithia te, Eliphelehua te, Mikneia te, kawngkhar vengtu Obed-edoma leh Jeiela te nen an ruat bawk a.

¹⁹Chutichuan hla satuho Hemana te, Asapha te, Ethana te, chu darbenthek ring taka beng tura ruat an ni a;

²⁰tin, Zekaria te, Aziela te, Semiramotha te, Jehiela te, Unia te, Eliaba te, Maaseia te, Benaia te chu perhkhuangte nena Alamoth sa tura ruat an ni a;

²¹tin, Matithia te, Eliphelehua te, Mikenia te, Obed-edemoan te Jeiela te, Azazia te chu tingtangte nena Seminit saa hma hruai tura ruat an ni.

²²Tin, Levi-hi puipa Kenania chu hla sa hotu a ni a, a thiam avangin hla hruaitu ber a ni.

²³Tin, Berekia leh Elkana chu bawm veng veltu an ni.

²⁴Tin, puithiamho Sebania te, Josaphata te, Nethanela te, Amasaia te, Zekaria te, Benaia te, Eliezera ten Pathian bawm hmaah chuan tawtawrawt an tum a; tin, Obed-edoma leh Jehia chu bawm veng veltu an ni bawk a.

²⁵Chutichuan Davida leh Israel upaho leh sipai sang otute Obed-edoma ina mi LALPA thuthlunan bawm chu zuk la chho turin hlim takin an kal ta a;

²⁶tin, heti hi a ni a, LALPA thuthlunna bawm zawntu Levi-hote chu Pathianin a tanpi a, sebawngpa pasarih leh berampa pasarihin an inthawi a.

²⁷Tin, Davida leh bawm zawntu Levi-ho zawng zawng leh, hla satute leh hla sa hotu Kenania te chu puan zai sinin an inthuam a, Davida chuanpuan zai sin puithiam kawr a ha bawk a.

²⁸Chutichuan Israel mi zawng zawngte chuan au dur dur chung leh tawtawrawt i nei leh tawtawrawt ham ruai ruai leh darbenthek te, perhkhuang te, tingtangte nena ri bung bungin LALPA thuthluna bawm chu an la chho ta a.Tin, heti hi a ni a, LALPA thuthlunna bawm Davida khuaa a lu lai chuan, Saual fanu Mikali chuan tukverh atangin a lo thlir a, lal Davida lama zuang chua han hmu a, a hmusit rilru ta a.

²⁹Tin, heti hi a ni a, LALPA thuthlunna bawm Davida khuaa a lu lai chuan, Saual fanu Mikali chuan tukverh atangin a lo thlir a, lal Davida lama zuang chua han hmu a, a hmusit rilru ta a.