Read Baibul, Mizo 1 Chronicles 16 Bible Online

1 Chronicles 16 - Baibul, Mizo bible

1 Chronicles 16

¹Tin, Pathian bawm chu an la lut a, a dahna tura Davida'n a zar, puanin chungah chuan an dah ta a; tin, halral thilhlante leh remna thilhlante Pathian hmaah chan an hlan a.

²Tin, Davida'n halral thilhlan leh remna thilhlante a hlan zawh chuan, LALPA hmingin mipite chu mal as awm a.

³Tin, Israel mi zawng zawngte chu ahmei apain chhang hlawm khat leh sa hrang khat leh grep rah pho ro bawr khat a pe theuh a.

⁴Tin, lalpabawm hmaa rawngbawl tur leh LALPA, Israelte Pathian chu hre renga amah fak tur leh a hnena lawmthu sawi tur Levi-ho thenkhatte a ruat a;

⁵a hotu bera chuan Asapha, tin, a dawttu perhkhuang leh tingtang tum mi Zekaria te, Jeiela te, Semiramotha te, Jehiela te, Matithia te, Eliaba te, Benaia te, Obed-edoma te, Jeiela te nen; Asapha chuan darbenthek ringakin a beng a;

⁶tin, puithiam Benaia leh Jahaziela chuan Pathian thuthlunna bawm hmaah tawtawrawtte an ham reng a.

⁷Tichuan chu mi ni chuan Davida'n LALPA hnena lawm thu hril turin Asapha leh a unaute chu a hmang tan ta a.

⁸Aw, LALPA nenah lawm thu hril u la, A hming lam rawh u; Hnamte zingah chuan a thiltihte chu hriattir rawh u.

⁹Amah chawimawiin hla sa u la, amah fakin zai rawh u; A thilmak tih zawng zawng thu chu chui rawh u.

¹⁰A hming thianghlim chu chhuang rawh u; LALPA zawngtute thinlung chu hlim rawh se.

¹¹LALPA leh a chakna chu zawng u la; A hmel chu zawng fo rawh u.

¹²A thil ropui tak tihte hre reng u la; A thiltihte leh a kaa a rorelte chu;

¹³Aw, a chhiahhlawh Israela thlahho, Jakoba thlah, a thlanate u.

¹⁴Ani chu LALPA kan Pathianc hu a ni a; A thupekte chu khawvel pum huap a ni.

¹⁵A thuthlun chu kumkhuain hre reng u la, Chhuan sang thlenga a thu lo pek,

¹⁶Abramhama hnena a thuthlun leh, Isaaka hnena a chhechham chu;

¹⁷Chu vek chu Jakoba hnenah thuruatah, Israela hnena kumkhaw thuthlung atan a tinghet a,

¹⁸Kanaan ram hi ka pe ang che, I ro chanpual tur ram chu," tiin;

¹⁹Mi tlemte chauh in nih a, A ni, tlem te, khuazin ang mai in nih lai kha;

²⁰Hnam hrang hrang hnenah an kal lawr a, Ram hrang hrang atanginmi hrang hrangte hnenah.

²¹Tuma hnehchiah a phal lo a; A ni, anmahni avangin lalte pawh a zilhhau val

²²Ka hriakthihate chu tawk suh u la, ka zawlneite pawi reng reng khawih suh u," tiin.

²³Leilung luah zawng zawngte u, LALPA chawimawiin hla sa u la, Ni tin, a chhandamna thu chu hriatir rawh u.

²⁴Hnam tin, zingah a ropuizia hril u la, Mi tinrengte zingah a thilmak tihte chu hril rawh u.

²⁵LALPA chu a ropui a, nasa taka fak tur a ni si a. Pathian zawng zawng aia tih tur a ni.

²⁶Hnamte pathian chu milem a ni si a. LALPA erawh chuan vante khi a siam a ni.

²⁷Chawimawina leh ropuina a hmaah a awm a; Chakna leh mawina a hmun thianghlima a awm.

²⁸Mi tina chi tinrengte u, LALPA chu bel u la, LALPA chu ropina leh chakna bel rawh u.

²⁹LALPA chu a hming ropuina bel u la, Thlhlan tur keng u la, a hmaah lo kal rawh u; Thianghlim mawina inbelin LALPA chu chibai buk rawh u.

³⁰Leilung zawng zawngte u, a hmaah khur rawh u; Khawvel hi a nghin thieh lohna turin tihnghehin a awm a.

³¹Vante khi lawm takin awm se la, lei pawh hi hlim takin awm rawh se; Hnam tin, zingah chuan, "LALPA chuan ro a rel," ti rawh se.

³²Tuifinriatleh a chhunga thil awm zawng zawng hi ri hum hum se la; Lo leh a chhunga awm zawng zawng hi lawm takin awm rawh se;

³³Chutih hunah chuan ramhnuaia thing zawng zawng hi LALPA hmaah chuan hlimin an zai ang,Lei ro rel turin a lo kal dawn si a.

³⁴Aw, LALPA hnenah lawm thu hril rawh u, ani chu a tha si a; A ngilneihna pawh kumkhuain a awm dawn si a,

³⁵Aw kan chandamna Pathian, min chhandam la, I hming thianglim fak tur leh, I fakawmna chhuang turin, Hnam tin, zing ata min hruai khawm la, min chhanhim ang che," ti rawh u.

³⁶Israelte Pathian LALPA chu fakin awm rawh se, Chatuan ata chatuanthleng pawhin. Tin, mipi zawng zawng chuan, "Amen," an ti a. LALPA chu an fak a.

³⁷Chutichuan chuta LALPA thuthlunna bawm hmaa ni tin, a tul dan ang anga rawngbawl turin Asapha leha unaute a dah ta a;

³⁸Obed-edoma leh Hosa, an unau sawmruk leh pariatten an pui tur a ni; Jeduthuna fapa Obed-edoma leh Hosa te chu kawngkhar vengtu tur an ni;

³⁹LALPA'n Israel-hote hu a pek, LALPA dana ziak zawng anwg anga halral thilhlan maicham chunga tuk leh zana Gibeon hmun sanga LALPA biak buk hmaa halral thilhlante hlan reng tur atan erawh chuan puithiam Zadoka leh

⁴⁰a unau puithiamhote ruat an ni a;

⁴¹an zinga tel a, a khawngaihna chu kumkhua atan a i avangin, LALPA hnena lawm thu sawi tur Hemana leh Jeduthuna leh mi dang an hming lama thlan chhuahte chu ruat an ni a.

⁴²Hemana leh Jeduthuna te chu tawtawrawt te, darbenthek te leh thil tum chi dangte ruala tum tur kawltu an ni a. Jeduthuan leh a fate chu kawngkhar vengtu tur an ni.Tichuan mipuiz awng zawng chu mahni in lam theuvah an haw ta a; tin, Davida pawh chu a chhungte malsawm turin a haw ve ta a.

⁴³Tichuan mipuiz awng zawng chu mahni in lam theuvah an haw ta a; tin, Davida pawh chu a chhungte malsawm turin a haw ve ta a.