Read Baibul, Mizo 1 Chronicles 20 Bible Online

1 Chronicles 20 - Baibul, Mizo bible

1 Chronicles 20

¹Tin, heti hi a ni a. kum a lo vei a, lalte indo tura an chua thin lai hun chuan, Joaban sipai run pui a hruai chuak a, Amona thlahte ram chu a chu chhia a, Raba khua an hual a, Davida erawh chu Jerusalema-ah a awm a. Tin, Joaba chuan Raba khua chu a bei a, a la ta a.

²Tin, Davida'n an lal lallukhum khum lai chu alaksak a, a rih lam chu rangkachak talent khat a ni a, lunghlute pawh a tel a; tin, Davida an khumtir a; tin, khawpia mi rallak sum tam tak chu a la a.

³Tin, chuta mipuite chu a kawi chuak a, thingzaina te, lei lehna thir zum te, hreipuitein hna a tahwhtir a. Chuting chuan Amona thlah khawpui zawng zawngte chu Davida'n a ti a. Tin, Davida leh mi zawng zawng hu Jerusalem-ah an haw leh ta a.

⁴Tin, heti hi a ni a, chu mi hnua chuan Philistia mite nen Gezer-ah indona a awm a; tichuan Husat mi Seibekaian mi lian thlahte zinga mi sipaia a that a: tin, an tlawm ta a.

⁵Tin, Philisita mite nena indona a awm leh a; tin, Jaira fapa Elhanana Git mi Goliatha unaupa Lahmia a that a, a feingul chu lian tak a ni.

⁶Tin, Gath khuaa indona a awm leh a, chutah chuan mi sang tak mai, a kut lehlam lehlama zungtang paruk, a ke lehlam lehlama ke zungtang paruk, a vaia sawmnih leh pali nei hi a awm a; ani pawh mi lian laka piang a ni.

⁷Tin, ani chuan Israel mite a va cho a, Davida unau Simea fapa Jonathan chuan a lo that a.Chungte chu Gath khuaa mi lian laka piang an ni a; chung chu Davida leh amite kutah an thi a .

⁸Chungte chu Gath khuaa mi lian laka piang an ni a; chung chu Davida leh amite kutah an thi a .