Read Baibul, Mizo 1 Chronicles 21 Bible Online

1 Chronicles 21 - Baibul, Mizo bible

1 Chronicles 21

¹Tin, Setanan Israelte chu a bei ta a, Davida chu Israelte chiar duhna a neihtir a.

²Tin, Davida chuan Joaba tle an mi liante hnenah, "Kal u la, Beer-seba atanga Dan thlengin Israel mite chhiar u la, a zat ka hrait theihnan mi rawnhrilh leh ang che u, a ti a.

³Tin, Joaban lal hnenah, "LALPA'n a mite hi a lehza pawhin tipung se la, lalpa ka pu, ka pu mite vek an ni lo'm ni? Ka pu in chu chu engah nge maw hriat a chak le? Enga tan nge Israelte thiam loh chan phahna anih ang le?" a ti a.

⁴Nimahsela lal thu chuan Joaba chu a hneh ta a. Chutichuan Joaba chu a chhuak a, Israel ram zawng zawngah chuan a kal a, Jerusalem-ah a haw leh a.

⁵Tin, Joaba chuan mirhng awm zat chu Davida a hrilh a. Israel rama khandaih keng mi zawng anwg chu matkaduai khat leh nuai khat an ni a; tin, Judai rama khandaih keng mi chu nuai li leh singsarih an ni.

⁶Levi-ho leh Benjamin-ho eraw chu a chhiar tel velo; lal thu chu Joaba huatzawng tak ani si a.

⁷Tin, chu thila chuan Pathian a lawm ta lo a; chutichuan Israel-ho ch a hrem ta a.

⁸Tin, Davida'n Pathian hnenah, "He ka thil lo tihah hian nasa takin ka lo sual ta a ni; nimahsela i chhiahhlawh khawlohna hi khawngaih takin ngaidam ang che, atthlak takin ka lo ti ta ni e," a ti a.

⁹Tin, LALPA'n Davida zawlnei Gada hnenah,

¹⁰Kal la, Davida hnenah, 'LALPA'n heti hian a ti, Thil kawng thum ka ruatsak a che: i chunga ka tih turin a pakhat chu thlang rawh, a ti e,' ti rawh," tiin a sawi a.

¹¹Chutichuan Gada chu Davida hnenah a kal a, a hnenah, "LALPA'n heti hian a ti, 'A eng nge i duh thlang rawh;

¹²kum thum tam tlak nge, i hmelmate khandaiha um phaka awma tla thum i hmelmate tihtlawm nge, ni thum chhung hri, LALPA khandaiah LALPA vantirhkohin Israel ram zawng zawng mi tiboral zel?" tiin. Chutichuan mi tirtu chu engtin nge ka fachan dawn, inngaihtuah la, mi hrilh rawh khai," a ti a.

¹³Tin, Davida huan Fada hnenah, "Ka mang a ang hle mai a; LALPA kuta tlu lut phawt mai i la; a zahngaihna hi a nasa hle si a; mihring kutah chuan min tluk luhtir lul suh ang che," a ti a.

¹⁴Chutichan LALPA'n Israelte zingah chuan hri alentir ta a; Israel-hote chu singsarih an thi a.

¹⁵Tin, Jerusalem khua tiche turin pathianin vantirhkoh a tir a; tin, a han tichhiat dawn lai tak chuan, LALPA chuan ahan en a, thil tha lo tih a tum chu a lamlet a, mite tiboraltu vantirhkoh hnenah chuan, "A tawk tawh e; i kut lek tawh suh," a ti a. Tin, lalpa vantirhkoh chu Jebus mi Ornana hruih bulah chuan a ding a.

¹⁶Tin, Davida chua han dak a, LALPA vantirhkoh, kahndaih pawhi saa Jerusalem lam tina, lei leh van inkara ding hamu a. Chutichuan Davida leh upaho chuan saiip puan sinin leiah an bawkkhup ta a.

¹⁷Tin, Davida'n Pathian hnenah, "Keimah hi a ni lawm ni, mipite chiat tur tih thu petu chu?Keimah hi a ni, thil lo tisual a, suahsualthlak taka thil lo ti ta chu: he'ng beramte hian eng thil nge an tih ve? Aw LALPA ka Pathian, keimah leh ka chhungte chungah i kut thlak zawk la, i mite hian hri hi tuar tawh lo se," a ti a.

¹⁸Chutichuan LALPA vantirhkohin Gada hnenah Davida chu han chho a, Jebus mi Ornana hruia LALPA tan amaicham han siam tura Davida hrilh turin thu a pe a.

¹⁹Tin, Gadan LALPA hminga a sawi ang chuan Davida chu a chho ta a.

²⁰Tin, Ornana chua han lehhawi a, vantirhkoh chu a hmu a; tin, a fapa pali a hnena awm vete chu an boru ta a. Ornana chuan buh a lo chil a ni a.

²¹Tin, Davida'n Ornana hnena a va thlen chuan, Ornana chua han hawi a, Davida chu ahmu ta a, tin, hruih ata chu a chuak a, a hmaia lei siin Davida hmaah chuan abawkkhup a.

²²Tichuan Davida'n Ornana hnenah, "He hruih hi LALPA tana maicham ka siamna'n mi pe rawh khai; aman kim chiah telin mi pe rawh, mipuite laka hri a kian theihna tur hian," a tia .

²³Tin, Ornanan Davida hennah chuan, "Nei mai rawh, lalpa ka pu chuan awm a tih ang angin ti rawh se; en teh, halrala hlan atan bawngpa te, thing atan hrui hmanrua te, changphut thilhlan atan buhte ka pe ang che; ka tum vek ang che," a ti a.

²⁴Tin, lal Davida'n Ornana hnenah chuan, "Ni lo e a; a man kim chiahin ka lei zawk ang e, man loin i ta chu LALPA tan ka la lo ang," a tia .

²⁵Chutichuan Davida'n chu mi hmun leina chuan Ornana chu rangkachak sekel zaruk a pe a.

²⁶Tin, Davida'n chutah chuan LALPA tan maicham a siam ta a, halral thilhalte leh remna thilhlante a hlan a, LALPA chu a au a; tin, ani chuan maicham chunga meiin van atangin a rawn chhang ta a.

²⁷Tin, LALPA'n vantirhkoh chu thu a pe a, a khandaih chu apaiah a khung leh ta a.

²⁸Tin Davida'n Jebus mi Ornana hruihah LALPA'n a rawn chhang tih a hriatin chutah chuan a inthawi ta a.

²⁹Chutih lai chuan Mosia'n thlalera LALPA biakbuk leh halral thilhlanna maicham a siam kha Gibeon khuaa hmun sangah a awm a ni.Nimahsela Davida chu LALPA vantirhkoh khandaih a hlauh avangin Pathian rawn turin chuta chuan a kal thei lo a ni.

³⁰Nimahsela Davida chu LALPA vantirhkoh khandaih a hlauh avangin Pathian rawn turin chuta chuan a kal thei lo a ni.