Read Baibul, Mizo 1 Chronicles 23 Bible Online

1 Chronicles 23 - Baibul, Mizo bible

1 Chronicles 23

¹Tin, Davida chu a dam reiin a lo upa ta hle a; tichuan a fapa Solomona chu Israelte lalah a siam a.

²Tin, Israel-ho puipa zawng zawngte chu puithiamte leh Levi-hote nen a ko khawm a.

³Tin, Levi-hote chu kum sawmthum achin chng lam chiar an ni a; an tam lam chu patling singthum leh sangriat an ni.

⁴Chung zinga sing hnih leh sangli chu LALPA in satuho hotu tur an ni a; tin, sangrukte chu hotute leh roreltu turte an ni a;

⁵tin, sangli te chu kawngkhar vengtu turte an ni a, tin, sanglite chu, "Fakna tura thil tumrik chi ka siam," Davida'n a tihte chu hmanga LALPA faktu turte an ni.

⁶Tin, Levia fa Gersona te, Kohatha te, Meraria te zatin Davida'n pawl a siam a,

⁷Gerson mite chu Ladana leh Simeia an ni.

⁸Laldana fate chu puipa ber Jehiela te, Zethama te, Joela te, pathuam an ni.

⁹Simeia fate chu Selomotha te, Haziela te Harana te, pathum an ni. Hengte hi Ladana thlah chhungkaw puipate chu an ni.

¹⁰Tin, Simeia fate chu Jahatha te, Zina te, Jeusa te, Beria te an ni . Heng palite hi Simeia fate chu an ni.

¹¹Tin, Jahatha chu a upa ber a ni a, Ziza chu a chhang a ni; Jeusa leh Beria erawh chuan fa an ngah lo a; chuvangin chhung khat anga chhiar an ni.

¹²Kohatha fate chu Amrama te, Izhara te, Hebrona te, Uziela te, pali an ni.

¹³Amrama fate chu Arona leh Mosia an ni; Arona chu amah leh athlahte chu kumkhua atana thil thianghlim takte tithianghlim a, kumkhuaa LALPA hmaa rimtui hal a, a rawng bawl a, a hming malsawmtu tura tihhran an ni.

¹⁴Pathian mi Mosia erawh chu , a fate chu Levi hnam zinga chhiar an ni.

¹⁵Mosia fate chu Gersoma leh Eliezera an ni.

¹⁶Gersoma fatea upa ber chu Sebuela a ni.

¹⁷Tin, Eliezera fatea upa ber chu Rehabia a ni. Tin, Eliezera chua nfapa dang reng reng anei lo ; Rehabia erawh chuan fapa tam tak anei.

¹⁸Izhara fatea upa ber chu Selomitha a ni.

¹⁹Hebrona fa tea upa ber chu Jeria a ni a, a chhang chu Amaria, a chhang leh chu Jahaziela, a chhang leh chu Jekameama a ni.

²⁰Uziela fatea pa zawk chu Mika a ni a, a chhang chu Isia a ni.

²¹Meraria fate chu Mahlia leh Musia an ni. Mahlia fate chu Elazara leh Kisa an ni.

²²Tin, Elazara chu a thi a, fapate nei loin fanute chau a nei a; tin, Kisa fapa an unaute nupiah an nei a.

²³Musia fate chu Mahlia te, Edera te, Jeremotha te, pathuam an ni.

²⁴Chungte chu Levia thlah, an chhungkua an gzela hming ziaka an chhiar chhngkaw puipa, LALPA in saka tawhk, kums awmhnih achin chung lama chhiar zawngte chu an ni.

²⁵Davida'n, "LALPA, Israelte Pathianin a mite chu ralmuan takin a awmtir ta a, Jerusalem -ah hian a awm ta reng a,

²⁶Levi-hote pawh hian biak buk leh a rawngbawlna'n bungbel zawng zawngte hi an zawn a ngai tawh lo e," a ti a ni.

²⁷Davida thupek hnuhnugn avangin Levi-hote hchu kum sawm hnih achin chunglam thlengin chhiar an ni si a.

²⁸A hnathawh chu Pathian ina rawngbawla Arona fapate tanpuia kawt hung hchung leh pindan chhunga thil thianghlim zawng zawng tihthianghlim a, LALPA ina rawngbawl a ni si a;

²⁹chhang chiah tur te, changphut thilhlan atana changphut dip ta, dawi dim telh loh chhangper pan emaw, bela ur emaw, kan emaw, a teh leh a lenzia ang zawng anwg tur buatsaih velte nen;

³⁰tin, tuk tina LALPA hnena lawm thu sawileh amah fakte nen, tlaiah pawh chuti bawk;

³¹tin, chawlhniah te, thla tharah te, kut bi neiah te, a tih tura ruat ang zela LALPA hnena halral thilhlan zawng zawng LALPA hmaa hlan rengte nen;tin, inbiakna puan in enkawl te, hmun thianghlim enkawl te, LALPA in arawngbawl a an unau Arona fapaten tih tur an ruat apiang tihte nen.

³²tin, inbiakna puan in enkawl te, hmun thianghlim enkawl te, LALPA in arawngbawl a an unau Arona fapaten tih tur an ruat apiang tihte nen.