Read Baibul, Mizo 1 Chronicles 4 Bible Online

1 Chronicles 4 - Baibul, Mizo bible

1 Chronicles 4

¹Juda fapate chu Pereza te, Hezrona te, Karmia te, Hura te, Sobala te an ni.

²Tin, Sobala fapa Reaian Jahatha a hring a; tin, Jahathan Ahumaia leh Lahada a hring a, chung chu Zorat-ho hnamte an ni.

³Tin, Etama pa fapate chu Jezreela te, Isma te, Idbasa te an ni; tin, an farnu hming chu Hazelelponi a ni;

⁴tin, Gedora pa Penuela leh Husa pa Ezera an ni. Chungte chu Bethlehema pa, Ephrathi fatir, Hura thlahte an ni.

⁵Tin, Tekoa pa Asuran nupui pahnih Heli leh Nari a nei a.

⁶Tin, Nari chuan Ahuzama te, Hephera te, Temenia te, Hahastaria te a hrinsak a. Chungte chu Nari fapate an ni.

⁷Tin, Heli fapate chu Zeretha te, Izhara te, Ethnana te an ni.

⁸Tin, Hakozan Anuba te, Zobeba te, Haruma fapa Aharhel-ho thlahte a hring a.

⁹Tin, Jabeza chu a unaute aia mi zahawm a ni. A nu chuan, "Lungngai chunga ka hrin a ni a," tiin a hmingah Jabeza a ti a ni.

¹⁰Tin, Jabeza chuan, "Aw, mal mi sawm ngei ngei la, ka ramri hi mi zauh la, i kut chuan mi awmpuiin lungngaihna ka chungah a thlen lohna'n sual lak ata mi thiar fihlim ang che," tiin Israelte Pathian chu a au a. Tichuan Pathianin a thil dil chu a hlawhtlintir a.

¹¹Tin, Suha unaupa Keluban Mehira a hring a, chu mi chu Estona pa a ni.

¹²Tin, Estona chuan Beth-rapha te, Pasea te, Ir-nahasa pa Tehina te a hring a. Chungte chu Reka-hote an ni.

¹³Tin, Kenaza fapate chu Othniela leh Seraia an ni a: tin, Othniela fapa chu Hathatha a ni.

¹⁴Tin, Meonothaian Ophra a hring a; tin, Seraian Geharasim-ho thlahtu Joaba a hring a: chu mite chu kut themthiam mi an ni.

¹⁵Tin, Jephunea fapa Kaleba fapate chu Irua te, Ela te, Naama te an ni a: tin, Ela fapa chu Kenaza a ni.

¹⁶Tin, Jehalela fapate chu Zipa te, Zipha te, Tiria te, Asarela te an ni.

¹⁷Tin, Ezra fapate chu Jethera te, Mereda te, Ephera te, Jalona te an ni; tin, Pharaoa fanu Bithiaii Mereda nupui fapate chu Miriama te, Samaia te, Estemoa pa Isba te an ni.

¹⁸Tin, a nupui Juda hmeichhiain Gedora pa Jereda te, Sokoa pa Hebera te, Zanoa pa Jekuthiela te a hring a.

¹⁹Tin, Nahama farnu Hodia nupuia fapate chu Garm-ho thlahtu Keila pa leh Maakat-ho thlahtu Estemoa an ni.

²⁰Tin, Simona fapate chu Amnona te, Rina te, Benhanana te, Tilona te an ni. Tin, Isia fapate chu Zohetha leh Ben-zohetha an ni.

²¹Juda fapa Sela fapate chu Leka pa Era te, Maresa pa Laada te, Asbea-ho puan zai sin siamtuhote an ni a;

²²tin, Jokima te, Kozeba-ho te, Joasa te, Sarapha, Moab rama rorela awma, chu mi hnua Jasubi-lehem-a awm taa te kha an ni.

²³Chung thu ziak chu hmasanga mi a ni. Chungho chu bel vawtu, Netaim leh Gedera khuaa awm an ni a: lal hnenah a hna thawkin an awm a ni.

²⁴Simeona fapate chu Nemuela te, Jamina te, Jariba te, Zera te, Saula te an ni;

²⁵Saula fapa chu Saluma a ni a, chu mi fapa chu Mibsama a ni a, chu mi fapa chu Misma a ni.

²⁶Tin, Misma fapa chu Hamuela a ni a; chu mi fapa chu Zakura a ni a, chu mi fapa chu Simeia a ni.

²⁷Tin, Simeia chuan fapa sawm leh paruk leh fanu paruk a nei a; a unaute erawh chuan fa an ngah ve lo a, Juda thlahte angin an thlahte pawh an pung ve lo.

²⁸Beer-seba-ah te, Molada-ah te, Hazar-sual-ah te an awm a,

²⁹Bilha-ah te, Ezem-ah te, Tolad-ah te,

³⁰Bethuel-ah te, Horma-ah te, Ziklag-ah te,

³¹Bethmarkaboth-ah te, Hazar-susim-ah te, Beth-biri-ah te, Saraim-ah te pawh. Chungte chu Davida lal thlenga an khawpuite chu a ni.

³²Tin, an khua chu khaw nga, Etam te, Ain te, Rimon te, Token te, Asan te a ni:

³³tin, chu mi vela khaw te zawng zawng baal thlengin a ni. Chungte chu an chenna a ni a, an thlahtute thu ziakna an kawl bawk.

³⁴Tin, Mesobaba te, Jamleka te, Amazia fapa Josa te,

³⁵Joela te, Josibia fapa lohua te, (chu mite pa chu Adiela fapa Seraia a ni a)

³⁶Elioenaia te, Jakoba te, Jesohaia te, Asaia te, Adiela te, Jesi-miela te, Benaia te,

³⁷Siphia fapa Ziza te, (Chu mite pa chu Allona a ni a, chu mi chu Jedaia fapa ani a, chu mi chu Simria fapa a ni a, chu mi chu Semaia fapa a ni a.)

³⁸Chung an hming an lamte chu an chhungkaw puipate an ni a; an chhungkua chu nasa takin an lo pung ta a.

³⁹Tin, Gedor luhnaah, ruam chhak lampang thlengin an ran rualte tlatna tur zawngin an kal a.

⁴⁰Tin, ran tlatna hnim tui tak tak leh tha tak tak an hmu a, a ram chu a zauin a reh a, ralmuanawm tak a ni; a hmaa lo awmte chu Hama thalhte an ni a.

⁴¹Tichuan chung an hming an ziakate chu Judai ram lal Hezekia lal lai khan an lut a, an puan inte leh chutih laia Meunim-ho lo awm te chu an tiboral vek a, tun thlengin; an hmun chu an luahsak a; an ran rual tan tlatna a awm avangin.

⁴²Tin, thenkhat Simeona fapateho, mi zanga lai Seir tlangah an kal a, an hotu atan Isia fapa Pelatia te, Nearia te, Rephaia te, Uziela te an hmang a.Tichuan Amalek-ho hnam tlan bo la awmte kha an hneh a, tun thlengin chutah chuan an awm ta a.

⁴³Tichuan Amalek-ho hnam tlan bo la awmte kha an hneh a, tun thlengin chutah chuan an awm ta a.