Read Baibul, Mizo 1 Chronicles 5 Bible Online

1 Chronicles 5 - Baibul, Mizo bible

1 Chronicles 5

¹Israela fa tir Reubena fapate chu, (ani chu fa tir zawng a ni a; amaherawhchu a pa khum a tihbawlhlawh avangin a fa tir nihna chu Israela fapa Josefa fapate pek a ni a; tichuan thlahtute chhuina chu fa tir nihnaa chhui tur a ni ta lo.

²Juda chuan a unaute a khum ta si a, amahah chuan mi lian chu a lo chhuak a; fa tir nihna erawh chu Josefa chan a ni)

³Israela fa tir Reubena fapate chu Hanoka te, Palua te, Hezrona te, Karmia te an ni.

⁴Joela fapa chu Semaia a ni a, chu mi fapa chu Goga a ni a, chu mi fapa chu Simeia a ni a,

⁵chu mi fapa chu Mika ni a, chu mi fapa chu Reaia a ni a, chu mi fapa chu Baala a ni,

⁶chu mi fapa chu Beera, Assuria lal Tilgathpileseran sala a hruai chu a ni: ani chu Reuben-ho mi lian a ni.

⁷,8 An thlahtute hnam chhui dana unaute hnam hotute chu Nebo leh Baalmeon thlenga awm Jeiela te, Zekaria te, Bela te an ni; chu mi pa chu Azaza a ni a, chu mi pa chu Sema ani a, chu mi pa chu Aroera a ni a:

⁸,7 An thlahtute hnam chhui dana unaute hnam hotute chu Nebo leh Baalmeon thlenga awm Jeiela te, Zekaria te, Bela te an ni; chu mi pa chu Azaza a ni a, chu mi pa chu Sema ani a, chu mi pa chu Aroera a ni a:

⁹ani chuan chhak laman Euphrates lui atanga thlaler luhna thlengin a luah a ni: Gilead ramah chuan an ran a lo pun tak avangin

¹⁰Tin, Saula dam lai chuan Hagarho an run a, chungho chu an kutah an lo tlawm ta a: tichuan Gilead chhak lam ram tluanin an puan inte an zar a.

¹¹Tin, Gada fapate chu an ep Basan raman Saleka thlengin an awm a:

¹²hotu Joela te, a dawttu Saphama te, Janaia te, Basan-a mi Saphata te,

¹³an chhung te, an unau Mikaila te, Mesulama te, Seba te, Joraia te, Jakana te, Zia te, Ebera te nen pasarih an ni.

¹⁴Hengte hi Huria fapa Abihaila fapate an ni, chu mi chu Jaroa fapa a ni a, chu mi chu Gileada fapa ani a, chu mi chu Mikaila fapa a ni a, chu mi chu Jesisaia fapa a ni a, chu mi chu Jadoa fapa a ni a, chu mi chu Buza fapa a ni a;

¹⁵Ahia chu Abdiela fapa a ni a, chu mi chu Gunia fapa a ni a, an chhung hotu a ni.

¹⁶Tichuan Gilead rama Basan-ah leh a khawpuiahte leh Saron daivel zawng zawng an ram chin thlengin an luah a.

¹⁷Chung zawng zawngte chu Judai ram lal Jothama lal lai leh Israel ram lal Jeroboama lal laia thlahtute chhuinaah ziak an ni.

¹⁸Reuben-ho te, Gad-ho te, Manase hnam zatvete zinga huaisen tha thiau, phaw leh kawlhnam keng thei, thal kah thiam, indo thiamte chu 44,760 an ni.

¹⁹Tin, Hagar-hote, Jetur-hote, Nephis-ho te, Nodab-hote chu an do a.

²⁰Tin, tanpuiin an awm a, tichuan Hagar-ho leh an hnena awm zawng zawngte chu an kutah pek an ni ta a: indo lai chuan Pathian an au a, anni chu a lo chhang a; amahah chuan rinna an nghah avangin.

²¹Tin, an rante an mansak a; an sanghawngsei singnga leh beram nuaihnih leh singnga leh sabengtung sanghnih leh mihring nuaikhat nen.

²²Chu indo chu Pathian remtihpui a nih avangin mi tam tak an that a ni. Sal tan thlengin an awmna ram chu an luahsak ta reng a.

²³Tin, Manasea thlah hnam zatvete chu, chu mi ramah chuan an awm a: Basan atana Baal-hermon te, Senir te, Hermon tlang thlengin an sawn zau zel a.

²⁴Tin, hengte hi an chhungkaw puipate chu an ni; Hephera te, Isia te, Eliela te, Azriela te, Jeremia te, Hodavia te, Jadiela te, mi chak huaisen, mi hmingthang, an pute chhungkaw puipate chu.

²⁵Tin, an pi leh pute Pathian chungah thil an tisual a, an hmaa Pathianin a lo tihboral tak, chu rama mi pathian te lakah chuan an uire ta a.Tin, Israelte Pathian chuan Assuria lal Pula rilru leh Assuria lal Tilgath-pilnesera rilru chu a chawk tho a, ani chuan Reuben-ho te, Gad-ho te, Manase hnam zatvete chu a man a, Hala-ah te, Habor-ah te, Haraah te, Gozan luiah te a hruai a, tun thleng hian an la awm.

²⁶Tin, Israelte Pathian chuan Assuria lal Pula rilru leh Assuria lal Tilgath-pilnesera rilru chu a chawk tho a, ani chuan Reuben-ho te, Gad-ho te, Manase hnam zatvete chu a man a, Hala-ah te, Habor-ah te, Haraah te, Gozan luiah te a hruai a, tun thleng hian an la awm.