Read Baibul, Mizo 1 Chronicles 6 Bible Online

1 Chronicles 6 - Baibul, Mizo bible

1 Chronicles 6

¹Levia fapate chu Gersona te, Lohatha te, Meraria te an ni.

²Tin, Kohatha fapate chu Amrama te, Izhara te, Hebrona te, Uziela te an ni.

³Tin, Amrama thlahte chu Arona te, Mosia te, Miriami te an ni a. Tin, Arona fapate chu Nadaba te, Abihua te, Eleazara te, Ithamara te an ni.

⁴Elazara chuan Phinehasa a hring a, Phinehasan Abisua a hring a;

⁵tin, Abisuan Bukia a hring a, tin, Bukian Uzia a hring a;

⁶tin, Uzian Zerahia a hring a, tin, Zerahian Meraotha a hring a;

⁷Meraiothan Amarai a hring a, tin, Amarian Ahituba a hring a;

⁸tin, Ahituban Zadoka a hring a, tin, Zadokan Ahimaaza a hring a;

⁹tin, Ahimaazan Azaria a hring a, tin, Azarian Johanana ah ring a,

¹⁰tin, Johananan Azaria a hring a, (chu mi chuan a ni, Jerusalema Solomona sak biak ina puithiam hna thawk ni:)

¹¹tin, Azarian Amaria a hring a, tin, Amarian Ahituba a hring a,

¹²tin, Ahituban Zadoka a hring a, tin, Zadokan Saluma a hring a;

¹³tin, Saluman Hilkia a hring a, tin, Hilkian Azaria a hring a;

¹⁴tin, Azarian Seraia a hring a, tin, Seraian Jehozadaka a hring a;

¹⁵tin, LALPA'n Judai ram leh Jerusalem khua Nebukdanezzara kuta a pek lai khan Jehozadaka chu salah a tang ve a.

¹⁶Levia fapate chu Gersoma te, Kohatha te, Meraria te an ni.

¹⁷Tin, he'ng hi Gersoma fapate hming chu a ni: Libnia leh Simeia.

¹⁸Tin, Kohatha fapate chu Amrama te, Izhara te, Hebrona te, Uziela te an ni.

¹⁹Meraria fapate chu Mahlia leh Musia an ni. Chunge chu an chhungkaw kal dan ang zela Levi-ho hnamte chu an ni.

²⁰Gersoma fapa chu Libnia a ni a, chu mi fapa chu Jahatha a ni a, chu mi fapa chu Zima a ni a;

²¹chu mi fapa chu Joa a ni a, chu mi fapa chu Idova a ni a, chu mi fapa chu Zera a ni a, chu mi fapa chu Jeatheraia a ni.

²²Kohatha fapae chu Aminadaba a ni a, chu mi fapa chu Kora a ni a, chu mi fapa chu Asira a ni a;

²³chu mi fapa chu Elkana a ni a, chu mi fapa chu Ebiasapha a ni a, chu mi fapa chu Asira a ni a;

²⁴chu mi fapa chu Tahatha a ni a, chu mi fapa chu Uriela a ni a, chu mi fapa chu Uzia ani a, tin, chu mi fapa chu Saula a ni.

²⁵Tin, Elkana fapate chu Amasaia leh Ahimotha an ni.

²⁶Elkana thlahte chu: Elkana fapa chu Zophaia a ni a, chu mi fapa chu Nahatha a ni a;

²⁷chu mi fapa chu Eliaba a ni a, chu mi fapa chu Jerohama a ni a, chu mi fapa chu Elkana a ni.

²⁸Tin, Samuela fapate chu a upa zawk chu Joela a nia , a dawttu chu Abija a ni.

²⁹Meraria fapa chu Mahlia a ni a, chu mi fapa chu Libnia a ni a, chu mi fapa chu Simeia a ni a, chu mi fapa chu Uza a ni a;

³⁰chu mi fapa chu Simea a ni a, chu mi fapa chu Jagia a ni a, chu mi fapa chu Asaia a ni.

³¹Chungte chu a ni, bawm dah hnua LALPA ina hla hruaitu atan Davida'n a ruatte chu.

³²Tichuan Solomonan Jerusalem-a LALPA in a sak hma loh chu, inbiakna puan inah chuan hlain rawng an bawl thin a; a pawl pawlin rawngbawl hna an inchhawk kual thin a.

³³Tin, henge hi chung hnathawktute chu a ni, an fapate nen, Kohath-ho thlahte chu hla satu Hemana a ni a, chu mi pa chu Joela a ni a, chu mi pa chu Samuela a ni a;

³⁴chu mi pa chu Elkana a ni a, chu mi pa chu Jerohama a ni a, chu mi pa chu Eliela a ni a, chu mi pa chu Tova a ni a;

³⁵chu mi pa chu Zupha a ni a, chu mi pa chu Elkana a ni a, chu mi pa chu Mahatha a ni a, chu mi pa chu Amasaia a ni a,

³⁶chumi pa chu Elkana a ni a, chu mi pa chu Joela a ni a, chu mi pa chu Azaria a ni a, chu mi pa chu Zephani a ani a,

³⁷chu mi pa chu Tahatha a ni a, chu mi pa chu Asira a ni a, chu mi pa chu Asira a ni a, chu mi pa chu Ebiasapha a ni a, chu mi pa chu Kora a ni a;

³⁸chu mi pa chu Izhara a ni a, chu mi pa chu Kohatha a ni a, chu mi pa chu Levia a ni a, chu mi pa chu Israela a ni a.

³⁹Tin, a unaupa Asapha, a ding lama che thin a ni a, Asapha pa chu Berekia a ni a, chu mi pa chu Simea a ni a;

⁴⁰chu mi pa chu Mikaela a ni a, chu mi pa chu Baaseia a ni a, chu mi pa chu Malkija a ni a;

⁴¹chu mi pa chu Ethnia a ni a, chu mi pa chu Zera a ni a, chu mi pa chu Adaia a ni a;

⁴²chu mi pa chu Ethana a ni a, chu mi pa chu Zima a ni a, chu mi pa chu Simeia a ni a;

⁴³chu mi pa chu Jahatha a ni a, chu mi pa chu Gersoma a ni a, chu mi pa chu Levia a ni a.

⁴⁴Tin, vei lama che thin an unau, Meraria fapa Ethana a ni a, chu mi pa chu Kisia a ni a, chu mi pa chu Abdia a ni a, chu mi pa chu Maluka a ni a;

⁴⁵chu mi pa chu Hasabia a ni a, chu mi pa chu Amazia a ni a, chu mi pa chu Hilkia a ni a;

⁴⁶chu mi pa chu Amzia a ni a, chu mi pa chu Bania a ni a, chu mi pa chu Semera a ni a;

⁴⁷chu mi pa chu Mahlia a ni a, chu mi pa chu Musia a ni a, chu mi pa chu Meraria a ni a, chu mi pa chu Levia a ni a.

⁴⁸Tin, an unau Levi-hote chu Pathian biakbuka rawngbawl hna zawng zawng thawk tura ruat an ni.

⁴⁹Arona leh a thlahte erawh chuan Pathian chhiahhlawh Mosia'n thu a lo pek tawh zawng zawng ang khan, hmun thianghlim ber hna zawng zawng chu changin, Israelte tana remna siamna'n halral thilhlanna maichamah leh rimtui hlanna maichamah an hlan thin a.

⁵⁰Tin, hengte hi Arona fapate chu an ni: Eleazara chu a fapa a ni a, chu mi fapa chu Phinehasa a ni a, chu mi fapa chu Abisua a ni a;

⁵¹chu mi fapa chu Bukia a ni a, chu mi fapa chu Uzia ani a, chu mi fapa chu Zerahia a ni a;

⁵²chu mi fapa chu Meraiotha a ni a, chu mi fapa chu Amaria a ni a,chu mi fapa chu Ahituba a ni a;

⁵³chu mi fapa chu Zadoka a ni a, chu mi fapa chu Ahimaaza a ni.

⁵⁴Tin, hengte hi an ram chhunga an awmhmun khuar dan ang zela na awmhmunte chu a ni: Arona fa, Kohath mi hnamte chu (thumvawr chu an chunga tlu hmasa ber a ni reng a).

⁵⁵Judai ram a Hebron leh a daivelte chu an pe a,

⁵⁶khawpui daiv0elte leh a khawperte erawh chu Jephunea fapa Kaleba an pe a.

⁵⁷Tin, Arona fapate chu inhumhimna khawpui Hebron te, Libna khua a daivelte nen, Jatir leh Estomoa khua a daivelte nen;

⁵⁸tin, Hilen khua a daivelte nen, Debir khua a daivelte nen;

⁵⁹tin, Asan khua a daivelte nen, tin, Beth-semes khua a daivelte nen;

⁶⁰tin, Benjamin hmate zing ata Geba khua a daivelte nen, Anathoth khua a daivelte nen an pe a. An hnam zinga khawpui pek zawng zawng chu khaw sawm leh khaw thum a ni.

⁶¹Tin, Kohatha fapa dangte chu hnam zatve, Manasea thlahte hnam zatve chanpuala mite khawpui sawm, thumvawrin an pe a.

⁶²Tin, Gersoma fapate chu an hnam kal dan ang zelin, Isakar hnam chanpuala mi te, Aser hnam chanpuala mi te, Naphtali hnam chanpuala mi te, Basan rama Manase hnam chanpuala mi te, khawpui sawm leh pathum an pe a.

⁶³Meraria fapate chu an hnam kal dan ang zelin Reuben hnam chanpuala mi te, Gad hnam chanpuala mi te, Zebulun hnam chanpuala mi te, thumvawrin khaw sawm leh pahnih an pe a.

⁶⁴Tin, Israela thlahte chuan Levi-ho chite chu khawpuite leh a daivelte an pe a.

⁶⁵Tichuan Juda hnam chanpuala mi te, Simeon hnam chanpuala mi te, Benjamin hnam chanpuala mi te khawpui hming sawi takte chu thumvawrin an pe a ni.

⁶⁶Tin, Kohatha thlahte hnam thenkhat chuan Ephraim-hote chanpuala mi khawpuite an chang a.

⁶⁷Tin, Ephraim tlang rama inhumhimna khawpui Sekem chu a daivelte nen an pe a;

⁶⁸Gezer a daivelte nen; Jokmeam a daivelte nen Beth-horon a daivelte nen;

⁶⁹Tin, Aijalon a daivelte nen, Gath-rimon a daivelte nen;

⁷⁰Tin, Manase hnam zatvete chanpuala mi chu - Kohatha thlahte hnam la awmte tan chuan - Aner a daivelte nen, Bileam a daivelte nen an pe a.

⁷¹Manase hnam zatvete chanpuala mi Gersoma fapate an pek chu Basan rama Golan a daivelte nen, Astaroth a daivelte nen a ni,

⁷²Isakar hnam chanpuala mi Kedes a daivelte nen, Daberoth a daivelte nen,

⁷³Ramoth a daivelte nen, Anem a daivelte nen,

⁷⁴Aser hnam chanpuala mi Masal a daivelte nen, Abdon a daivelte nen,

⁷⁵Hukok a daivelte nen, Rehob a daivelte nen,

⁷⁶Naphtali hnam chanpuala mi Galili rama Kedes a daivelte nen, Hamon a daivelte nen, Kiriathaim a daivelte nen a ni.

⁷⁷Tin, Meraria thlah Levi-ho dangte an pek chu Zebulun hnam chanpuala mi Rimono khua a daivelte nen, Tabor khua a daivelte nen,

⁷⁸Jeriko zawn Jordan ral, Jordan chhak lampangah Reuben hnam chanpuala mi thlalera Bezer khua a daivelte nen, Jaza khua a daivelte nen,

⁷⁹Kedemoth khua a daivelte nen, Mephaath khua a daivelte nen,

⁸⁰Gad hnam chanpuala mi Gilead rama Ramoth khua a daivelte nen, Mahanaim khua a daivelte nen,Hesbon khua a daivelte nen,Jazer khua a daivelte nen a ni.

⁸¹Hesbon khua a daivelte nen,Jazer khua a daivelte nen a ni.