Read Baibul, Mizo 1 Chronicles 9 Bible Online

1 Chronicles 9 - Baibul, Mizo bible

1 Chronicles 9

¹Chutichuan Israel zawng zawngte chu thlahte chhiarnaa chhiar an ni a; tichuan ngai teh, Israel lalte lehkhabuah a chuang a ni; tin, Judate chu an bawhchhiatna avangin babulon-ah sala hruaiin an awm a.

²Tin, an chanpual khua luah tantute chu Israel-ho te, puithiam ho te, Levi-ho te, Nethin-hote an ni.

³Tin, Jerusalem-ah chuan Juda thlah te, Benjamina thlah te, Ephraima leh Manasea thlahte an awm a;

⁴Uthaia chu Amihuda fapa ani a, chu mi chu Omria fapa a ni a, chu mi chu Imria fapa a ni a, chu mi chuBania fapa a ni a, chungte chu Juda fapa Pereza thlahte an ni.

⁵Tin, Silon-ho thlahte chu Asaia chu an zinga upa ber a ni a, a fate nen.

⁶Tin, Zera thlahte chu Jeuela, a unaute nen, 690 an ni.

⁷Tin, Benjamina thlahte chu, Salua chu Mesulama fapa a ni a, chu mi ch Hodavia fapa a ni a, chu mi chu Haenua fapa a ni a;

⁸tin, Ibneia chu Jerohama fapa a ni a, Ela chu Uzia fapa a ni a, chu mi chu Mikria fapa a ni a, Mesulama chu Sephatia fapa ani a, chu mi chu reuela fapa a ni a, chu mi chu Ibnija fapa ni;

⁹tin, anmahniho chhuanah chuan unau 956 an ni. Chung zawng zawngte chu an hnam zinga an chhungkaw puipate an ni.

¹⁰Tin, puithiamte chu Jedaia te, Jehoiariba te, Jakina te,

¹¹Hilkia fapa Azaria te an ni a; chu mi chu Mesulama fapa a ni a, chu mi chu Meraiotha fapa a ni a, chu mi chu Pathian ina hotu Ahituba fapa a ni a;

¹²Jerohama fapa Adaia te nen, chu mi chu Pasura fapa ani a, chu mi chu Malkija fapa a ni a, Adiela fapa maasaia te nen, chu mi chu Jazera fapa a ni a, chu mi chu Mesulama fapa a ni a, chu mi chu Mesilemitha fapa a ni a, chu mi chu Imera fapa a ni a;

¹³an unaute chu chhungkaw puipa, 1,760 an ni a; Pathian ina rawngbawl hna thawk mi tak an ni.

¹⁴Tin, Levi-hote chu, Hasuba fapa Semaia a ni a, chu mi chu Azrikama fapa ani a, chu mi chu Hasabia fapa a ni a, chu mite chu Meraria fapate an ni;

¹⁵tin, bakbakara te, Heresa te, Galala te, Matania te an ni a, chu mi chu Mika fapa ani a, chu mi chu Zikria fapa a ni a, chu mi chu Asapha fapa a ni.

¹⁶Tin, Semaia fapa Obadia, chu mi chu Galala fapa a ni a, chu mi chu Jeduthuna fapa a ni; tin, Asa fapa Berekia, chu mi chu Netophat-ho khuaa mi Elkana fapa a ni a.

¹⁷Tin, kawngkhar vengtute chu Saluma te, Akuba te, Talmona te, Ahimana te, a unaute nen an ni, Saluma chu hotu ber a ni;

¹⁸ani chu tun hmain lal kulh kawngka chhakta vengtu ani thin a: anni chu Levia thlahte riahhmun kawngkhar vengtu an ni.

¹⁹Tin, Korea fapa chu Saluma a ni a, chu mi chu Ebiasapha fapa ani a, chu mi chu Kora ani ,chungte chu an unau an chhungte Kora-hote nen rawngbawltu, biakbuk kawngkharte vengtu an ni a; tin, an pute chu LALPA riahbuk rawngbawltu, a luhnate vengtu an ni thin;

²⁰tun hma chuan Elazara fapa Phinehasa chu an hotu ani a, LALPA chu a hnenah a awm a.

²¹Meselemia fapa Zekaria chu inbiakna puan in kawngkhar vengtu a ni a.

²²Chung kawngkhar vengtu atana thlan zawng zawngte chu zahnih leh sawm leh pahnih an ni.Davida leh zawlnei Samuelan an thawh tur an lo ruatte chu mahni khua theuha thlahte chhiarnaa ziak an ni.

²³Chutichuan anmahni leh an fate chuan LALPA in kawngkhar, biakbuk in kawngkharte chu enkawlin, vengtu chan an chang thin a ni.

²⁴A kil pali- chhak lampangah te, thlang lampangah te, hmar lampangah te, chhim lampangahte chuan - kawng khar vengtute an awm thin a.

²⁵Tin, khuaa mi an unaute chu, ni sarih apiangin hunbi nei tein an hnena awm turin an kal ve thin tur a ni a:

²⁶kawngkhar vengtu hotu palite chu Levi hnamte an ni a, Pathian ina sum dahna leh pindan enkawltu an ni si a.

²⁷Tichuan enkawl hna chu an hna a nih avang leh, tuk tina kawng hawn chu an hna a nih avangin Pathian in velahte chuan an riak thin a ni.

²⁸Thenkhat chuan rawngbawlna bungbel an enkawl a; an dah luh dawn leh lak chhuah dawnin an chhiar zel thin a ni.

²⁹Thenkhatte chu bungrua te, hmun thianghlma bungbel zawng zawng te, chhangphut dip tak te, uain te, hriak te, beraw leh rimtuite enkawl tura ruat an ni a.

³⁰Tin, puithiam fapa thenkhatte chuan rimtui an siam thin a.

³¹Tin, kora hnam, Saluma fapa upa ber, Levi mi matthithia chu bela thil kan lam ngaihtuahtu a ni.

³²Tin, Kohath-ho thlahte zinga mi an unau thenkhatte chu chhang dah, chawlhni apianga buatsaiha chhang dahtute an ni.

³³Chungte chu hla satuho, Levi-ho chhungkaw puipa, bhiak in pindan nghaktu, rawngbawlna danga awlte an ni: chhung leh zana thawk reng an ni a.

³⁴Chungte chu anmahni chhuan zawng zawnga htou, Levi-ho chhungkaw puipate an ni a, Jerusalem-a awm an ni.

³⁵Tin, Gibeon-ah chuan Gibeon-ho thlahtu Jeiela a awm a, (A nupuia hming chu Maaki a ni)

³⁶a fa tir chu Abdona a ni a, Zura te, Kisa te, Baala te, Nera te, Nadaba te;

³⁷Gedora te, Ahiova e, Zekaria te, Miklotha te an ni leh a.

³⁸Tin, Miklothan Simeama a hring a. Anniho pawh chu Jerusalem-ah an unauzain an unaute depah an awm a.

³⁹Tin, Neran Kisa a hring a; tin, Kisan Saula a hring a, tin, Saula'n Jonathana te, Malki-sua te, Abinadaba te, Esbaala te a hring a.

⁴⁰Tin, Jonathana fapa chu Merib-baala a ni a: tin, Merib-baala chuan Mika a hring a.

⁴¹Tin, Mika fapate chu Pithona te, Meleka te, Tahrea te, Ahaza-te an ni.

⁴²Tin, Ahazan Jara a hring a; tin, Jaran Alemetha te, Azmavetha te, Zimria te a hring a; tin, Zimrian Moza a hring a:

⁴³tin, Mozan Binea a hring a; chu mi fapa chu Rephaia ani a, chu mi fapa chu Elasa a ni a, chu mi fapa chu Azela a ni:tin, Azela chuan fapa paruk a nei a, anhmingte chu Azrikama te, Bokerua te, Ismaela te, Searia te, Obadia te, Hahana te an ni: chungte chu Azela fapate an ni.

⁴⁴tin, Azela chuan fapa paruk a nei a, anhmingte chu Azrikama te, Bokerua te, Ismaela te, Searia te, Obadia te, Hahana te an ni: chungte chu Azela fapate an ni.