Read Baibul, Mizo 2 Chronicles 1 Bible Online

2 Chronicles 1 - Baibul, Mizo bible

2 Chronicles 1

¹Tin, Davida fapa Solomona chu a ram chhungah chuan tihchakin a awm a, LALPA a Pathian chu a hnenah a awm a, nasa takin a tiropui a.

²Tin, Solomona chuan Israel-ho zawng zawng, sipai sang hotu te, za hotu te, roreltu te, Israel ram zawng zawnga milian, chhungkaw puipa zawng zawngte chu a bia a.

³Chutichuan Solomona leh inkhawmho zawng zawngte chu Gibeon khuaa hmun sangahchuan an kal a; chutah chuan LALPA chiahhlawh Mosia'n thlalera a siam Pathian biakna buk kha a awm a ni.

⁴Pathian bawm erawh chu Davida'n a lo buatsaih tawhna hmunah Kiriath-jearim atangin Davida chuan a lo la chho tawh a; Jerusalem-ah a dahna tur puan in a lo zar sa taw reng a.

⁵Tin, Hura fa Uria fapa Bezalela siam dar maicham kha LALPA biakna buk bula chuan a awm bawk a; tin, Solomona lehmipuihote chuan an va pan a.

⁶Solomona chu ibiakna puan in bula dar maicham awmna LALPA hmaah chuan a han chho a, halral thilhlan sangkhat a han hlan a.

⁷Chu mi zan chuan Solomona hnenah Pathian a inlar a, a hnenah, "Eng nge ka pek ang che mi dil rawh," a ti a.

⁸Tin, Solomona Pathian hnenah, "Ka pa Davida hnenah khan khawngaihna nasa tak i lantir a, a aiawhin lalah mi lo siam ta a.

⁹Tichuan aw LALPA Pathian, ka pa Davida hnena i thutiam kha tipuitling ang che; nangin vaivut zat zet mipuite lalah mi lo siam ta a.

¹⁰Tichuan he'ng mipuiho hmaa lut leh chhuaka ka awm theihna'n finna leh hriatna mi han pe ang che; i mi heti zozai hi tu nge rorelsak thei ang le?" a ti a.

¹¹Tin, Pathianin Solomona hnenah, "Hetiang rilru i put a, sum leh pai te, hausakna te, chawimawina te, nangmah hawtu che nunna te dil lo a, damreina te pawh dil lo a, an chunga lala ka siamna che ka mite ro i relsak theihna tura finna leh hriatnate mi dil zawk avangin,

¹²finna leh hriatna chu pek i ni tawh e: tin, i hmaa lalte pawhin an la neih ngai loh, i hnu pawha an nei hauh loh tur sum leh pai te, hausakna te, chawimawina te ka pe bawk ang che," a ti a.

¹³Chutichuan Solomona chu hmun sang bula biak buk awmna Gibeon khuaa a zin chu Jerusalem-ah a haw a, Israel-te chungah ro a rel ta a.

¹⁴Tin, Solomona chuan tawlailirte leh sakawr chungchuang mite a khawm chiam a; tawlailir sangkhat leh zali leh sakawr chung chuang mi singkhat leh sanghnih a nei a, chung chu tawlailir dahna khuaah te, Jerusalem khuaa lal awmnaahte chuan a dah a.

¹⁵Tin, lal chuan Jerusalem khuaah chuan rangkachak leh tangkaruate chu lung ang maia ngaih khawpin a dah teuh a, sidar thingte chu phaia theipui thing ang leka ngaih khawpin a da bawk a.

¹⁶Tin, Solomona neih sakawr-te chu Aigupta ram ata rawn tawlh chhuah a ni a; lal sumdawngtute chuan chung chu a rual rualin an lo khar thin a, a ruala lei zel a ni.Aigupta rama mi tawlailirte chu tangkarua sekel zaruk zelin an tithleng thin a, tin, sakawrte chu tangkarua sekel za leh sawmnga zelin; chutiang bawk chuan Hit-ho lal zawng zawngte leh Suria lalte pawh an tihthlensak thin a ni.

¹⁷Aigupta rama mi tawlailirte chu tangkarua sekel zaruk zelin an tithleng thin a, tin, sakawrte chu tangkarua sekel za leh sawmnga zelin; chutiang bawk chuan Hit-ho lal zawng zawngte leh Suria lalte pawh an tihthlensak thin a ni.