Read Baibul, Mizo 2 Chronicles 12 Bible Online

2 Chronicles 12 - Baibul, Mizo bible

2 Chronicles 12

¹Tin, Rehohoma chu a lo lal ngheh tak chinah chuan a lama tang Israel-ho zawng zawng nen, LALPA dan chu an hawisan ta a.

²2-3, Tin, heti hi a ni a, lal Rehoboama kum nga a lal kum chuan LALPA chunga an sual avangin Aigupta lal Sisaka chuan tawlailir 1,200 leh sakawr chung chuang mi 60,000 nen Jerusalem a han bei a: Aigupta rama mi a hnena kalte chu chhiar sen rual an ni lo; Lub-ho te, Suki-ho te, Ethiopia-ho te an ni a.

³2-3, Tin, heti hi a ni a, lal Rehoboama kum nga a lal kum chuan LALPA chunga an sual avangin Aigupta lal Sisaka chuan tawlailir 1,200 leh sakawr chung chuang mi 60,000 nen Jerusalem a han bei a: Aigupta rama mi a hnena kalte chu chhiar sen rual an ni lo; Lub-ho te, Suki-ho te, Ethiopia-ho te an ni a.

⁴Judai rama kulh nei khuate a la a, Jerusalem a va thleng a.

⁵Tin, zawlnei Semaia chu Rehoboama leh Juda-ho puipa Sisaka avanga Jerusalem-a pungkhawmho hnena chuan a han kal a, an hnenah, "LALPA chuan heti hian a ti, 'Mi hawisan ta a, chuvangin kei pawhin Sisaka kutah ka dah ta che u a ni,' tiin," a han ti a.

⁶Chutichuan Israel-ho puipate leh lal chu an intihnuai a, "LALPA chu a fel a ni," an ti a.

⁷Tin, LALPA'n an intihnuai chu a lo hriat chuan LALPA thu Semaia hnenah a lo thleng a, "An intihnuai ta a; ka tiboral vek lo ang a, thenkhat ka chhanhim ang a, Sisaka hmangin Jerusalem chungah ka thinurna ka leih lo ang.

⁸Amaherawhchu a chhiahhlawhte an ni ang, ka rawngbawl leh ram dang mi rawngbawl dan an hriatna'n," tiin.

⁹Chutichuan Aigupta lal Sisaka chu Jerusalem beiin a han cho a, LALPA ina rote leh lal ina rote a la a; a la zo vek a ni; Solomona siam rangkachak phawte pawh a la a.

¹⁰Tin, lal Rehoboama chuan chung aia chuan dar phawte a siam a, lal in kawngkhar vengtu sipai hotute a kawltir a.

¹¹Tin, heti hi a ni a, lal chu LALPA ina a lu apiangin vengtute chuan an keng a, tin, vengtute pindanah chuan an dah leh zel thin a.

¹²Tin, a han intihhnuai tak avang chuan a tihboral hlauh lohna'n a chunga LALPA thinurna chu akiang ta a; tin, Judai ram chu a la tha reng bawk a.

¹³Chutichuan lal Rehoboama chu Jerusalem-ah chuan a intinget a, ro a rel a: Rehoboama chu a la tantirhin kum sawmli leh kum khat a ni a, LALPA'n a hming awmtirna tura Israel hnam zawng zawng zinga a thlan khua Jerusalem-ah kum sawm leh ku sarih a lal a; a nu hming chu Naamai, Amon mi a ni,

¹⁴LALPA zawnna'n a rilru a hman loh avangin thil tha lo a ti a.

¹⁵Tichuan Rehoboama chanchin chu a bul atanga a tawp thlengin zawlnei Semaia ziak chanchin bua leh zawlnei Idova ziak chanchin bua thlahte chanchin zingah ziak a ni lo'm ni? Rehoboama leh Jeroboama chu an indo reng mai a ni.Tin, Rehoboama chu a pi leh pute hnenah a muhil a, Davida khuaah an pum a: a aiah a fapa Abija a lal ta a.

¹⁶Tin, Rehoboama chu a pi leh pute hnenah a muhil a, Davida khuaah an pum a: a aiah a fapa Abija a lal ta a.