Read Baibul, Mizo 2 Chronicles 14 Bible Online

2 Chronicles 14 - Baibul, Mizo bible

2 Chronicles 14

¹Chutichuan Anija chu a pute hnenah a muhil a, Davida khawpuiah an phum a, a aiah a fapa Asa a lal ta a: alal chhung chuan an ram chu kum sawm zet ralmuangin a aawm a.

²Asa chuan LALPA a Pathian mithmuhah thil tha leh dik a ti thin a:

³ram dang pathian maichamte leh hmun sangte a thehthang bo a, lungphunte a tichim a, Aseri-te a kit a:

⁴Juda-hote chu LALPA an pi leh pute Pathian zawng tur leh a dan leh a thupek zawm turin thu a pe a.

⁵Tin, Juda-te khua zawng zawnga hmun sangte leh mi lemte a thehthang bo vek bawk a; a hnuaiah ram chu ralmuangin a awm a.

⁶Tin, Judai rama chuan kulh nei khuate a siam a; ram chu ralmuangin a awm a, LALPA'n ralmuanna a pek avangin chung kum chuan tumah do a nei lo.

⁷Judate hnena chuan, "Heng khuate hii din tha ang u khai, kulhte in hung i la, in sang te, kulh kawngkhar te, akalhna te i siam ang u; LALPA kan Pathian hi kan zawn tak avangin ram chu kan huaiah a lo awm ta a; amah chu kan zawng a, ani chuan kil tin, kil tanga ralmuanga awmna min pe ta a ni," a ti a. Chutichuan an din tha a, an hmuingil ta zel a.

⁸Tin, Asa chuan Juda mi, phaw leh fei keng mi sipai nuaithum anei a; tin, Benjamin mi, phaw leh thal hmang mi nuaihnih leh singriat: chung zawng anwg chu mi chak huaisen vek an ni.

⁹Tin, Ethiopia mi Zera, sipai maktaduai leh tawlailir zathum nen anmahni bei turin a lo thawk a; Maresa a lo thleng a.

¹⁰Tichuan Asa chu a bei turin a va thawk a, Maresa-ah Zephatha ruamah an va inzar a.

¹¹Tin, Asa chuan LALPA a Pathian a au a, "LALPA chauh lo chu mi chak tak laka chak lo tanpuitu an awm lo a; aw LALPA kan Pathian, min tanpui rawh khai; nangmah ringin i hmingin he'ng mipuiho hi kan rawn bei a ni a. Aw LALPA, kan Pathian i ni a, mihringin nang chu ngam suh se," a ti a.

¹²Chutichuan LALPA'n Asa leh Judate hmaah chuan Ethiopia mite chu a bei a; tichuan Ethiopia mite chu an tlanchhe ta a.

¹³Tin, Asa leh a hote chuan Gerar thlengin an um a; Ethiopia mite chu thi an tam em avangin tan an khawh thei ta lo a; LALPA leh a sipaite hmaa chuan tihtlawm an ni ta a; rallak sum tam tak an la a.

¹⁴Gerar vela khua zawng zawngte chu an bei a, LALPA chu an hlau ta a, khua zawng zawng chu an rawk a, rallak sum a tam hle mai a.Ranpuho puan inte pawh an bei a, beram leh sanghawngsei tam tak an kawl a, Jerusalem-ah an haw leh ta a.

¹⁵Ranpuho puan inte pawh an bei a, beram leh sanghawngsei tam tak an kawl a, Jerusalem-ah an haw leh ta a.