Read Baibul, Mizo 2 Chronicles 2 Bible Online

2 Chronicles 2 - Baibul, Mizo bible

2 Chronicles 2

¹Tin, Solomonan LALPA hming atan in sak a tum a, lal in tur nen.

²Solomona chuan thil phur mi singsarih leh, tlanga thing kittu singriat leh anmahni vengtu sangthum leh zaruk a ruat a.

³Tin, Solomonan tura lal Hurama hnenah, "Ka pa Davida thil i lo tihsak a, a awmna tur in sakna'n sidar te i lo thawh ang khan, min tihsak ve ta he.

⁴LALPA ka Pathian tan in sak ka tum ta a. Chu in chu rimtui hala LALPA biakna hmun, Israelte hnena tih tur thupek ding reng - chhangdah hlan te, chawlhni leh thla thar leh LALPA kan Pathian hminga kut ni tea zing leh tlaia halral thilhlan hlan rengna tur a ni ang. Hengte hi Israelte tana kumkhaw thuruat chu a ni e.

⁵Tin, ka in sak tum hi ropui tak tur a ni a, kan Pathian hi pathian zawng zawng aia ropui a ni si a.

⁶van zau tak pawha leng lo Pathian chu tuma'n in an saksak thei lo ang a. Kei tehlul hian rimtui hala amah biakna'n chauh lo chuan engtin nge in ka saksak theih ang le?

⁷Chutichuan Judai ram leh Jerusalem-a mi themthiamte ka pa Davida'n a lo rawih thin tuna ka hnena awmte zinga thawk ve tur hian mi pakhat, rangkachak te, tangkarua te, dar te, thir lam te khawih thei, puan senduk te, senlar te, dumpawl te siam thiam, ziak eng ang pawh thiam mi rawn tirh ang che.

⁸,9 Lebanon-a mi sidar thing te, far thing te, algum thingte pawh mi han thawn ang che; i miten Lebanon-a thing kih an thiam hle tih ka hre si a; tichuan ngai teh, thing tam tak mi buatsaihsak turin ka mite chu i mite zingah tel ve rawh se; ka in sak tum hi in ropui tak tur a ni si a.

⁹,8 Lebanon-a mi sidar thing te, far thing te, algum thingte pawh mi han thawn ang che; i miten Lebanon-a thing kih an thiam hle tih ka hre si a; tichuan ngai teh, thing tam tak mi buatsaihsak turin ka mite chu i mite zingah tel ve rawh se; ka in sak tum hi in ropui tak tur a ni si a.

¹⁰Tin, ngai teh, i mi, thing kittute chu chhangphut tehkhawng singhnih leh barli tehkhawng singhnih leh uain bath singhnih leh hriak bath singhnih ka pe ang e," tiin mi a tir a.

¹¹Tichuan tura lal Hurama chuan, "LALPA'n a mite a hmangaih avangin an lalah a siam che a nih hi," tiin Solomona chu lehkhain a chhang a.

¹²Hurama chuan, "LALPA, Israelte Pathian, lei leh van siamtu, LALPA in leh lal in sa tura finna leh hriatna nei fapa fing tak lal Davida petu chu fakin awm rawh se.

¹³,14 Mi themthiam, finna le hriatna nei, Dana thlaha mi hmeichhe pakhat fa, a hming Hurama ka rawn tir e, a pa chu tura khuaa mi, rangkachak lam te, tangkaraw lam te, dar lam te, thir lam te, lung lam te, thing lam te, puan senduk te, dumpawl te, puan zai sin te, senlar te deh thiam, ziak eng ang pawh thiam, thiam tinreng thiam a ni a; i mi themthiamho leh ka pu i pa Davida themthiamho zinga chuan a rawn thawk ve ang.

¹⁴,13 Mi themthiam, finna le hriatna nei, Dana thlaha mi hmeichhe pakhat fa, a hming Hurama ka rawn tir e, a pa chu tura khuaa mi, rangkachak lam te, tangkaraw lam te, dar lam te, thir lam te, lung lam te, thing lam te, puan senduk te, dumpawl te, puan zai sin te, senlar te deh thiam, ziak eng ang pawh thiam, thiam tinreng thiam a ni a; i mi themthiamho leh ka pu i pa Davida themthiamho zinga chuan a rawn thawk ve ang.

¹⁵Chutichuan buh te, barli te, hriak te, uain thu te ka LALPA'n a sawi chu chhiahhlawhte chu rawn thawn ang hmiang,

¹⁶tichuan keinin Lebanon-a thing chu i duh zat zat kan lo kir ang a, tuifinriatah Jopa thlengin kan rawn tawlhsak ang chia; tin, nangin Jerusalem-ah i thiar cho dawn nia," a ti a.

¹⁷Tin, Solomona chuan Israel rama a pa Davida'n a lo chhiar tawh si a, hnam dang mi zawng zawng chu a chhiar a, 1,53,600 an ni a.Tin, thil phur mi 70,000 leh tlanga thingkittu 80,000 leh, mipuite thawh dan relbawlsaktu tur 3,600 a ruat a.

¹⁸Tin, thil phur mi 70,000 leh tlanga thingkittu 80,000 leh, mipuite thawh dan relbawlsaktu tur 3,600 a ruat a.